Nahamiyáh 11
11
1Aur logoṉ ke sardár Yarúshalem meṉ rahte the; aur báqí logoṉ ne qur‘e ḍále, ki har das shaḳhsoṉ meṉ se ek ko shahr i muqaddas Yarúshalem meṉ basne ke liye láeṉ, aur nau báqí shahroṉ meṉ raheṉ. 2Aur logoṉ ne un sab ádmíoṉ ko, jinhoṉ ne ḳhushí se apne áp ko Yarúshalem meṉ basne ke liye pesh kiyá, du‘á dí. 3Us súbe ke sardár, jo Yarúshalem meṉ á base, yih haiṉ; (par Yahúdáh ke shahroṉ meṉ har ek apne shahr meṉ apní hí milkíyat meṉ rahtá thá, ya‘ní ahl i Isráíl, aur káhin, aur Láwí, aur Natiním aur Sulaimán ke mulázimoṉ kí aulád.) 4Aur Yarúshalem meṉ kuchh baní Yahúdáh aur kuchh baní Binyamín rahte the. Baní Yahúdáh meṉ se: ‘Atáyáh bin ‘Uzziyáh, bin Zakariyáh, bin Amariyáh, bin Safatiyáh, bin Mahalalel, baní Fáras meṉ se; 5aur Ma‘siyáh bin Bárúk, bin Kull-Hozih, bin Hazáyáh, bin ‘Adáyáh, bin Yúyaríb, bin Zakariyáh, bin Shiloní. 6Sab baní Fáras jo Yarúshalem meṉ base chár sau aṛsaṭh súrmá the. 7Aur yih baní Binyamín haiṉ: Sallú bin Masullám, bin Yúed, bin Fidáyáh, bin Qauláyáh, bin Ma‘siyáh, bin Ítíel, bin Yasa‘iyáh; 8phir Jabbai, Sallai aur nau sau aṭháís ádmí. 9Aur Yúel bin Zikrí un ká názim thá, aur Yahúdáh bin Hassanúah shahr ke hákim ká náib thá. 10Káhinoṉ meṉ se: Yada‘iyáh bin Yúyaríb, aur Yákín, 11Shiráyáh bin Ḳhilqiyáh, bin Masullám, bin Sadoq, bin Miráyot, bin Aḳhítob, Ḳhudá ke ghar ká názim, 12aur un ke bháí jo haikal meṉ kám karte the, áṭh sau báís: aur ‘Adáyáh, bin Yarohám, bin Filaliyáh, bin Amzí, bin Zakariyáh, bin Fashúr, bin Malkiyáh, 13aur us ke bháí ábáí ḳhándánoṉ ke raís, do sau bayálís; aur Amasai bin ‘Azárel, bin Aḳhasai, bin Masíllamot, bin Immer, 14aur un ke bháí, zabardast súrmá, ek sau aṭháís; aur un ká sardár Zabdíel bin Hajadúlím thá. 15Aur Láwíoṉ meṉ se: Sama‘iyáh bin Hasúb, bin ‘Azríqám, bin Hasabiyáh, bin Búnní; 16aur Sabbatai, aur Yúzabád, Láwíoṉ ke raísoṉ meṉ se, Ḳhudá ke ghar ke báhar ke kám par muqarrar the; 17aur Mattaniyáh bin Míká, bin Zabdí, bin Ásaf, sardár thá, jo du‘á ke waqt shukrguzárí shurú‘ karne meṉ peshwá thá: aur Baqbúqiyáh us ke bháiyoṉ meṉ se dúsre darje par thá, aur ‘Abdá bin Samú‘a, bin Jalál, bin Yadútún. 18Muqaddas shahr meṉ kull do sau chaurásí Láwí the. 19Aur darbán, ‘Aqqúb, Tálmún, aur un ke bháí jo pháṭakoṉ kí nigahbání karte the, ek sau bahattar the. 20Aur Isráílíoṉ aur káhinoṉ aur Láwíoṉ ke báqí log Yahúdáh ke sab shahroṉ meṉ apní apní milkíyat meṉ rahte the. 21Par Natiním‘ Ofal meṉ base húe the: aur Zíhá, aur Jisfá Natiním par muqarrar the. 22Aur ‘Uzzí bin Bání, bin Hasabiyáh, bin Mattaniyáh, bin Míká jo Ásaf kí aulád, ya‘ní gánewáloṉ meṉ se thá, Yarúshalem meṉ un Láwíoṉ ká názim thá jo Ḳhudá ke ghar ke kám par muqarrar the. 23Kyúṉki un kí bábat bádsháh kí taraf se hukm ho chuká thá, aur gánewáloṉ ke liye har roz kí zarúrat ke mutábiq muqarrara rasad thí. 24Aur Fatahiyáh bin Mashezabíl jo Zarah bin Yahúdáh kí aulád meṉ se thá ra‘íyat ke sab mu‘ámalát ke liye bádsháh ke huzúr rahtá thá. 25Rahe gáṉw aur un ke khet, so baní Yahúdáh meṉ se kuchh log Qaryat Arba‘ aur us ke qasboṉ meṉ, aur Díbon aur us ke qasboṉ meṉ, aur Yaqabzíel aur us ke gáṉwoṉ meṉ rahte the, 26aur Yashú‘, aur Moládah aur Bait Falat meṉ, 27aur Hasar Sú‘al, aur Baírsaba‘ aur us ke qasboṉ meṉ, 28aur Siqláj, aur Maqúnáh aur us ke qasboṉ meṉ, 29aur ‘Ain Rimmon, aur Sára‘áh meṉ, aur Yármot meṉ, 30Zánoáh, ‘Adullám, aur un ke gáṉwoṉ meṉ, Lakís aur us ke khetoṉ meṉ, ‘Azíqah aur us ke qasboṉ meṉ. Yúṉ wuh Baírsaba‘ se Hinnúm kí wádí tak ḍeroṉ meṉ rahte the. 31Aur baní Binyamín bhí Jiba‘ se lekar áge Mikmás, aur ‘Aiyáh, aur Baitel, aur us ke qasboṉ meṉ, 32aur ‘Anatot, aur Núb, aur ‘Ananiyáh, 33aur Hásúr, aur Rámah, aur Jittaim, 34aur Hádid, aur Zibo‘ím, aur Nabállat, 35aur Lúd, aur Onú, ya‘ní kárígaroṉ kí wádí meṉ rahte the. 36Aur Láwíoṉ meṉ se ba‘z faríq jo Yahúdáh meṉ the wuh Binyamín se mil gaye.
Currently Selected:
Nahamiyáh 11: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
