1 Kirinti 1
1
Pauloŋo Kibi Mane Mikepka Korinti Eŋane Qeke
1Paulo, na Kristo Yesu wane Aposolo, Kaisaleŋo noraki paki biranange, na so kimaze Sostenes,
2Ŋeto kibi iwa Kaisale wane doku tau tau magu Korinti gemami, ŋinane qemaite, ŋine korop Kaisale wane ŋei ŋerep koboboine ŋidorake, ŋine eŋane biŋek okane Kristo Yesurop weneŋ gemami, ŋine so ŋei ŋerep korop yeo yeo ge arimami, eŋe bakomine kito okanmami, Waomze Yesu Kristo, eŋane waom so ŋenane weneŋ.
3Kaisale ŋenane Magaze, so Waomze Yesu Kristo eŋano ŋine wet pesek so peyamŋo ŋinano pa wareyake.
Pauloŋo Kaisale Bakomine Kitoke
4Na, naso baŋem ŋinane rawe paki Kaisale ewine kito okanmaile, onoka wane Kaisale eŋe Yesu Kristo wane raki paki wet pesek ŋibonge eya wane. 5Ŋine Kristo Yesurop weneŋ qeturaŋ nagukoi, yewao ŋine yeye kine kine korop eya wane moriyanine maratka warekoi. Eya mo don kine kine raikei wane numaine so dereret kine kine marat kaikei wane numaine korop. 6Eso Kristo wane don ŋidangone, eya yaleka ŋinane koto ŋino ketki togogole malip kakoi. 7Eya wane ŋine Waomze Yesu Kristo sari didiwo lotkeyake eya wane tomaka geu paki koto ŋinane moriyan wane mane mi ŋaŋaekei, midakaka. 8Yesu Kristo oŋom baŋ ma togole ŋungi ŋine togogole ge mageu naso ŋine qoeki, sot midaine okorakei, Waomze Yesu Kristo wane naso yewao, so 9Kaisale wet pesekinane detluk kaikene, oŋo ŋidora newan ŋunge, yemo eŋine Gipole Yesu Kristo, ŋenane Waom, eŋerop wet weku qeturage gekei wane.
Doku Tautau Magu Wirikoi
10Kimakopne, na Waomze Yesu Kristo wane eŋetko wet qelot don ŋidanmaile, eya wane ŋine korop wet weku okane don raikei, yale okanbi keu ŋino wiri wiri mi wakoniyake. Ŋine korop qeturageu dereret ŋine wekuka payake, so wet weku okanikei. 11Kimakopne, Koloe wane tego eŋano ŋine ŋei natne edo didiwo nolale rakoi, ŋinane keu ŋino ŋaba ŋaba pamaike. 12Na ramaile yemo iwa yale wane: ŋinano ŋine ŋei weku weku eŋe don mane mane ramami. Mane eŋe ramaike, “Na Paulo wane.” Me mane eŋe ramaike, “Na Apolos wane.” Me mane eŋe ramaike, “Na Sipas wane.” Me mane eŋe ramaike, “Na Kristo wane.” 13Kristo kito pokeu magu loutne okange me? Pauloŋo ŋinane ra more kibego qeu seukke me? Me ŋine Paulo wane eŋetko doku taukoi me?
14Na detpe menaŋmaike, yemo iwa yale wane, na ŋinano ŋine ŋei natne doku mi tau ongole, na weku Krispas so Gaius ka doku tau otkole. 15Maneŋo iwa yale maine mi rayake, eŋe naŋane eŋetko doku tauke. 16Na Stefanos wane tego eŋe welekatne doku tau ongole, ŋo eya wane ŋadino natne doku tau ongole eya mo mi detmaile. 17Doku tau onikalane Kristoŋo mi bira nange, midakaka! Kisi Mayakatne eya ra wakone edanikalane, so kepe ŋei dereretko ŋine don yewa mi edanikalane, yale okangole ra, Kristo kibego seukke eyaŋo zonomine midaine okangirap.
