Salmos 150
150
Na vi kata ndiꞌi tuꞌo nuu ia Dios
1Vi saꞌa kaꞌnu ni ia Dios ini veñuꞌu.
Vi saꞌa kaꞌnu ni ya ndee andivi nuu oo jandakui ya.
2Vi saꞌa kaꞌnu ni ya ja jaꞌa tniuu naꞌnu ja saꞌa ya.
Vi saꞌa kaꞌnu ni ya, chi ia kaꞌnu ndevaꞌa kuu ya.
3Vi saꞌa kaꞌnu ni ya nuu ka tiuu ni trompeta.
Vi saꞌa kaꞌnu ni ya nuu ka tee ni xtnuu kaxin vi arpa.
4Vi saꞌa kaꞌnu ni ya jin pandero vi nuu ka jita jaꞌa ni nuu ya.
Vi saꞌa kaꞌnu ni ya jin yutnu kaxin vi nuu ka tiuu ni tnu yoo.
5Vi saꞌa kaꞌnu ni ya jin nuu ka skaxin ni kaa tikute ja kaxin kuiñi,
vi nuu ka skaxin ni kaa tikute ja kaxin ndee.
6Te ndiꞌi tuꞌu ja ndakuantachi na saꞌa kaꞌnu Jitoꞌo.
¡Kaꞌnu kuu Jitoꞌo!
Currently Selected:
Salmos 150: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
