1 Kirinti 6
6
Doku Tautau Maneŋo Kimaine Mane Qelaŋ Eŋano Dongo Misuk Birakayake
1Ŋinane keuwo ŋine ŋei mane kimainerop sot wane donetne payakeo, eŋe kisi maep ŋei ŋetne eŋano ari don mi rara, eŋe ware ware qelaŋine eŋano don ma ari raki menageyake me? Mi kopkemaike. 2Kaisale wane Kisi rara ŋei ŋedo gemage kepe baŋem ŋei korop eŋane don rakokkene, eya mi detokanmami me? Eso gemage kepe baŋem ŋei korop eŋane don ŋido rakokkeiwane pamaikeo, ŋinŋino don kaki nigatne yaline wakongi ŋidomka rakokkei wane, rokop mi okanmami me? 3Ŋedo Naso Suwaino aŋelo eŋane don baŋ rakokkene, ŋine yewa mi detmami me ŋene eŋane don baŋ rakokkene. Eya wane mo ŋene kepe iwa wane gege mage wane done maine rakokkene! ŋenze kine qelaŋ edo maine mi rakokkei. 4Eya wane mo ŋinano kepe iwa wane don yauwine mane wakon-maikeo ŋine onoka wane sot wane don yewa ma ari ŋei qelaŋine eŋetene doku tautau maguwo mi pamaike eŋano motpi edo sot wane don yewa rakoke ŋibon okanmami me? 5Na don iwa rawe detpi gamuŋuniyake. Welekatne ŋinano sot wane don dereret ŋeikop-ŋine mane mi gemaike me? Ŋo eŋe gemaikeo yemo sot wane don ŋinano wakongi eŋano korop ma ariu eya maine oŋo ra koboe ŋibongi rap. 6Yale okanikei, yemo maine, ŋo ŋine ŋei kima mane eŋe kimaine mane ŋabaka more dongo birakayake, pakimo ere kimaine eŋe mali malip korop peyam doku mo tauke, ŋo don dere more rakokeyake, eŋe yemo yalewaka eŋe qelaŋ peyam doku mi tau taune. Pakimo umat mo peyam doku tau taune eŋano ariki umat mayake, masi eyaŋo mi kopkemaike.
7Ŋine sot wane donŋinane kima ŋidomka qelaŋ masi dongo bira nagu okanmami, yale okane ŋine mo peleke ket gemami, onoka wane qeligeu eŋe masi borikine maine okanŋunbirap? Onoka wane qeligeu eŋe kine kine ŋine kobu maine maurap? 8Ŋine yalewa okanikei, yalemo koso ŋine ŋidomka masi borikine okannagu okanmami, so kine kine ŋine kobu ma auye modatnagu okanmami, ŋei yauwine ŋoka midakaka, siluŋ kisi maep dereret kimakopŋine weneŋ yale okanon okanmami. 9Borikine mamaŋo Kaisale wane gege togon mat kotino wake waket yemo mi pamaike. Ŋine don iwa mi det okanmami meŋŋine wetŋineŋo misuk isinagukei. Ŋei wenip ma okanmami, me waom isisine eŋane don teweke ma ge okanmami, me ŋei ŋanowekopene qeliŋone ŋerep natne ebu okanmami, me ŋei natne ŋeiŋoka ŋerep yale borikine au okanmami, 10me ŋei kobu mama, me wetŋo ŋei eŋane aboŋ kine kine enane bailalaŋine wetke ma ge okanmami, me wet siuk doku ne more qelaŋ qeqe, me ewe mabaik don ra okanmami, me ŋei engu matali one mat kito barake aboŋ kine kine kobu ma okanmami, ŋei yaline korop eŋe Kaisale wane gege togon qeli mat kotino mi wakesikei. 11Ŋinano ŋine ŋei natne alakan yaline okane gekoi, ŋo iwa yemo sot borikino ŋine mo saukŋunge, so wetŋine ma qelaŋane Kaisale eŋine biŋek ŋibuke. Ŋine mo ŋei koboboine eŋet eya makoi, yemo Kaisale zane Asuŋo Waomze Yesu Kristo wane ramore yale okanŋunge.
Solazeŋo Kaisale Wane Mat Urum Eya Wane Ewine Kitokene
12Ŋei natne eŋe iwa yale ra okanmami, “Yeye kine kine eya nae simile korop na maine okanikale.” Don eya maine ramami, ŋo siluŋ yeye kine kine korop yewaŋo ge maine mi qesiŋgangi geulukene. Ge kine kine eya korop maine okan warekene, ŋo yeye natneŋo ge ŋei waom okan gangi eŋane qelit qeqe yemo mayakatne midakaka! 13Welekatne, ŋei natne ramami, “Ŋara osomŋo qom wane biŋek, ŋo qomŋo ŋara osom wane biŋek.” Ŋo baŋ gemage, Kaisaleŋo eretnarek matali otki siuke mida lelekeik. Sola yemo bailalaŋ mama wane biŋek midakaka. Yemo Waom wane qelit qeyakane biŋek. Ŋo Waomŋo yemo sola wane welaine. 14Ŋine mane misuk niget ŋuniyake, Kaisale oŋo Waom Yesu seuseuwo ŋine ma wisikae kaki wiyeke, yalewaka ŋene baŋ eŋine zonomineŋo ma wisikae ŋoniyake.