Kristo Eŋe Kaisale Wane Zonom So Dereret
18Kristo kibego seukke, eya wane don kisi yemo ŋeiwa Kristo mi malipka more ket-lukke siuke gemami, edo detpi qelaŋine okan okanmaike. Ŋo Kaisaleŋo ŋebu menaŋ ŋonge ŋene yemo detmaine, eya mo Kaisale wane zonom. 19Eya wane kisi maepŋo iwa yale ramaike,
“Na ŋei dereret enerop, eŋane dereret eya mo mapap kaikale, so ŋei kepe wane dereret eya wane wetene lolotne eŋane wetene ma siukkale.”
20Ŋo ŋei dereretene suwaine eŋe diyao arikei? Ŋei kepe wane dereretene suwaine gemami, wetene lolotne, so Kaisale wane kine detlukmami, eŋe diyao arikei? Me kepe iwa wane ŋei sorin borin gorop gemami, eŋe diyao arikei? Kaisaleŋo sikanŋonmaike yemo kepe iwa wane ŋei eŋane dereret qelaŋine, eya mo wele midaine.
21Kaisale eŋe eŋine dereretinane masi yale maki kepe ŋei eŋe qelaŋ qe more enŋene wet bonep enane Kaisale mi detkakoi, eya wane, Kaisale eŋe mo rake, ŋene kisi mayakatne ŋidanmaine eya “Qelaŋ don ramami,” Det lukkamami ŋei yewa korop Kaisaleŋo ebu okan maike. 22Yuda ŋei eŋe masi togole maki kau qelaŋaniyakane sorin gemami, eso Grik ŋei eŋe dereret marat kaikei wane zuwaŋmami. 23Eso ŋedo yemo ramaine, Kristo eŋe kibego seukke eya welerop, ŋo don yewaŋo qeki Yuda ŋei eŋane dereret borike, ŋo Grik ŋei edo detpi qelaŋ don, wele midaine okange. 24Ŋo ŋei Kaisaleŋo ŋedora newan ŋonge, Yuda ŋei so Grik ŋei, ŋene yemo detmaine, Kristo wekuku eŋe Kaisale wane zonom so dereret wele. 25Welekatne, Kaisale wane qelaŋ rau, qelaŋine eyaŋo qeinge more ŋei dereretene yuwan kamaike. So Kaisale wane set pelek rau, set pelekine eyaŋo qeinge zonomine togogole okane ŋei eŋane zonom yuwan kamaike.
26Kimakopne, ŋine iwa desikei, ŋine daleo geu Kaisaleŋo ŋidora newan ŋunge? Ŋinane keu ŋino ŋine ŋei loutneŋo kepe iwa wane kine mane mi detkakoi, me ŋei loutneŋo zonomene kakapa mi gekoi, me ŋei loutneŋo eŋet enerop mi gekoi, midakaka! 27Kaisaleŋo masi iwa ma wakonge iwa yemo kepe ŋei eŋe “Qelaŋine” Rau mo don yewaŋo ŋei dereret korop, eŋe gamu oniyake eya wane, so Kaisaleŋo ŋei ŋerep set pelek so gamuenerop ma wakon onge, iwa yemo kepe ŋei eŋe “set pelek” rau mo don yewaŋo ŋei zonomene kakapa eŋe zonomene ma ketki gamu oniyake. 28Ŋei ŋerep diyawa Kaisaleŋo eŋane biŋek ma wakon onge? Yemo iwa yale, kepe ŋei rau yauwine so ketkele, ŋei ŋerep eyaka, Kaisaleŋo biraongi eŋane biŋek wele okanmami, masi yewaoka kepe ŋei wane dereret qeki ket mida lele siukeyake. 29Okange, yemo iwa yale wane, ŋei maneŋo Kaisale wane kaitko mi mawa naguyake. 30Ŋo Kaisaleŋo yemo ŋebu teba ŋongi Kristo Yesurop qeturaŋgone, pakiso Kaisaleŋo Kristo ŋenane dereret zane kine birakake, eŋane ra more ŋene Kaisale wano bira ŋongi ŋene Kaisale wane ŋei ŋerep magu koboboine okangone, sogino ŋene sot korop gekone, ŋo naso iwao siwot ŋone more biraŋongi, sot midaine gekene. 31Eso, eya wane Kisi Mayakatneŋo iwa yale ramaike, “Mane eŋe mawa naguwe ra Kaisaleŋo daleo okankake eya wane ma wakayake.”
