Римлилерге 10

1Агъа-къардашлар, мен керчектен джан-юректен исраиллилернинъ къуртулышы акъкъында Аллагъа ялварам. 2#Фаал 21.20Мен шаатым: олар Аллагъа хызмет этмеге пек истейлер, амма догъру бильгини анъламайлар. 3#Рим 1.17; 3.21Алланынъ адамларны акълагъаныны анъламайып, озь арекетлеринен инсафлы олмагъа тырышалар ве, бойле этип, Алланынъ инсафлы истегине бойсунмайлар. 4#Мт 5.17; Гал 3.24Месих исе – Къануннынъ сонъудыр. Иман эткен эр адам Алланынъ огюнде акълана. 5#Лев 18.5; Гал 3.12; Флп 3.9Къанунны беджергенинен акъланмакъ акъкъында Муса бойле яза: «Низамнамелеримни ве къарарларымны беджерген адам оларнынъ ярдымынен яшайджакъ». 6#Текр 9.4; 30.12Иманы ичюн берильген инсафлыкъ акъкъында исе бойле айтыла: «Юрегинъде: “Месихни ерге кетирмек ичюн, кокке ким чыкъаджакъ?” – деп тюшюнме. 7#Сыр 9.1Я да “Месихни тирильтмек ичюн, ернинъ тюпсюзлигине ким тюшеджек?” – деп сорама». 8#Текр 30.12-14Язы не айткъаныны эшитинъиз: «Алланынъ Сёзю санъа якъындыр, о сенинъ агъзынъда ве юрегинъдедир». Мына бу – биз огреткен иман акъкъындаки хабердир. 9#Мт 10.32; Мк 16.16; Лк 12.8; Фаал 16.31Эгер озь агъзынънен Исагъа Рабби десенъ ве юрегинънен Алла Оны тирильткенине инансанъ, къуртуладжакъсынъ. 10Юрекнен иман этип, адам инсафлы деп сайыла, агъызнен Исагъа Рабби деп, къуртулыш ала.

11 # Еш 28.16; 1 Пётр 2.6; Рим 9.33 Языда айтыла ки, Онъа иман эткен ич кимсе утанмаз. 12#Фаал 10.34-36; Рим 3.29Мында еудийлернен башкъа халкълар арасында фаркъы ёкъ. Рабби – эписининъ Раббисидир, Онынъ къолу Оны чагъыргъан адамларнынъ эписине ачыкътыр. 13#Ёэль 2.32; Фаал 2.21Раббининъ Адыны айтып чагъыргъан эр кес къуртуладжакъ.

14 # Фаал 8.31 Амма иманы олмагъанлар Оны насыл чагъыраджакълар? Онынъ акъкъында эшитмегенлер Онъа насыл иман этеджеклер? Хабер эткен адам олмаса, насыл эшитеджеклер? 15#Еш 52.7Хабер этмеге ёлланылмасалар, насыл хабер этеджеклер? Язылгъаны киби, хайырлы хаберни кетиргеннинъ келюви не къадар хоштыр!

Исраиллилернинъ тек базылары Къуванчлы Хаберни къабул этти

16 # Еш 53.1; Юх 12.38 Амма Къуванчлы Хаберни эписи къабул этмеди. Ешая бойле айта: «Я Рабби! Бизим хаберимизге ким инанды?» 17#Гал 3.2Инанмакъ ичюн, биринджиден эшитмек керек, Месихнинъ сёзлерини эшитмектир. 18#Збр 18.5Амма буны сорайым: олар эшитмедилерми? Эльбетте, эшиттилер! Языда айтыла ки, оларнынъ сеси бутюн ер юзюнден кечти, оларнынъ хабери дюньянынъ четине етти.

19 # Текр 32.21 Даа сорайым: Исраиль анъламадымы? Биринджи олып, Муса бойле дей: «Мен сизлерни сиз танымагъан халкънен куньджю этеджегим, ахмакъ бир миллетнен ачувландыраджагъым».

20Ешая да догърудан Алланынъ сёзлерини айта: «Къыдырмагъанлар Мени тапты, истемегенлерге Озюмни ачыкъ косьтердим».

21 # Еш 65.1-2 Амма Исраиль акъкъында Алла бойле дей: «Бойсунмагъан ве сёз динълемеген халкъкъа бутюн кунь къолларымны узатып тура эдим».

Currently Selected:

Римлилерге 10: CTB

Highlight

Copy

Compare