Bangec kisiu 2
2
Efac efai nga sing kengkengngina
1 Kebungo Mose nga Aharon yoac yomoc edeyuruec, 2“Isracelngicngac amaarenginasoc yenang dzikacac kpete kibiagoc#2:2 dzikacac kpete kibiagoc Onga mong kporucfu mema icfu gununggegec wi nanu ngicngac yeni imoc hemma negenggec, Imoc neac arennaac onga andeac imocac bageau kengkecbade. gununggegec enu tembuc tembuc sasawa yeni kporucamangina imocac bageau kpedzigec enu guru mema Kebugoc ewacemeemeac kporucama yerecgema hereau isoc tackembisia.
3-9Imocac hoangau, wenac ere ereaubigeng yai Yehudaac habu yeni enara kecma kpetengina kibinginagoc#2:3-9 kpetengina kibinginagoc Flag imoc ongagoc anggec, yofi, Yehudaac kpeteu onga imoc laionyang ande Nga Yissaskarac kpeteu onga imoc donggi ande. Imoc Yacakowac yoac Fingec fingec 49:1-28 imoc modacde. gununggegec enu ngicngac yeni kporucamangina imocac bageau kpedzima wasaihabufocnginasoc modacma guru mema tackembisia.” Yeneac arennu kisicngina nga ngicenarafocnginasoc imoc yofi:
Kisic ngicenara kpetengina
Yehuda, Amminadaw medaha Naheson, 74 600
Yissaskar, Tsucacar medaha Netanecel, 54 400
Dzewulun, Helon medaha Elicaw, 57 400
Kpeturanggeu 186 400
“Kenggecde naso imohai habu imoc yenennoc efaima waraima arenggoc hanahema kengkecbisia.
10-16Sautbigeng imohai Recuwenggac kporucamahabu yeni kpetengina kibiagoc gununggegec embeso. Enu ngicngac kporucamangina imocac bageau kpedzigec enu guru mema wasaihabufocnginasoc modacma ihai tackembisia. Anu areng yomoc yeni yeneac kpetenginaac bageau wasaingichabunginaacsoc takecbisia.” Yeneac arennu kisicngina nga ngicenarafocnginasoc imoc yofi:
Kisic ngicenara kpetengina
Recuwen, Sedecur medaha Elitsur, 46 500
Simecon, Tsurisaddai medaha Selumicel, 59 300
Gad, Recucel medaha Elyasaf, 45 650
Kpeturanggeu 151 450
“Anu kenggecdesoc areng imoc yeneng efaima arenggoc Yehudaac habu yeneac ngadenginau kengkecbisia.
17Anu kporucamahabutoa yohockang waraiyemmegec Lewiac kisicarengfora yeneng yeneac ngadenginau yacma Kebugoc ewacemeemeac kporucama tofohoma kembisia. Anu kporucamahabutoa yohockang yeri ngadenginau yacma kengkecbisia. Nga kporucamahabunginau feyac angandae, yeneng imocac siricfu arengnginaac kpete kibiagoc#2:17 kpete kibiagoc Imoc kporuc mong kibiagoc amma ongagoc icfu gununggegec nanu tofohogec ngicngac yeni imoc hemma modackecgecde. gununggegec enu ngic tembuc tembuc sasawango imoc modacma tatacngina mema imocac bageau kengkecbisia.
18-24Wenac keme kemeaubigeng kporucamangina kpedzima guru mema tackenggecde yeni wasaingichabufocnginaacsoc modacma Efrayim kporucamahabu yeneac kpetengina kibiagoc, imocac bageau takecbisia.” Yeneac arennu kisicnginasoc amma ngicenarafocnginasoc imoc yofi:
Kisic ngicenara kpetengina
Efrayim, Ammihud medaha Elisamac, 40 500
Manasse, Peda-Tsur medaha Gameclicel, 32 200
Benyamin, Gideconi medaha Awidan, 35 400
Kpeturanggeu 108 100
“Yeni efaima Recuwen nga Lewiac habu yeneac ngadenginau kengkecbisia.
25-31Notfubigeng kporucamangina kpedzima guru mema kecgecde, yeni wasaihabunginasoc modacma Danggac kporucamahabu yeneac kpetengina kibiagoc imocac bageau takecbisia.” Yeneac arennu kisicnginasoc amma ngicenarafocnginasoc imoc yofi:
Kisic ngicenara kpetengina
Dan, Ammisaddai medaha Ahicedzer, 62 700
Aser, Oheran medaha Pagicel, 41 500
Naftali, Enan medaha Ahira, 53 400
Kpeturanggeu 157 600.
“Habu imoc yeni efaima kpetengina kibiagoc gununggegec enu imoc modacma wisic wisickeau yacma kengkecbisia.”
32Anu yeni Isracelngic imoc amaarengnginasoc modacma wasaiarengnginau arengyunuma kpetengina megec. Amma kpetememengic yeni ngic sasawa kporucamahabunginausoc kecgec, yeni wasaingichabufocnginasoc modacma kpetengina mema kpete imoc kpeturanggegec imoc ngic 603 550 anec. 33Anu Kebungo Mose ifi dederecge ammiecac yeni isracelngic yeneac kpete megec imohai Lewingic yeni wasaingichabuu mi arengyunugec.
34Isracelngicngac yeni Kebungo Mose dederecge ammiec, imocacsoc andacgec. Yeni kpetengina kibiagoc gununggegec enu kporucamangina imocac bageau kpedzigec enu guru mema tackenggec. Amma yeni efaima kporucamangina meickema bangec mong wama kembeso dema ngic tembuc tembuc sasawa yeni fingecsahengina nga amaarengnginasoc modacma monggoc yacma kengkecgec.
© (Active), Wycliffe Bible Translators, Inc. All rights reserved.