Currently Selected:
1 Kirinti 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 1
1
Pauloŋo Kibi Mane Mikepka Korinti Eŋane Qeke
1Paulo, na Kristo Yesu wane Aposolo, Kaisaleŋo noraki paki biranange, na so kimaze Sostenes,
2Ŋeto kibi iwa Kaisale wane doku tau tau magu Korinti gemami, ŋinane qemaite, ŋine korop Kaisale wane ŋei ŋerep koboboine ŋidorake, ŋine eŋane biŋek okane Kristo Yesurop weneŋ gemami, ŋine so ŋei ŋerep korop yeo yeo ge arimami, eŋe bakomine kito okanmami, Waomze Yesu Kristo, eŋane waom so ŋenane weneŋ.
3Kaisale ŋenane Magaze, so Waomze Yesu Kristo eŋano ŋine wet pesek so peyamŋo ŋinano pa wareyake.
Pauloŋo Kaisale Bakomine Kitoke
4Na, naso baŋem ŋinane rawe paki Kaisale ewine kito okanmaile, onoka wane Kaisale eŋe Yesu Kristo wane raki paki wet pesek ŋibonge eya wane. 5Ŋine Kristo Yesurop weneŋ qeturaŋ nagukoi, yewao ŋine yeye kine kine korop eya wane moriyanine maratka warekoi. Eya mo don kine kine raikei wane numaine so dereret kine kine marat kaikei wane numaine korop. 6Eso Kristo wane don ŋidangone, eya yaleka ŋinane koto ŋino ketki togogole malip kakoi. 7Eya wane ŋine Waomze Yesu Kristo sari didiwo lotkeyake eya wane tomaka geu paki koto ŋinane moriyan wane mane mi ŋaŋaekei, midakaka. 8Yesu Kristo oŋom baŋ ma togole ŋungi ŋine togogole ge mageu naso ŋine qoeki, sot midaine okorakei, Waomze Yesu Kristo wane naso yewao, so 9Kaisale wet pesekinane detluk kaikene, oŋo ŋidora newan ŋunge, yemo eŋine Gipole Yesu Kristo, ŋenane Waom, eŋerop wet weku qeturage gekei wane.
Doku Tautau Magu Wirikoi
10Kimakopne, na Waomze Yesu Kristo wane eŋetko wet qelot don ŋidanmaile, eya wane ŋine korop wet weku okane don raikei, yale okanbi keu ŋino wiri wiri mi wakoniyake. Ŋine korop qeturageu dereret ŋine wekuka payake, so wet weku okanikei. 11Kimakopne, Koloe wane tego eŋano ŋine ŋei natne edo didiwo nolale rakoi, ŋinane keu ŋino ŋaba ŋaba pamaike. 12Na ramaile yemo iwa yale wane: ŋinano ŋine ŋei weku weku eŋe don mane mane ramami. Mane eŋe ramaike, “Na Paulo wane.” Me mane eŋe ramaike, “Na Apolos wane.” Me mane eŋe ramaike, “Na Sipas wane.” Me mane eŋe ramaike, “Na Kristo wane.” 13Kristo kito pokeu magu loutne okange me? Pauloŋo ŋinane ra more kibego qeu seukke me? Me ŋine Paulo wane eŋetko doku taukoi me?
14Na detpe menaŋmaike, yemo iwa yale wane, na ŋinano ŋine ŋei natne doku mi tau ongole, na weku Krispas so Gaius ka doku tau otkole. 15Maneŋo iwa yale maine mi rayake, eŋe naŋane eŋetko doku tauke. 16Na Stefanos wane tego eŋe welekatne doku tau ongole, ŋo eya wane ŋadino natne doku tau ongole eya mo mi detmaile. 17Doku tau onikalane Kristoŋo mi bira nange, midakaka! Kisi Mayakatne eya ra wakone edanikalane, so kepe ŋei dereretko ŋine don yewa mi edanikalane, yale okangole ra, Kristo kibego seukke eyaŋo zonomine midaine okangirap.
