Salmos 50
50
Guaꞌa ka kuu ja vi soko yaa nuu ia Dios, masu ja vi soko kiti
Yaa ni tee Asaf
1Ni kaꞌan Jitoꞌo, ia kuu Dios ndiꞌi chuꞌchi,
te ndakana ya ñayiu ka oo ndee nuu jinonta nikandii vi ndee nuu kee,
ja na vi ndututui.
2Te yeꞌe ia Dios ndee Sión, ñuu nuu oo ndiꞌi javii ndevaꞌa.
3Kii ya, te ma kasi yuꞌu ya,
te yoxnoꞌo in ñuꞌu ja teñuꞌu ndiꞌi,
te xiin xiin ya kuun xeen sau tachi vi yeꞌe te kani tajan.
4Te kana ña ia Dios jin andivi vi ñuyiu
ja na vi kokuu testiu nuu sandaa ya kuechi ñayiu ñuu ya.
5“Roon ja ka kuu ron ñayiu maa rin, vi ndututu nuu oo rin,
ja ka kuu ron ñayiu ni ka saꞌa in tratu jin rin nuu ni ka teñuꞌu ron kiti nuu rin”.
6Te ndee andivi ka kana, ja Dios kuu ia ndaa,
chi ia jaꞌnde ndaa kuechi kuu ya.
7“Vi konini ron, ñayiu Israel, ja ka kuu ron ñayiu ñuu rin,
chi kaꞌan kuechi rin siki ron.
Maa rin kuu Dios, maa rin kuu ia Dios ron.
8Ma kuxeen rin nuu ron ja jaꞌa kiti ka soko ron, ni kiti ja ka teñuꞌu ron,
chi siun ni ka soko ron ti nuu rin.
9Su ma kakan rin chikeru ron, ni chivatu ja ñuꞌu nuu korra ron,
10chi kiti maa rin ka kuu ndiꞌi kiti yuku vi ndiꞌi kiti tata.
11Jini rin ndiꞌi kiti ndagua ja ka oo ti yuku,
vi kiti maa rin ka kuu ndiꞌi kiti ka jichi ka kanda nuu ñundeꞌi.
12Te nuu ja kokin rin, te ma kakan rin nuu ron,
chi kuenta maa rin kuu ñuyiu vi ndiꞌi ja oo nui.
13¿Te a ka kaꞌan ron ja jaa ruꞌun kuñu isndiki axi jiꞌi rin niñi chivatu?
14Te yun guaa vi soko in yaa ja ka ndakuantaꞌu ron nuu rin ja kuu rin ia Dios ron,
te vi skunkuu tnoꞌo ni ka kee yuꞌu ron nuu rin ja oo rin ndee sukun.
15Vi ndakakuneꞌe ña jin rin kiuu ja ka tnaꞌa ron tnoꞌo suchi ini,
te skaku niꞌnu ña rin, te vi kochiñuꞌu ña ron jin rin.”
16Su jiñaꞌa ia Dios nuu tee kueꞌe:
“Tu na tniuu ron ja kondakaꞌan ron tnoꞌo kaxtnoꞌo rin,
axi tratu ja ni saꞌa rin jin ñayiu.
17Chi skexiko ña ron nuu ndakanu ichi ndaa ña rin,
te chiyata ron tnoꞌo kaꞌan rin.
18Te nuu jini ron in kuiꞌna, te ka nitnaꞌa ron jin ja ka suꞌu ron,
vi ka nitnaꞌa ron jin tee ka skindee ñasiꞌi de, ja ka jika jin ron.
19Te ninoꞌo ni tnoꞌo kueꞌe kaꞌan ron jin yuꞌu ron,
te yaa ron, chi oo tuaꞌa ja xndaꞌu ña jin ñayiu.
20Te junkoo ron, te kaꞌan kueꞌe ron siki ñani ron,
te vi ndee siki ñani maa ron ja ni kaku jiꞌin ron, kaneꞌe ron.
21Ndiꞌi yaꞌa ni saꞌa ron, su tu kaꞌan saꞌun ni rin,
te ¿a ndakani ini ron ja nani saꞌa ron te saꞌa rin?
Su kuxeen rin nuu ron, te vi jin nuu ron, te kaꞌan kuechi rin siki ron.
22’Te roon ja ni ka ndunaa ini ron ia Dios ron,
vi jinkuiꞌnu guaꞌa ini ron tnoꞌo yaꞌa.
Kana saa kakuiko ña rin, te skuechi kueli ña rin,
te tu na in skaku ña jin ron.
23Na in soko yaa ja ndakuantaꞌui nuu rin, te saꞌa kaꞌnu ñai jin rin.
Te na in nukuiin ndaa ja jikai nuu ichi rin, te skaku niꞌnu rin jin.”
Currently Selected:
Salmos 50: xtnNTplus
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
