Сайылар 33
33
Исраильнинъ ордулары Ханаан ёлунда
1Мусанынъ ве Харуннынъ ёлбашчылыгъында Мысыр топрагъындан орду-орду чыкъкъан Исраиль огъулларынынъ юрюшинде токътагъан ерлери будыр. 2РАББИ буюргъаны киби, Муса юрюшини токъталгъан ерлерине коре язып алды. Юрюш вакътында токътагъан ерлери будыр.
3 #
Чыкъ 14.8
Исраиль огъуллары биринджи айда, айнынъ 15-инджи куню, Песахнынъ эртеси куню, эписи мысырлыларнынъ козю огюнде бурун котерип, Раамсестен ёлгъа чыкътылар. 4#Чыкъ 12.12, 29О вакъыт мысырлылар РАББИ ёкъ эткен биринджи догъгъан балаларыны джыймакъта эдилер. РАББИ оларнынъ аллаларыны да джезалагъан эди.
5 #
Чыкъ 12.37
Исраиль огъуллары Раамсестен чыкъып, ордуларыны Сукъкъотта ерлештирдилер.
6 #
Чыкъ 13.20
Сукъкъоттан чыкъып, ордуларыны сахра кенарындаки Этамда ерлештирдилер.
7 #
Чыкъ 14.2
Этамдан чыкъып, Баал-Цефон огюнде ерлешкен Пи-Хахироткъа чевирдилер ве ордуларыны Мигдол огюнде ерлештирдилер.
8 #
Чыкъ 15.22-23
Пи-Хахироттан чыкъып, денъиз ичинден кечтилер ве сахрагъа бардылар. Учь кунь девамында Этам сахрасында юрген сонъ, ордуларыны Марада ерлештирдилер.
9 #
Чыкъ 15.27
Марадан чыкъып, Элимге кельдилер. Элимде он эки чокъракъ ве етмиш хурма тереги бар эди. Анда олар ордуларыны ерлештирдилер.
10Элимден чыкъып, ордуларыны Къызыл денъиз янында ерлештирдилер.
11 #
Чыкъ 16.1
Къызыл денъизнинъ янындан чыкъып, ордуларыны Син сахрасында ерлештирдилер.
12Син сахрасындан чыкъып, ордуларыны Дофкъада ерлештирдилер.
13Дофкъадан чыкъып, ордуларыны Алуш еринде ерлештирдилер.
14 #
Чыкъ 17.1
Алуштан чыкъып, ордуларыны Рефидимде ерлештирдилер. Анда халкъкъа ичмек ичюн сув ёкъ эди.
15 #
Чыкъ 19.2
Рефидимден чыкъып, ордуларыны Синай сахрасында ерлештирдилер.
16 #
Сай 11.34
Синай сахрасындан чыкъып, ордуларыны Киврот-Хаттаавада ерлештирдилер.
17 #
Сай 11.35
Киврот-Хаттаавадан чыкъып, ордуларыны Хацеротте ерлештирдилер.
18Хацероттан чыкъып, ордуларыны Ритмада ерлештирдилер.
19Ритмадан чыкъып, ордуларыны Римнон-Парецте ерлештирдилер.
20Римнон-Парецтен чыкъып, ордуларыны Ливнада ерлештирдилер.
21Ливнадан чыкъып, ордуларыны Риссада ерлештирдилер.
22Риссадан чыкъып, ордуларыны Кехелатада ерлештирдилер.
23Кехелатадан чыкъып, ордуларыны Шафер дагълыгъында ерлештирдилер.
24Шафер дагълыгъындан чыкъып, ордуларыны Харадада ерлештирдилер.
25Харададан чыкъып, ордуларыны Макхелотта ерлештирдилер.
26Макхелоттан чыкъып, ордуларыны Тахатта ерлештирдилер.
27Тахаттан чыкъып, ордуларыны Терахта ерлештирдилер.
28Терахтан чыкъып, ордуларыны Миткъада ерлештирдилер.
29Миткъадан чыкъып, ордуларыны Хашмонада ерлештирдилер.
30Хашмонадан чыкъып, ордуларыны Мосеротта ерлештирдилер.
31 #
Текр 10.6
Мосероттан чыкъып, ордуларыны Бене-Яакъанда ерлештирдилер.
