Зебур 24
24
Къорчалав ве ёл косьтерюв дувасы
Давутнынъ зебуры.
Алеф
1 #
Збр 85.4; 142.8 Я РАББИ, джаным Сени чагъыра!
Беит
2Санъа ишанам, меним Аллам!
Мен эбедиен утанмайым,
душманларым меним устюмден тантана этмесинлер!
Гимел
3 #
Еш 49.23
Санъа ишангъан ич кимсе утанмасын,
себепсиз хаинлик япкъанлар исе утансынлар.
Далет
4 #
Збр 26.11; 85.11 Я РАББИ, манъа Озь ёлларынъны косьтер,
Сенинъ излеринъден юрмеге огрет.
Хе
5 #
Збр 25.3
Мени акъикъатынъ ёлуна догърулт ве огрет мени,
чюнки Сен – Къуртарыджы Алламсынъ,
Вав
мен Санъа эр кунь ишанам.
Зайин
6 #
Збр 102.17
Я РАББИ, Озь шефкъатынъны,
эм де севгинъни эсинъе кетир,
чюнки олар асыр-асырдан.
Хет
7 #
Эюп 13.26; Збр 50.3; 118.9; Йрм 3.25 Яшлыгъымда япкъан гуналарымны
ве къанун бозгъанымны эсинъде тутма.
Лякин Сенинъ буюк севгинъ
ве Сенинъ эйилигинъ ичюн,
мени эсинъе кетир, я РАББИ!
Тет
8РАББИ хайырлы ве догърудыр,
О, гунакярларгъа ёл косьтере.
Ёд
9О, юваш адамларны акъикъат ёлуна къоя,
оларгъа Озь ёлларыны огрете.
Каф
10Онынъ васиетини ве шаатлыкъларыны туткъанлар ичюн
РАББИнинъ бутюн ёллары – севги ве акъикъаттыр.
Ламет
11 #
Збр 78.9; Йрм 14.7; Дан 9.19 Я РАББИ, Озь Адынънынъ хатири ичюн,
къабаатым чокъ олса да, оны багъышла.
Мим
12РАББИден къоркъкъан адам ким?
РАББИ онъа сайлайджакъ ёлуны косьтерир.
Нун
13 #
Збр 36.22; Икм 2.21; Еш 60.21 Онынъ джаны яхшылыкъта оладжакъ,
эвлятлары исе топракъкъа саип оладжакъ.
Самек
14РАББИ Озь сырыны Ондан къоркъкъанларгъа ачар,
Озь васиетини де оларгъа бильдирир.
Айин
15 #
2 Тар 20.12; Збр 122.1-2; 140.8 Козьлерим эр вакъыт РАББИге бакъалар,
О, аякъларымны тузакътан чыкъара.
Пе
16Манъа бакъып, манъа мерамет эйле,
чюнки мен ялынъыз къалдым ве азап чекем.
Саде
17Юрегимде дертлер толып-таша,
беляларымдан мени къуртар!
18Азапларыма ве беляларгъа огърагъаныма бакъ,
бутюн гуналарымны багъышла!
Реш
19Душманларыма бакъ, олар не къадар чокълашкъан!
Оларнынъ мени кореджек козю ёкъ!
Шин
20Джанымны сакъла ве къорчала мени!
Санъа умют багъладым, деп утанмайым.
Тав
21Къабаатсызлыкъ ве догърулыкъ мени сакъласынлар,
чюнки мен Санъа ишандым.
22 #
Збр 43.27; 129.8 Эй, Алла,
Исраильни бутюн белялардан къуртар!
Currently Selected:
Зебур 24: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
