1 Kirinti 2
2
Kristo Kibego Okorake Eya wane Kine Pauloŋo Edange
1Kimakopne, na Kaisale wane san qabuine wele eya ŋidanikalane ŋinano sarikole, naso yewao na don kiroroine so dereret suwaine eya ra mi ŋidangole. 2Na ŋinane keuwo ge more na wetne maingewe paki yeye kine kine qeligewe niget nangi Yesu Kristo kibego seukke, eŋeka weku detka kalane wetkekole. 3Eso na ŋinano sarikole, naso yewao na zonomne midaki, kaet okanbe zonomne korop oreke. 4Pakiso na don rakole so Kisi Mayakatne ra qelaŋane ŋidangole, eya na ŋei dereretko ŋine mi ma more ŋidangole, so wet ŋine maingeu paki naŋane don desikei wane, midaka, na Kaisale Asuinane zonom eya ra wakone sikan ŋungole. 5Eya wane ŋinane wetŋo ŋei dereretko misuk motpi payake, midakaka! Kaisale wane zonomgo motpi payake.
Kaisale Wane Asuŋo Dereret Ŋebon Okanmaike
6Welekatne, na don dereret-inerop eya wane kine ra wakone, ŋei mo Kaisale wane zonomgo togole gemami, eŋe edan okanmaile. Ŋo eya mo kepe iwa wane dereretine midakaka, me kepe iwa waremami eŋane zonom, eya mo midaka. Zonom me dereret yewa mo kiyeke mida lele more siuk wareyake. 7Na dereret pa ra wakone ŋidanmaile, yemo Kaisale wane dereret sane, motkeki sanka pa sake, Kaisale eŋe mo ŋenane qeli ewe zonom okaniyakane mokaka kepe iwa mi ma wakonge yewao biŋek qeke. 8Kepe iwa wane ŋei waomine eŋe dereret iwa mane mi detkakoi. Eŋe eya mane detkakoi ra yemo eŋe qeli ewe zonom wane Waom kibego mi qeurap. 9Eya wane, Kaisale wane ekapŋo iwa yale ramaike,
“Yeye kine kine deŋo mi kakaine, me ketŋo mi dereretne, me ŋei wetene lotkeki mi detkoi, kine kine yewa yemo ŋei korop Kaisale wetŋo qotka lukka more eŋane detpi wele lele okanmaike, ŋei yewa eŋane biŋek ebonge.”
10Ŋo ŋene yemo Kaisale eŋine san qabuinane kine eŋine Asuineŋo ra wakone ŋedange, Asuŋo yeye kine kine korop ka waremaike, so Kaisale wane san qabuinane kine qeirop eya yaleka kamaike. 11Ma ŋeiŋo ŋei mane wane wetinane kine desiyake? I midakaka! Ŋei wane eŋe eŋine wetino yemo eŋine so waomine metmaike, oŋomka eŋane kineine det kamaike, rokop yale waka ŋei maneŋo Kaisale wetinane kine mi desiyake, Kaisale eŋe eŋine Asuineŋo ka weku Kaisale eŋine wetinane kine korop det wareyake. 12Ŋene Asu pa ŋebonmaike makone, iwa mo kepeo ŋei eŋano ŋine mi makone, ŋene Kaisale eŋe oŋom eŋine Asuine ŋebongi makone, eya yemo Kaisale eŋe oŋom yeye kine kine korop ma wakone ŋebonge, eya wane kine maine kito ŋedangi detluk-kaikenane ŋebonge, eya wane ŋene Asuze eya ware-kaŋem gegeine weneŋ okane more iwen-ŋongi ŋene wet lot korop okane gekene.
13Ŋo ŋene iwa kepe ŋei dereretko ŋine don mi ra ŋidanmaine, midaka! ŋene Asuŋo dereret ŋebonmaike, paki, ŋene don wele eya wane kine ra qelaŋane more ŋei Asurop gemami, eŋe edanmaine. 14Ŋei mane Asu midaine geyake eŋe Kaisale wane Asu eŋano ŋine bakom sarimaike, eya mane mi mayake. Onoka wane ŋei yaline eŋe don eya wane kine welekatne mi dere qelaŋan kamaike, eya wane, ŋei yewa eŋe detki qelaŋ don wele midaine okaniyake, eya mo, Asurop ŋoka detpi dereretne wele okanmaike. 15Ŋei Asurop eŋe yeye kine kine korop dere wesakkei, ŋo ŋei Asu midaineŋo ŋei Asurop eŋane kine maine mi desiyake, ŋaŋaeyake. 16Eya wane Kaisale wane ekapŋo iwa yale ramaike,
“Maŋo Waom wet bonepinane don detmaike? Maŋo eweke more Kaisale numa sikankaki desiyake?”
Ŋene Asurop, yemo Kristo wet bonepinane don ma gemaine.
