Зебур 29
29
Къуртулыш йыры
1Давутнынъ зебуры. Сарайны багъышламакъ вакътында йырлангъан йыр.
2 #
Збр 34.19
Сени юксельтирим, я РАББИ,
чюнки Сен мени аякъкъа турсаттынъ,
душманларыма меним устюмден тантана этмеге ёл бермединъ.
3Я РАББИ, Аллам, мен Сенден ярдым истедим,
ве Сен мени тедавийлединъ.
4 #
Эюп 33.28; Збр 15.10; 48.16; 85.13; Еш 38.17 Джанымны олюлер дюньясындан къайтардынъ,
я РАББИ,
мезаргъа кирмейджегим ичюн,
манъа омюр багъышладынъ.
5РАББИге чалгъы чалынъыз,
эй, Онынъ азизлери!
Онынъ мукъаддес шерефине шукюр этинъиз!
6 #
Збр 125.5; Еш 57.16; Йрм 3.5; Агъл 3.31; Микъа 7.18 Онынъ гъазабы – бир ань,
разылыгъы исе – омюр боюнджа девам этер.
Акъшам агълав эшитильсе,
саба къуванч кетирир.
7 #
Збр 9.26
Мен къайгъысыз яшагъанда:
«Ич бир вакъыт мен сарсылмам», – дедим.
8Я РАББИ, менден разы олгъан вакътында
Сен меним дагъымны къавийлештирдинъ,
амма сонъ менден юзюнъни сакъладынъ,
ве мен шашмаладым.
9Я РАББИ, Сени чагъырдым,
мен Раббиден мерамет истедим:
10 #
Збр 6.6; Еш 38.18 «Мен мезаргъа кирсем,
аятымдан не файда?
Топракъ Санъа шукюр этерми,
акъикъатынъны айтып берерми?
11Эшит мени, я РАББИ, ве мерамет эт манъа!
Я РАББИ, манъа ярдымджы ол!»
12 #
Йрм 31.13
Сен агълавымны оюн-кулькюге айландырдынъ,
матем урбамны чыкъарып, белиме къуванч такътынъ!
13Джаным токътамайып, Сени шуретлесин!
Аллам, я РАББИ, мен Санъа эбедий шукюрлер этеджегим!
Currently Selected:
Зебур 29: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
