Mataio 1
1
Yesuac kisicfora
Ruk 3:23-38
1 #
Fing 22:18; 1Ngts 17:11 Yesu Kristoarunac fingecsahe amma fingeceregec, imocac yofi ohogec. Yesu ye Dawidiarunac nga Dawidi ye Abrahanggarunac. 2Abrahang ye Isakaac mama. Isaka ye Yakoboac mama. Yakoboarunac Yuda nga dacmunafora. 3#Fing 38:29-30; Rut 4:18-22Yudaac medachora Perese nga Dzera fingeroc, yereac nonggongira Tama. Anu Perese ye Hesoronggac mama nga Hesorongngo Ranggac mama. 4Rangngo Aminadaac mama, Aminadango Nasonggac mama nga Nasongngo Sarmonggac mama, 5#Rut 4:13-17Boas ye Sarmong nga enema Rahabaarunac. Boasi ye Obedeac mama nga nonggea, imoc Ruti. Nga Obedengo Isaiac mama. 6#2Sm 12:24Isaingo ngictau Dawidiac mama, Dawidingo Salomoac mama yeac nonggea ye warac Uriaac enema kefec.
7Salomo ye Rehoboanggac mama, Rehoboang ye Abiaac mama nga Abiaarunac Asafa. 8Asafa ye Yosafataac mama, Yosafatango Yoranggac mama nga Yorang ye Usiaac mama. 9Usiango Yotanggac mama, Yotang ye Ahasiac mama nga Ahasi yearunac Hesekia fingerec. 10Hesekiaarunac Manasse fingerec, Manassearunac Among, Amonggarunac Yosia fingerec. 11#2Ngt 22–24; Yer 27:20Yosia yearunac Yekonia nga munafora fingecgec. Yeni Babilon bangecfu meyunu kenggec, naso imohai fingecgec.
12 #
Esr 3:2
Yeneac ngadeu Saratiere fingerec, ye Yekoniaarunac. Nga Saratiere yearunac Dzorobabe. 13Dzorobabearunac Abiudu, Abiuduarunac Eriaking, Eriakinggarunac Asore fingerec. 14Asorearunac Sadoko, Sadokoarunac Aking nga Akinggarunac Eriudu fingerec. 15Eriuduarunac Ereasa, Ereasaarunac Matang nga Matanggarunac Yakobo fingerec. 16Yakoboarunac Yosefe Mariaac ewea fingerec. Nga Maria yearunac Yesu, kpara Kristo degec, ye fingerec.
17Fingecsahengina Abrahanggarunac erekecma Dawidi fingeru andenga 14 ande. Nga Dawidiarunac fingecsahengina erekecma andenga 14 ammanu Babilonnu meyunuma kenggec. Nga imohacnac namma erekecgec andenga 14nu Messia fingerec.
Yesu fingerec
Ruk 2:1-7
18 #
Ruk 1:27, 35 Yomoc Yesu Kristoac fingec fingecac siduc. Maria nga Yosefe yeri eweeneng anecdeac yoac dedzege bic anoc nga Maria yeng ine Yosefegoc feyac mi ammaec Tiri Asuarunac medac kpenanggeec. 19Nga ewea Yosefengo ifi negemma ngic kpetiac kefecac ngicngac yeneac kicfu enembingeha gamekpekpe ammiudeac negenu naric mi anu negen negengua mema tembuhau aikic waudeac negenec.
20Ye imocac negen negengua mema kecmanu Kebuac angero mongngo ine gauu fingecmima yofi edeec, “Yosefe, Dawidiac kisicfunac, ge enembingecga Maria menadeac mi kengecgubeso. Sabac hereau tacde, ye imoc Tiri Asuarunac. 21#Ruk 1:31; 2:21Mariango medac mong meude, yeng kecma ngicngacfora kopocsinginaunac mesiyunuu komoc kpegecde. Imocac ge kpara Yesu mibesena.” 22Anu Kebungo yoac profete yenearu faiu degec, imocnoc fingecdarudeac ifi fingerec.
23“Negenggec, ngacnaroangngo medac mong kpenanggema meu yeac kpara Imanuere degecde.” (Yes 7:14)
Imocac titiha yofi, Anutungo nenanggoc kecde.
24Anu Yosefengo gauunac yacma Kebuac angerongo yoac edeec, imoc modacma kemma Maria hesickema ameau enec. 25#Ruk 2:21Enu yeri eweeneng kekec bic mi kecmaecngoc medac fingeru kpara Yesu kparoc.
Currently Selected:
Mataio 1: Ded
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.