Currently Selected:
1 Kirinti 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 2
2
Kristo Kibego Okorake Eya wane Kine Pauloŋo Edange
1Kimakopne, na Kaisale wane san qabuine wele eya ŋidanikalane ŋinano sarikole, naso yewao na don kiroroine so dereret suwaine eya ra mi ŋidangole. 2Na ŋinane keuwo ge more na wetne maingewe paki yeye kine kine qeligewe niget nangi Yesu Kristo kibego seukke, eŋeka weku detka kalane wetkekole. 3Eso na ŋinano sarikole, naso yewao na zonomne midaki, kaet okanbe zonomne korop oreke. 4Pakiso na don rakole so Kisi Mayakatne ra qelaŋane ŋidangole, eya na ŋei dereretko ŋine mi ma more ŋidangole, so wet ŋine maingeu paki naŋane don desikei wane, midaka, na Kaisale Asuinane zonom eya ra wakone sikan ŋungole. 5Eya wane ŋinane wetŋo ŋei dereretko misuk motpi payake, midakaka! Kaisale wane zonomgo motpi payake.
Kaisale Wane Asuŋo Dereret Ŋebon Okanmaike
6Welekatne, na don dereret-inerop eya wane kine ra wakone, ŋei mo Kaisale wane zonomgo togole gemami, eŋe edan okanmaile. Ŋo eya mo kepe iwa wane dereretine midakaka, me kepe iwa waremami eŋane zonom, eya mo midaka. Zonom me dereret yewa mo kiyeke mida lele more siuk wareyake. 7Na dereret pa ra wakone ŋidanmaile, yemo Kaisale wane dereret sane, motkeki sanka pa sake, Kaisale eŋe mo ŋenane qeli ewe zonom okaniyakane mokaka kepe iwa mi ma wakonge yewao biŋek qeke. 8Kepe iwa wane ŋei waomine eŋe dereret iwa mane mi detkakoi. Eŋe eya mane detkakoi ra yemo eŋe qeli ewe zonom wane Waom kibego mi qeurap. 9Eya wane, Kaisale wane ekapŋo iwa yale ramaike,
“Yeye kine kine deŋo mi kakaine, me ketŋo mi dereretne, me ŋei wetene lotkeki mi detkoi, kine kine yewa yemo ŋei korop Kaisale wetŋo qotka lukka more eŋane detpi wele lele okanmaike, ŋei yewa eŋane biŋek ebonge.”
10Ŋo ŋene yemo Kaisale eŋine san qabuinane kine eŋine Asuineŋo ra wakone ŋedange, Asuŋo yeye kine kine korop ka waremaike, so Kaisale wane san qabuinane kine qeirop eya yaleka kamaike. 11Ma ŋeiŋo ŋei mane wane wetinane kine desiyake? I midakaka! Ŋei wane eŋe eŋine wetino yemo eŋine so waomine metmaike, oŋomka eŋane kineine det kamaike, rokop yale waka ŋei maneŋo Kaisale wetinane kine mi desiyake, Kaisale eŋe eŋine Asuineŋo ka weku Kaisale eŋine wetinane kine korop det wareyake. 12Ŋene Asu pa ŋebonmaike makone, iwa mo kepeo ŋei eŋano ŋine mi makone, ŋene Kaisale eŋe oŋom eŋine Asuine ŋebongi makone, eya yemo Kaisale eŋe oŋom yeye kine kine korop ma wakone ŋebonge, eya wane kine maine kito ŋedangi detluk-kaikenane ŋebonge, eya wane ŋene Asuze eya ware-kaŋem gegeine weneŋ okane more iwen-ŋongi ŋene wet lot korop okane gekene.
13Ŋo ŋene iwa kepe ŋei dereretko ŋine don mi ra ŋidanmaine, midaka! ŋene Asuŋo dereret ŋebonmaike, paki, ŋene don wele eya wane kine ra qelaŋane more ŋei Asurop gemami, eŋe edanmaine. 14Ŋei mane Asu midaine geyake eŋe Kaisale wane Asu eŋano ŋine bakom sarimaike, eya mane mi mayake. Onoka wane ŋei yaline eŋe don eya wane kine welekatne mi dere qelaŋan kamaike, eya wane, ŋei yewa eŋe detki qelaŋ don wele midaine okaniyake, eya mo, Asurop ŋoka detpi dereretne wele okanmaike. 15Ŋei Asurop eŋe yeye kine kine korop dere wesakkei, ŋo ŋei Asu midaineŋo ŋei Asurop eŋane kine maine mi desiyake, ŋaŋaeyake. 16Eya wane Kaisale wane ekapŋo iwa yale ramaike,
“Maŋo Waom wet bonepinane don detmaike? Maŋo eweke more Kaisale numa sikankaki desiyake?”
Ŋene Asurop, yemo Kristo wet bonepinane don ma gemaine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.