Зебур 21
21
Месихнинъ азаплары ве шурети акъкъында
1Баш чалгъыджы ичюн. «Аййелет хашшахар» авасында. Давутнынъ зебуры.
2 #
Збр 9.22; Агъл 3.8; Мт 27.46; Мк 15.34 Аллам! Аллам!
Сен не ичюн Мени къалдырып кеттинъ?
Не ичюн манъа ярдым этмектен,
фигъаныма къулакъ асмакътан узакътасынъ?
3 #
Збр 87.2
Эй, Аллам, куньдюзлери Сени чагъырам,
амма Сен манъа джевап бермейсинъ,
геджелери де Сени къыдырам,
лякин раат оламайым.
4Сен Мукъаддессинъ,
Исраильнинъ макътавлары арасында отурасынъ.
5Баба-деделеримиз Санъа ишанды;
олар Санъа ишанды,
ве Сен оларны къуртардынъ.
6 #
Къад 3.9
Олар Сенден ярдым истеди,
ве Сен оларны къорчаладынъ.
Олар Санъа ишанды ве алданмадылар.
7 #
Эюп 25.6; Еш 41.14; 49.7; 53.3 Лякин мен акъай дегиль, къуртым мен;
адамлар мени масхара эте,
халкъ исе менден игрене.
8 #
Збр 90.14; Мт 27.39-43; Мк 15.29-32; Лк 23.35-37 Мени корьген эр кес мени мыскъыллай,
башларыны саллап, менден нефретленип, лаф этелер:
9«О, РАББИге ишанды! РАББИ оны сакъласын!
РАББИ ондан разы олса, оны къуртарсын!»
10 #
Збр 71.6
Сен мени анамнынъ къурсагъындан чыкъардынъ,
анамнынъ къучагъында олгъанымда,
Санъа ишанмагъа огреттинъ.
11Догъулгъанымдан берли мен Санъа берильдим,
мен анамнынъ къурсагъындан чыкъкъанымдан берли
Сен меним Алламсынъ.
12 #
Збр 106.12
Энди менден узакълашма,
чюнки беля якъынлашты,
ярдым этеджеклер исе ёкъ.
13 #
Збр 117.10-12; Йрм 50.27; Ам 4.1 Чокъ бугъалар мени сарып алды,
къуветли Башан бугъалары этрафымны сарды.
14Парчаламагъа азыр олып,
окюрген арслан киби,
олар манъа агъызларыны ачты.
15 #
Збр 118.28
Мен, сув киби, тёкюльдим,
бутюн кемиклерим бугъумларындан айырылды,
юрегим ичимде, балавуз киби, ирип битти.
16Къуветим, балчыкъ череп парчасы киби, къуруды;
тилим танълайыма япышып къалды;
Сен мени олюм топрагъына яткъыздынъ.
17 #
Збр 58.7
Мына, копеклер мени сарып алды;
ачувлы сюрю этрафымны сарды,
олар къолларымны ве аякъларымны тештилер#21.17 Даа бойле терджиме этмеге мумкюн: «Олар, арслан киби, къолларымны ве аякъларымны йырталар»..
18 #
Лк 23.35
Кемиклеримни бирер-бирер саймагъа мумкюн,
олар исе манъа тикилип бакъалар.
19 #
Юх 19.24
Урбаларымны озьара болелер,
кийимлерим ичюн джереп чекелер.
20Я РАББИ, менден узакълашма!
Сен манъа къувет бересинъ,
манъа ярдымгъа ашыкъып кель!
21 #
Збр 34.17; Флп 3.2 Джанымны къылычтан къуртар,
копек панджасындан бирден-бир аятымны сакъла!
22 #
2 Тим 4.17
Мени арслан агъзындан къуртар,
кийик бугъаларнынъ бойнузындан къуртар!
Сен манъа джевап бердинъ.
23 #
Еуд 2.12
Сенинъ Адынъны агъа-къардашларыма айтып берерим,
топлашув ичинде Сени макътарым!
24 #
Збр 134.20
Эй, РАББИден къоркъкъанлар,
Оны макътанъыз!
Эй, Якъупнынъ сою, Оны шуретленъиз!
Бутюн Исраиль сою Онъа урьмет косьтерсин!
25О, фукъаренинъ къайгъысындан игренмеди ве нефретленмеди,
ондан юзюни чевирмеди,
лякин онынъ чагъыргъанына къулакъ асты.
26 #
Лев 7.16; Збр 34.18 Буюк топлашувда Сени макътайджагъым;
Сенден къоркъкъанларнынъ огюнде
адакъларымны ерине кетиреджегим.
27Фукъарелер ашап тойсунлар;
РАББИни къыдыргъанлар Оны макътасынлар;
юреклеринъиз эбедий яшасынлар!
28 #
Збр 95.7; Цеф 2.11 Дюньянынъ дёрт кошесинде яшагъан адамлар
РАББИни хатырлап, Онъа къайтаджакълар;
бутюн халкъларнынъ къабилелери Санъа бель букеджеклер.
29 #
Дан 7.14, 27; Ов 1.21; Зек 14.9; Лк 1.33; 1 Кор 15.24; Сыр 11.15 Падишалыкъ РАББИнинъкидир,
О, халкъларнынъ устюнден укюм эте.
30Ер юзюнде бутюн сагъламлар ашкъа тойып,
Онъа бель букеджеклер.
Топракъ ичине киргенлернинъ эписи,
озь омрюни сакълап оламагъанларнынъ эписи
Онынъ алдында тиз чёкеджеклер.
31 #
Збр 101.19
Меним эвлятларым Онъа хызмет этеджек,
олар эбедиен РАББИнинъки оладжакъ.
32 #
Збр 77.6; 101.19 Олар, келеджекте догъуладжакъ адамларгъа келип,
Онынъ акъкъында бутюн акъикъатны
ве Онынъ япкъанларыны хабер этеджеклер!
Currently Selected:
Зебур 21: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
