Proverbios 13
13
1Seꞌe ndichi, chi jantaꞌui tnoꞌo ja xteku ña tatai.
Su suchi kuasun ini, chi tu nini nuu ka kuxeen nui.
2Vi niꞌi maa ñayiu in jaguaꞌa na kuu na kuu na tnoꞌo ka kaꞌin.
Su ñayiu ja xtuu inka ñayiu, chi ka ndioo ini ninoꞌo tnoꞌo xeen ja kaxin tnaꞌi.
3Na in jaꞌnu niꞌnu tnoꞌo kaꞌin, te jitoi mai ja kotekui.
Su na in kaꞌan kuakuaꞌa, te maa ni mai skunai mai.
4Ñayiu kuꞌndu, chi ndioo ini ja konevaꞌi, su tu nagua niꞌi.
Su ñayiu kuyu ja satniui, chi niꞌi ja jinkonevaꞌi.
5Ñayiu ndaa, chi skexikoi tnoꞌo tnoꞌo.
Su ñayiu kueꞌe, chi saꞌi ja tu jiniuꞌu ja taa jakanoo.
6Tavaꞌa ña tniuu ndaa jin ñayiu jika nuu ichi ndaa,
su xnaa ña jakueꞌe jin ñayiu ka saꞌa yika kuechi.
7Ka oo sava ñayiu ka saꞌi ja ñayiu kuika ka kui, te tu saꞌun nagua ka nevaꞌi.
Su ka oo sava ñayiu ka saꞌa ndaꞌu ni, te ka nevaꞌa kuaꞌi jakuika.
8Jin ja nevaꞌa ñayiu kuika yun tniuyaꞌui ja skaku niꞌnu ña jin.
Su ñayiu kundaꞌu, chi ni tu na in skoto ioo ña jin.
9Ñayiu ndaa, chi ka kui na kuinio in ñuꞌu ja yeꞌe niꞌnu.
Su ñayiu kueꞌe, chi ka kui na kuinio in ñuꞌu ja ni ndaꞌva.
10Ñayiu ka saꞌa teyii mai, chi ka ndukui tnoꞌo kiti ini.
Su ñayiu ka jantaꞌu tnoꞌo ka xteku ña jin ka kuu ñayiu ndichi.
11Xuꞌun ja niꞌi ñayiu nuu xndaꞌui inka ñayiu, chi joo ni te ndiꞌi.
Su ñayiu tavaꞌa ndi joo ndi joo ni, chi kaya konevaꞌi.
12Nuu tu niꞌi ñayiu in ja ndetu kaꞌnui, te kusuchi ini.
Su nuu skunkuu ja ndioo ini, te kuu na kuinio in yutnu jiñaꞌa ja tekui.
13Na in skexiko tnoꞌo ja ka kaxtnoꞌo nui, te tniuyaꞌui ja saꞌi yun.
Su na in yuꞌu niꞌnu tnoꞌo ni ka tatnuni nui, te ndaniꞌi yaꞌui.
14Tnoꞌo kaxtnoꞌo ñayiu ndichi kuu ja jiñaꞌa ja vi koteku ñayiu,
nagua ja vi kaku niꞌnui nuu ndaꞌa ja jaꞌni ña.
15Ñayiu niꞌnu ini niꞌi ja ka kaꞌan vii ka kaꞌan vaꞌa ña ñayiu.
Su ichi ka jika ñayiu tu ka saꞌa vaꞌa, chi vijin ndevaꞌa kuu.
16Ndiꞌi ñayiu ka niꞌnu ini ka saꞌa ndai, nagua ka jinkuiꞌnu ini.
Su ñayiu vasa, chi ka xneꞌi tniuu tu jiniuꞌu ja ka saꞌi yun.
17Tee kueꞌe ja kuaꞌan de kaxtnoꞌo de junkau maa de nuu jakueꞌe.
Su tee vaꞌa ja kuaꞌan de kaxtnoꞌo de, chi ndasaꞌa de ñayiu.
18Ñayiu skexiko tnoꞌo ka xteku ña jin, chi kokuu ndaꞌui vi kokuu kanoi.
Su ñayiu jantaꞌu tnoꞌo ka kuxeen nui, chi niꞌi jayiñuꞌu.
19Nuu skunkuu ja ka ndioo ini ñayiu, te ka kusii ini.
Su ñayiu vasa, chi in jakueꞌe ndevaꞌa kuu nui ja vi kujioi nuu jakueꞌe.
20Na in jika jin ñayiu ndichi, te nduu ndichi.
Su ñayiu ndeka tnaꞌa jin ñayiu vasa, te kee kueꞌi.
21Ñayiu ka saꞌa yika kuechi, chi sondikin ña jakueꞌe jin.
Su ñayiu ndaa, chi ndaniꞌi yaꞌui in jaguaꞌa.
22Tee guaꞌa, chi xndendoo de ja vi saꞌa jajin señani de.
Su jakuika ka nevaꞌa tee ka saꞌa yika kuechi, chi ovaꞌa ja vi kendoo jin ñayiu ndaa.
23Nuu ñundeꞌi ñayiu kundaꞌu kee kuaꞌa ja kai.
Su kuaꞌa junaa nuu tu na in saꞌa ndaa.
24Na in tu kani seꞌi, te tu kutoo ñai.
Su ñayiu kutoo seꞌi, chi ndee kueli kueli, te ja janu ichi ndaa ñai.
25Ñayiu ndaa, chi jai guaa ndee ndutu chii.
Su ñayiu saꞌa jakueꞌe, chi kokokin ni mai.
Currently Selected:
Proverbios 13: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
