Зебур 6
6
Беля куньлеринде окъулгъан ярдым дувасы
1 #
1 Тар 15.20-21
Баш чалгъыджы ичюн. Телли чалгъы алетлеринде. Аль-хашшеминит. Давутнынъ зебуры.
2 #
Збр 37.2
Я РАББИ, ачувынъда тазирлеме мени,
гъазабынъда мени джезалама!
3Аджы мени, я РАББИ,
меним кучь-къуветим ёкъ.
Мени тедавийле, я РАББИ,
кемиклерим къоркъудан титрей.
4 #
Збр 89.13
Джаным да къоркъудан пек титрей.
Сен исе, я РАББИ, не вакъыткъадже бу шей девам этеджек?
5Къайт манъа, я РАББИ, джанымны къуртар,
буюк севгинъ ичюн къуртар мени!
6 #
Збр 29.10; 87.11; 113.25; Джем 9.10; Еш 38.18 Ольгенлер Сени анъмазлар,
олюлер дюньясында ким Санъа шукюр этер?
7Инълей-инълей мен ёрулдым.
Эр гедже агълагъаным ичюн, тёшегим сым-сылакъ,
козьяшларым тёшегимни сылата.
8 #
Збр 30.10
Козюмнинъ нуру къайгъыдан къуру,
козьлерим бутюн душманларымдан зайыфлашты.
9 #
Эюп 21.16; Збр 118.115; Мт 7.23 Эй, яманлыкъ япкъанларнынъ эписи,
узакълашынъыз менден,
чюнки РАББИ агълагъанымны эшитти.
10РАББИ ялваргъанымны эшитти.
РАББИ дувамны къабул этеджек.
11 #
Збр 39.13
Бутюн душманларым масхара олып,
эписини дешет къапласын!
Кери къайтсынлар, апансыздан утансынлар!
Currently Selected:
Зебур 6: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