15Ŋine solaŋine yemo Kristo wane sola piwitne, yewa mi detokanmami me? Pakimo na solane Kristo wane sola piwitne yewa maine birakawe bailalaŋ mama wane qelit qeyake me? Yale midakaka! 16Ŋo ŋine qelaŋ geu paki iwa yale ra okanmami, “Na maine wenip ŋerep mane yaup maine maikale,” yewa korop zok midakaka. Na ramaile, eya eŋe sot korop okanmaike. Waom wane deino ŋire wenip ŋerep mane eŋerop qeturaŋbik paki ŋire solaŋitne weku okangeik. Numaine mi pamaike, eya mo sot korop okanmaike. Eya wane Kaisale wane kisi maep dongo iwayale qeqine: “Ŋao ŋanom ere etkeŋo weku okane gekeik.” 17Ŋo mane eŋe oŋomka Waom wano makatakki ere asuwo weku okangeik. Eya mo maine so kopke-yake, so ere mo maine ŋao so ŋanom wele okangeik.
18Ŋine wenip yauyaup mama yewa kakakon warekei. Ŋei mane eŋe borikine natne korop mayake eŋe solaine tewino okanmaike. Ŋo wenip yaup qazaŋ mayake yemo kotine so solaine weneŋ matali kayake. 19Ŋine solaŋine yemo Asu koboboinane urum. Eŋe sola ŋinane kotino mere kito okane geyakane, Kaisaleŋo more ŋibonge, yewa mi detmami me? Ŋine sola so koto welaine midaka. Kaisale weku oŋo welaine. 20Ŋine mo Kaisale eŋe lewine kakapa suwaine yewaŋo qoleŋunge, eya wane urata kine kine korop ma okanmami ŋine sola so kotoŋineŋo Kaisale eŋetine ora mawaka more ewine kitokei.
Currently Selected:
1 Kirinti 6: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 6
6
Doku Tautau Maneŋo Kimaine Mane Qelaŋ Eŋano Dongo Misuk Birakayake
1Ŋinane keuwo ŋine ŋei mane kimainerop sot wane donetne payakeo, eŋe kisi maep ŋei ŋetne eŋano ari don mi rara, eŋe ware ware qelaŋine eŋano don ma ari raki menageyake me? Mi kopkemaike. 2Kaisale wane Kisi rara ŋei ŋedo gemage kepe baŋem ŋei korop eŋane don rakokkene, eya mi detokanmami me? Eso gemage kepe baŋem ŋei korop eŋane don ŋido rakokkeiwane pamaikeo, ŋinŋino don kaki nigatne yaline wakongi ŋidomka rakokkei wane, rokop mi okanmami me? 3Ŋedo Naso Suwaino aŋelo eŋane don baŋ rakokkene, ŋine yewa mi detmami me ŋene eŋane don baŋ rakokkene. Eya wane mo ŋene kepe iwa wane gege mage wane done maine rakokkene! ŋenze kine qelaŋ edo maine mi rakokkei. 4Eya wane mo ŋinano kepe iwa wane don yauwine mane wakon-maikeo ŋine onoka wane sot wane don yewa ma ari ŋei qelaŋine eŋetene doku tautau maguwo mi pamaike eŋano motpi edo sot wane don yewa rakoke ŋibon okanmami me? 5Na don iwa rawe detpi gamuŋuniyake. Welekatne ŋinano sot wane don dereret ŋeikop-ŋine mane mi gemaike me? Ŋo eŋe gemaikeo yemo sot wane don ŋinano wakongi eŋano korop ma ariu eya maine oŋo ra koboe ŋibongi rap. 6Yale okanikei, yemo maine, ŋo ŋine ŋei kima mane eŋe kimaine mane ŋabaka more dongo birakayake, pakimo ere kimaine eŋe mali malip korop peyam doku mo tauke, ŋo don dere more rakokeyake, eŋe yemo yalewaka eŋe qelaŋ peyam doku mi tau taune. Pakimo umat mo peyam doku tau taune eŋano ariki umat mayake, masi eyaŋo mi kopkemaike.