Kristo Eŋe Kaisale Wane Zonom So Dereret
18Kristo kibego seukke, eya wane don kisi yemo ŋeiwa Kristo mi malipka more ket-lukke siuke gemami, edo detpi qelaŋine okan okanmaike. Ŋo Kaisaleŋo ŋebu menaŋ ŋonge ŋene yemo detmaine, eya mo Kaisale wane zonom. 19Eya wane kisi maepŋo iwa yale ramaike,
“Na ŋei dereret enerop, eŋane dereret eya mo mapap kaikale, so ŋei kepe wane dereret eya wane wetene lolotne eŋane wetene ma siukkale.”
20Ŋo ŋei dereretene suwaine eŋe diyao arikei? Ŋei kepe wane dereretene suwaine gemami, wetene lolotne, so Kaisale wane kine detlukmami, eŋe diyao arikei? Me kepe iwa wane ŋei sorin borin gorop gemami, eŋe diyao arikei? Kaisaleŋo sikanŋonmaike yemo kepe iwa wane ŋei eŋane dereret qelaŋine, eya mo wele midaine.
21Kaisale eŋe eŋine dereretinane masi yale maki kepe ŋei eŋe qelaŋ qe more enŋene wet bonep enane Kaisale mi detkakoi, eya wane, Kaisale eŋe mo rake, ŋene kisi mayakatne ŋidanmaine eya “Qelaŋ don ramami,” Det lukkamami ŋei yewa korop Kaisaleŋo ebu okan maike. 22Yuda ŋei eŋe masi togole maki kau qelaŋaniyakane sorin gemami, eso Grik ŋei eŋe dereret marat kaikei wane zuwaŋmami. 23Eso ŋedo yemo ramaine, Kristo eŋe kibego seukke eya welerop, ŋo don yewaŋo qeki Yuda ŋei eŋane dereret borike, ŋo Grik ŋei edo detpi qelaŋ don, wele midaine okange. 24Ŋo ŋei Kaisaleŋo ŋedora newan ŋonge, Yuda ŋei so Grik ŋei, ŋene yemo detmaine, Kristo wekuku eŋe Kaisale wane zonom so dereret wele. 25Welekatne, Kaisale wane qelaŋ rau, qelaŋine eyaŋo qeinge more ŋei dereretene yuwan kamaike. So Kaisale wane set pelek rau, set pelekine eyaŋo qeinge zonomine togogole okane ŋei eŋane zonom yuwan kamaike.
26Kimakopne, ŋine iwa desikei, ŋine daleo geu Kaisaleŋo ŋidora newan ŋunge? Ŋinane keu ŋino ŋine ŋei loutneŋo kepe iwa wane kine mane mi detkakoi, me ŋei loutneŋo zonomene kakapa mi gekoi, me ŋei loutneŋo eŋet enerop mi gekoi, midakaka! 27Kaisaleŋo masi iwa ma wakonge iwa yemo kepe ŋei eŋe “Qelaŋine” Rau mo don yewaŋo ŋei dereret korop, eŋe gamu oniyake eya wane, so Kaisaleŋo ŋei ŋerep set pelek so gamuenerop ma wakon onge, iwa yemo kepe ŋei eŋe “set pelek” rau mo don yewaŋo ŋei zonomene kakapa eŋe zonomene ma ketki gamu oniyake. 28Ŋei ŋerep diyawa Kaisaleŋo eŋane biŋek ma wakon onge? Yemo iwa yale, kepe ŋei rau yauwine so ketkele, ŋei ŋerep eyaka, Kaisaleŋo biraongi eŋane biŋek wele okanmami, masi yewaoka kepe ŋei wane dereret qeki ket mida lele siukeyake. 29Okange, yemo iwa yale wane, ŋei maneŋo Kaisale wane kaitko mi mawa naguyake. 30Ŋo Kaisaleŋo yemo ŋebu teba ŋongi Kristo Yesurop qeturaŋgone, pakiso Kaisaleŋo Kristo ŋenane dereret zane kine birakake, eŋane ra more ŋene Kaisale wano bira ŋongi ŋene Kaisale wane ŋei ŋerep magu koboboine okangone, sogino ŋene sot korop gekone, ŋo naso iwao siwot ŋone more biraŋongi, sot midaine gekene. 31Eso, eya wane Kisi Mayakatneŋo iwa yale ramaike, “Mane eŋe mawa naguwe ra Kaisaleŋo daleo okankake eya wane ma wakayake.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.