1 Kirinti 5
5
Korinti Eŋano Masi Madoŋ Madoŋine Wakonge
1Ŋinane keu ŋino borikine madoŋ madoŋine ŋerep kobu ma ma wakonge pamaike, yale rau det okanmaile. Borikine manerop, qelaŋ eŋano mi wako wakone. Ŋei maneŋo magainane ŋanom inerop maki gemamik. 2Pakimo, ŋine onoka wane kine kine yaline wakone paki wawaine zok okan okanmami. Ŋine qom borik dere more ŋei masi eya okange eŋe qeliŋkau rap me? 3Na solaneŋo abaran gewe paki asuneŋo mo ŋinano lotke, ŋei masi madoŋ madoŋine okange, eŋane don keu ŋino noŋom solarop ge more qou mo rakok kakole. 4Ŋine Waomze Yesu wane eŋetko wekuwoka qeturage lewageu na Waomze Yesu wane zonomgo asuneŋo ŋinerop weneŋ mesikene. 5Pakimo ŋine ŋei yewa solaine Ŋei Borikine sunka manbi qe mataliki wetine zingeki, borikineine eya kaki paki koso wetine zingeki, magu koto takotkek i rap, eso oŋa oŋaine yemo baŋ gemage, Waom Yesu wane Naso yewao seseka more ma qeliwo birakaki rap.
Kine Kine Tabaine Qelige Nenine Magekene
6Ŋine wawaine okanmami, yewaŋo maine mi okanmaike! Yis nigagatne yewaŋo maki palawa korop yewa suwa piwiwige wiye kasap okanmaike. Don yewa raraine, ŋine mi detmami me? 7Ŋine yemo palawa yisine midaine yale, eya wane ŋine yis sogine borikine sot korop yewa ma birau ariki ŋine kasap musele libeka okanluke yisine midaine maine gekei. Onoka wane, ŋenane Lama seseŋone yuwan ŋoniyakane soe soep mo qekoi, yemo Kristo. 8Eya wane ŋene peyadaine mesikenane yis sogine, borikinane sot korop, yis so tanik manik qotkoine, yewa qeliŋ ware more, kasap yis ine midaine, kasap kilu kilutne sot midaine so wele yewarop gekene.
Borikine Mama Qeliŋonikene
9Na kibi mane qekole, yewao iwa yale rawe paki qe ŋibongole, ŋine ŋei wa bailalaŋ okane more ŋerep ebu okanmami, eŋerop kine kine ne amanagu so weneŋ misuk gekei. 10Na rakole yemo kepe iwa wane qelaŋ ŋei korop bailalaŋ okane more ŋerep ebu okanmami, me kine kine nugunge okanmami, me bailalaŋ okane ŋei natne eŋane yeye kine kine kobu ma okanmami, me waom isisine mageu paki qelitine qe okanmami eya qeliŋ warekei wane rakole, ŋine qelaŋ ŋei ŋerep iwa qeliŋ warekei wane mi okaneso, yemo ŋine eŋane masi tanik qotkoine eya yeine qeliŋ kaulukkei. 11Na kibi iwa qe ŋibongole, yemo kine iwa yale wane, ŋine ŋei mane eŋe “na doku tau tau magu gemaile,” rayake, ŋo eŋe bailalaŋ okane more borikine mayake, me qomine riweki ŋei mane wane yeye mane mayake, me waom isisinane qelitine qeyake, me ewe mabaik okaniyake, me wet siuk doku neyake, me eŋe ŋei mane wane yeye kobu mayakeo yemo ŋine ŋei yaline qeliŋkau paki eŋerop ŋara ne amanagu misuk okanikei.
12Eya naŋane urata wane ŋei qelaŋ ŋadine gemami, eŋane sot don noŋo raikale me ŋine ŋinŋine keu ŋino kisi maep dere koto ŋino gemami eŋane sot don mi raikei me? 13Ŋei qelaŋ ŋadino gemami, eŋane sot don yemo baŋ Kaisaleŋo rayake. Eya wane Waom wane don mane iwa yale ramaike, “Ŋine ŋei borikine mama eya keu ŋino ŋine esop kau saket ariyake.”