32Бене-Яакъандан чыкъып, ордуларыны Хор-Хаггидгъадда ерлештирдилер.
33 #
Текр 10.7
Хор-Хаггидгъаддан чыкъып, ордуларыны Ётватада ерлештирдилер.
34Ётватадан чыкъып, ордуларыны Авронада ерлештирдилер.
35 #
Текр 2.8
Авронадан чыкъып, ордуларыны Эцион-Геверде ерлештирдилер.
36 #
Сай 20.1; 27.14 Эцион-Геверден чыкъып, ордуларыны Цин сахрасында, яни Къадеште ерлештирдилер.
37 #
Сай 20.22
Къадештен чыкъып, ордуларыны Эдом топрагъынынъ сынъырындаки Хор дагълыгъында ерлештирдилер.
38 #
Сай 20.28; Текр 10.6 Руханий Харун, РАББИнинъ буюргъанына коре, Хор дагъына чыкъты ве анда ольди. Бу, Исраиль огъуллары Мысыр топрагъындан чыкъкъан сонъ, 40-ынджы йылында, бешинджи айнынъ биринджи кунюнде олды. 39Хор дагъында ольгенде, Харун 123 яшында эди.
40 #
Сай 21.1
О вакъыт ханаанлыларнынъ падишасы Арад (о Негевде, Ханаан топрагъында яшай эди) Исраиль огъулларынынъ кельгенлерини эшитти.
41Исраиллилер Хор дагълыгъындан чыкъып, ордуларыны Цалмонада ерлештирдилер.
42Цалмонадан чыкъып, ордуларыны Пунонда ерлештирдилер.
43 #
Сай 21.10
Пунондан чыкъып, ордуларыны Овотта ерлештирдилер.
44 #
Сай 21.11
Овоттан чыкъып, ордуларыны Моавнынъ кенарындаки Ийе-Аваримде ерлештирдилер.
45Ийимден чыкъып, ордуларыны Дивон-Гъадда ерлештирдилер.
46Дивон-Гъаддан чыкъып, ордуларыны Алмон-Дивлатаимде ерлештирдилер.
47 #
Текр 32.49
Алмон-Дивлатаимден чыкъып, ордуларыны Нево огюнде, Аварим дагълы ерлерде ерлештирдилер.
48 #
Сай 22.1
Аварим дагълы ерлерден чыкъып, ордуларыны Ерихоннынъ къаршысында, Иордан янында, Моав тегизликлеринде ерлештирдилер. 49#Сай 25.1Олар ордуларыны Иордан янында, Бет-Ешимоттан Авел-Шиттимгедже, Моав тегизликлеринде ерлештирдилер.
Иордандан кечмезден эвель насиатлар
50Моав тегизликлеринде, Иордан янында, Ерихон къаршысында РАББИ Мусагъа бойле деди:
51– Исраиль огъулларына бойле айт:
Иордандан Ханаан топрагъына кечкен вакъытта, 52#Чыкъ 23.24; Текр 7.5топракъта бутюн яшагъанларны огюнъизден къуваланъыз. Оларнынъ таш путларынынъ эписини ве иритильген маденден япылгъан путларынынъ эписини ёкъ этинъиз, ибадет тёпелерининъ эписини де йыкъынъыз. 53Топракъны озюнъизге мульк оларакъ алынъыз ве анда ерлешинъиз. Мен бу топракъны сизге мульк оларакъ бердим. 54#Сай 26.54Топракъны къабилелеринъиз арасында джереп чекип пай этинъиз. Чокъ сайылы къабилеге балабанджа пайны беринъиз, уфакъча союна – уфакъча пайны беринъиз. Кимге къайда джереп чыкъса, онынъ пайы анда олсун. Бабаларынъызнынъ къабилелерине коре озьлеринъизге пай алынъыз.
55Лякин эгер топракъта яшагъанларны къуваламасанъыз, олардан сагъ къалдырылгъан халкъ сизинъ козьлеринъизге ярчыкъ, янбашларынъызгъа тикен оладжакълар, сиз яшайджакъ топракъта олар сизни раатсыз этеджеклер. 56О заман оларгъа япмагъа истеген шейлеримни Мен сизге япаджагъым.
Currently Selected:
Сайылар 33: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
