Salmos 148
148
Ndiꞌi ja ni saꞌa ia Dios na vi saꞌa kaꞌnu ña jin ya
1¡Kaꞌnu kuu Jitoꞌo!
Roon ja ka oo ron ndee andivi, vi saꞌa kaꞌnu Jitoꞌo.
Roon ja ka oo ron ndee sukun, vi saꞌa kaꞌnu ya.
2Ndiꞌi roon, ia ka jinokuechi nuu Dios, vi saꞌa kaꞌnu ya,
vi ndiꞌi roon ka oo ron ndee andivi ja ka jaxin tnaꞌa ron ja jaꞌa ya, vi saꞌa kaꞌnu ya.
3Roon ja ka kuu ron nikandii vi yoo andivi, vi saꞌa kaꞌnu ya,
vi ndiꞌi roon ja ka kuu ron kimi ja ka yeꞌe ron, vi saꞌa kaꞌnu ya.
4Vi roon ja ka kuu ron andivi oo ndee sukun,
vi roon ndute, ja oo ron siki andivi, vi saꞌa kaꞌnu ya.
5Vi saꞌa kaꞌnu sivi Jitoꞌo,
chi ni tatnuni ya, te ndiꞌi ni ka junkoo.
6Te ni saꞌa ia Dios ndiꞌi, nagua ja na vi koo nikuii nikani.
Te ni tatnuni ya in tnoꞌo ja tu na in kuiso kava saꞌun.
7Te roon ja ka oo ron ndee nuu ñuꞌu, vi saꞌa kaꞌnu Jitoꞌo,
vi suni roon, kiti naꞌnu ja ka ñuꞌu nuu ndute mar, vi roon kaꞌa ndute mar,
8vi roon, tajan vi ñiñi vi ti iñu vi viko noꞌo,
vi roon, tikacha niꞌi ndevaꞌa, ja ka saꞌa ron nagua tatnuni ya,
9vi roon, yuku sukun vi ndiꞌi roon tinduu,
vi yutnu ja ka kuun kiti vixin vi ndiꞌi roon tnu itni,
10vi kiti yuku vi kiti tata, koo, vi kiti ndagua,
11vi tee ka kuu rey vi ndiꞌi ñayiu ñuyiu,
ñayiu ka tatnuni vi ndiꞌi ñayiu ka jaꞌnde kuechi nuu ñuyiu,
12teyii vi ñasiꞌi, suchi kuechi vi ñayiu nijaꞌnu,
13ndiꞌi tuꞌu na vi saꞌa kaꞌnu sivi Jitoꞌo,
chi maintnoꞌo sivi maa ya kuu sivi kaꞌnu ndevaꞌa,
te yeꞌe tajan ya nii nuu ñuꞌu vi andivi.
14Chi ni jiñaꞌa ya jakaꞌnu ya nuu ñayiu ñuu ya,
te ndiꞌi ñayiu ka skunkuu ndaa ka saꞌa kaꞌnui ya,
ja ka kui ñayiu Israel, vi ka kui ñayiu ñuu ya,
ja ka oo yatni nuu oo ya.
¡Kaꞌnu kuu Jitoꞌo!
Currently Selected:
Salmos 148: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