Currently Selected:
1 Kirinti 5: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 5
5
Korinti Eŋano Masi Madoŋ Madoŋine Wakonge
1Ŋinane keu ŋino borikine madoŋ madoŋine ŋerep kobu ma ma wakonge pamaike, yale rau det okanmaile. Borikine manerop, qelaŋ eŋano mi wako wakone. Ŋei maneŋo magainane ŋanom inerop maki gemamik. 2Pakimo, ŋine onoka wane kine kine yaline wakone paki wawaine zok okan okanmami. Ŋine qom borik dere more ŋei masi eya okange eŋe qeliŋkau rap me? 3Na solaneŋo abaran gewe paki asuneŋo mo ŋinano lotke, ŋei masi madoŋ madoŋine okange, eŋane don keu ŋino noŋom solarop ge more qou mo rakok kakole. 4Ŋine Waomze Yesu wane eŋetko wekuwoka qeturage lewageu na Waomze Yesu wane zonomgo asuneŋo ŋinerop weneŋ mesikene. 5Pakimo ŋine ŋei yewa solaine Ŋei Borikine sunka manbi qe mataliki wetine zingeki, borikineine eya kaki paki koso wetine zingeki, magu koto takotkek i rap, eso oŋa oŋaine yemo baŋ gemage, Waom Yesu wane Naso yewao seseka more ma qeliwo birakaki rap.
Kine Kine Tabaine Qelige Nenine Magekene
6Ŋine wawaine okanmami, yewaŋo maine mi okanmaike! Yis nigagatne yewaŋo maki palawa korop yewa suwa piwiwige wiye kasap okanmaike. Don yewa raraine, ŋine mi detmami me? 7Ŋine yemo palawa yisine midaine yale, eya wane ŋine yis sogine borikine sot korop yewa ma birau ariki ŋine kasap musele libeka okanluke yisine midaine maine gekei. Onoka wane, ŋenane Lama seseŋone yuwan ŋoniyakane soe soep mo qekoi, yemo Kristo. 8Eya wane ŋene peyadaine mesikenane yis sogine, borikinane sot korop, yis so tanik manik qotkoine, yewa qeliŋ ware more, kasap yis ine midaine, kasap kilu kilutne sot midaine so wele yewarop gekene.
Borikine Mama Qeliŋonikene
9Na kibi mane qekole, yewao iwa yale rawe paki qe ŋibongole, ŋine ŋei wa bailalaŋ okane more ŋerep ebu okanmami, eŋerop kine kine ne amanagu so weneŋ misuk gekei. 10Na rakole yemo kepe iwa wane qelaŋ ŋei korop bailalaŋ okane more ŋerep ebu okanmami, me kine kine nugunge okanmami, me bailalaŋ okane ŋei natne eŋane yeye kine kine kobu ma okanmami, me waom isisine mageu paki qelitine qe okanmami eya qeliŋ warekei wane rakole, ŋine qelaŋ ŋei ŋerep iwa qeliŋ warekei wane mi okaneso, yemo ŋine eŋane masi tanik qotkoine eya yeine qeliŋ kaulukkei. 11Na kibi iwa qe ŋibongole, yemo kine iwa yale wane, ŋine ŋei mane eŋe “na doku tau tau magu gemaile,” rayake, ŋo eŋe bailalaŋ okane more borikine mayake, me qomine riweki ŋei mane wane yeye mane mayake, me waom isisinane qelitine qeyake, me ewe mabaik okaniyake, me wet siuk doku neyake, me eŋe ŋei mane wane yeye kobu mayakeo yemo ŋine ŋei yaline qeliŋkau paki eŋerop ŋara ne amanagu misuk okanikei.
12Eya naŋane urata wane ŋei qelaŋ ŋadine gemami, eŋane sot don noŋo raikale me ŋine ŋinŋine keu ŋino kisi maep dere koto ŋino gemami eŋane sot don mi raikei me? 13Ŋei qelaŋ ŋadino gemami, eŋane sot don yemo baŋ Kaisaleŋo rayake. Eya wane Waom wane don mane iwa yale ramaike, “Ŋine ŋei borikine mama eya keu ŋino ŋine esop kau saket ariyake.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.