7Ŋine sot wane donŋinane kima ŋidomka qelaŋ masi dongo bira nagu okanmami, yale okane ŋine mo peleke ket gemami, onoka wane qeligeu eŋe masi borikine maine okanŋunbirap? Onoka wane qeligeu eŋe kine kine ŋine kobu maine maurap? 8Ŋine yalewa okanikei, yalemo koso ŋine ŋidomka masi borikine okannagu okanmami, so kine kine ŋine kobu ma auye modatnagu okanmami, ŋei yauwine ŋoka midakaka, siluŋ kisi maep dereret kimakopŋine weneŋ yale okanon okanmami. 9Borikine mamaŋo Kaisale wane gege togon mat kotino wake waket yemo mi pamaike. Ŋine don iwa mi det okanmami meŋŋine wetŋineŋo misuk isinagukei. Ŋei wenip ma okanmami, me waom isisine eŋane don teweke ma ge okanmami, me ŋei ŋanowekopene qeliŋone ŋerep natne ebu okanmami, me ŋei natne ŋeiŋoka ŋerep yale borikine au okanmami, 10me ŋei kobu mama, me wetŋo ŋei eŋane aboŋ kine kine enane bailalaŋine wetke ma ge okanmami, me wet siuk doku ne more qelaŋ qeqe, me ewe mabaik don ra okanmami, me ŋei engu matali one mat kito barake aboŋ kine kine kobu ma okanmami, ŋei yaline korop eŋe Kaisale wane gege togon qeli mat kotino mi wakesikei. 11Ŋinano ŋine ŋei natne alakan yaline okane gekoi, ŋo iwa yemo sot borikino ŋine mo saukŋunge, so wetŋine ma qelaŋane Kaisale eŋine biŋek ŋibuke. Ŋine mo ŋei koboboine eŋet eya makoi, yemo Kaisale zane Asuŋo Waomze Yesu Kristo wane ramore yale okanŋunge.
Solazeŋo Kaisale Wane Mat Urum Eya Wane Ewine Kitokene
12Ŋei natne eŋe iwa yale ra okanmami, “Yeye kine kine eya nae simile korop na maine okanikale.” Don eya maine ramami, ŋo siluŋ yeye kine kine korop yewaŋo ge maine mi qesiŋgangi geulukene. Ge kine kine eya korop maine okan warekene, ŋo yeye natneŋo ge ŋei waom okan gangi eŋane qelit qeqe yemo mayakatne midakaka! 13Welekatne, ŋei natne ramami, “Ŋara osomŋo qom wane biŋek, ŋo qomŋo ŋara osom wane biŋek.” Ŋo baŋ gemage, Kaisaleŋo eretnarek matali otki siuke mida lelekeik. Sola yemo bailalaŋ mama wane biŋek midakaka. Yemo Waom wane qelit qeyakane biŋek. Ŋo Waomŋo yemo sola wane welaine. 14Ŋine mane misuk niget ŋuniyake, Kaisale oŋo Waom Yesu seuseuwo ŋine ma wisikae kaki wiyeke, yalewaka ŋene baŋ eŋine zonomineŋo ma wisikae ŋoniyake.
15Ŋine solaŋine yemo Kristo wane sola piwitne, yewa mi detokanmami me? Pakimo na solane Kristo wane sola piwitne yewa maine birakawe bailalaŋ mama wane qelit qeyake me? Yale midakaka! 16Ŋo ŋine qelaŋ geu paki iwa yale ra okanmami, “Na maine wenip ŋerep mane yaup maine maikale,” yewa korop zok midakaka. Na ramaile, eya eŋe sot korop okanmaike. Waom wane deino ŋire wenip ŋerep mane eŋerop qeturaŋbik paki ŋire solaŋitne weku okangeik. Numaine mi pamaike, eya mo sot korop okanmaike. Eya wane Kaisale wane kisi maep dongo iwayale qeqine: “Ŋao ŋanom ere etkeŋo weku okane gekeik.” 17Ŋo mane eŋe oŋomka Waom wano makatakki ere asuwo weku okangeik. Eya mo maine so kopke-yake, so ere mo maine ŋao so ŋanom wele okangeik.
18Ŋine wenip yauyaup mama yewa kakakon warekei. Ŋei mane eŋe borikine natne korop mayake eŋe solaine tewino okanmaike. Ŋo wenip yaup qazaŋ mayake yemo kotine so solaine weneŋ matali kayake. 19Ŋine solaŋine yemo Asu koboboinane urum. Eŋe sola ŋinane kotino mere kito okane geyakane, Kaisaleŋo more ŋibonge, yewa mi detmami me? Ŋine sola so koto welaine midaka. Kaisale weku oŋo welaine. 20Ŋine mo Kaisale eŋe lewine kakapa suwaine yewaŋo qoleŋunge, eya wane urata kine kine korop ma okanmami ŋine sola so kotoŋineŋo Kaisale eŋetine ora mawaka more ewine kitokei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.