Сайылар 16
16
Къорах, Датан ве Авирамнынъ джезасы
1 #
Чыкъ 6.16, 18, 21 Йицхарнынъ огълу Къорах (Йицхар – Кехатнынъ огълу, Кехат – Левийнинъ огълу эди), Элиавнынъ огъуллары Датан ве Авирам, Пелетнинъ огълу Он (олар Рубен огъулларындан эдилер) 2Мусагъа къаршы чыкътылар. Оларнен берабер Исраиль огъулларындан даа 250 адам, джемаатнынъ башлыкълары, топлашувларгъа чагъырылгъан белли адамлар эди. 3#Чыкъ 19.6Топлашып, олар Мусагъа ве Харунгъа къаршы чыкътылар ве:
– Етер! Бутюн джемаат, эр бир адам азиздир, араларында РАББИ бардыр! Не ичюн сиз озьлеринъизни РАББИнинъ халкъындан юксек тутасынъыз? – дедилер.
4 #
Сай 14.5
Муса буны эшиткенинен, бетинен ерге тюшти, 5#2 Тим 2.19Къорахкъа ве эписи аркъадашларына:
– Ярын РАББИ ким Онынъки олгъаныны, ким азиз олгъаныны косьтереджек ве о адамны Озюне якъын япаджакъ. РАББИ сайлайджакъ адамны Озюне якъын япаджакъ. 6Къорах ве аркъадашлары, бойле япынъыз: озьлеринъизге комюр табакъларыны алынъыз, 7#Лев 10.1ярын РАББИнинъ огюнде оларнынъ ичине атеш, атешнинъ устюне де къокъулы отлар къоюнъыз. РАББИ кимни сайласа, о азиз оладжакътыр. Левий огъуллары, бойнунъызгъа артыкъ чокъ юк алдынъыз! – деди.
8Сонъ Къорахкъа мураджаат этип:
– Левий огъуллары, динъленъиз! 9#Сай 8.14Исраиль Алласы сизни Исраиль джемаатындан айырды ве Озюне якъынлаштырды, – деп къошты. – Сиз РАББИнинъ Мескенинде хызмет этесиз, джемаат ичюн джевапкяр олып, оларнынъ огюнде турасынъыз. Аджеба, сизлер ичюн шу азлыкъ этеми? 10РАББИ сени ве сеннен берабер агъа-къардашларынъны, Левийнинъ огъулларыны Озюне якъынлаштырды. Сиз даа руханийликни де истейсинъизми? 11#Чыкъ 16.7-8Сен ве сенинъ аркъадашларынъ топлашып, РАББИге къаршы чыкътынъыз. Харун ким? Сиз не ичюн онъа къаршы шикяет этесинъиз?
12Сонъ Муса Элиавнынъ огъуллары Датан ве Авирамны чагъыртты. Лякин олар:
– Бармайджакъмыз, – дедилер. 13#Чыкъ 2.14– Сен бизни сютнен бал акъкъан топракътан чыкъардынъ, бу сахрада бизни ольдюрмеге истединъ. Бу етерли дегильми, аджеба? Даа бизге башлыкъ этмеге истейсинъми? 14Сен бизни сютнен бал акъкъан топракъкъа кетирдинъми, бизге тарлаларнен юзюмликлерни бердинъми? Бу адамларнынъ козьлерини кёр этмеге истейсинъми? Бармайджакъмыз!
15 #
1 Пад 12.3
Муса зияде ачувланып, РАББИге:
– Оларнынъ бахшышларына эмиет берме. Мен оларнынъ биринден эшек биле алмадым, оларнынъ бирине бир тюрлю яманлыкъ биле япмадым, – деди.
16Сонъ Муса Къорахкъа:
– Ярын сен ве бутюн аркъадашларынъ РАББИнинъ огюнде олмакъ керек. Сен де, олар да. Харун да келеджек. 17Эр кес озь комюр табагъыны алып, ичине къокъулы отлар къойсун, ве эр кес озь комюр табагъыны РАББИнинъ огюне кетирсин. Эписи оларакъ 250 комюр табагъы. Эм сен, эм Харун озь комюр табагъыны кетирсин, – деди.
18Бойледже, эр кес озь комюр табагъыны алып, ичине атеш, атешнинъ устюне къокъулы отларны къойды, сонъ Корюшюв Чадырынынъ кириши огюнде турдылар. Муса ве Харун да бойле яптылар. 19Къорах бутюн джемаатыны Мусагъа ве Харунгъа къаршы Корюшюв Чадырынынъ кириши огюнде топлады. О вакъыт бутюн джемааткъа РАББИнинъ Шурети корюнди. 20РАББИ Мусагъа ве Харунгъа:
21 #
Чыкъ 33.5
– Бу джемааттан айырылынъыз. Мен оларны бир ань ичинде ёкъ этерим, – деди.
22 #
Баш 18.23; Сай 14.5; 27.16; Эюп 12.10; Джем 12.7; Зек 12.1; Фаал 17.28 Олар бетлеринен ерге тюшип, бойле ялвардылар:
– Алла, эр джанлы шейге рухуны берген Алла! Бир адам гуна къазанды, Сен исе бутюн джемааткъа къаршы ачувланасынъмы?
23РАББИ исе Мусагъа:
24– Джемааткъа айт, олар Къорах, Датан ве Авирамнынъ яшагъан чадырларындан узакълашсынлар, – деди.
25Муса турды ве Датангъа ве Авирамгъа кетти. Артындан Исраиль акъсакъаллары кеттилер. 26#2 Тим 2.19Муса джемааткъа:
– Бу яман адамларнынъ чадырларындан узакъ турунъыз. Оларнынъ ич бир шейине тийменъиз. Ёкъса оларнынъ бутюн гуналары ичюн гъайып олурсынъыз, – деди.
27Джемаат Къорах, Датан ве Авирамнынъ яшагъан чадырларындан узакълашты. Датан ве Авирам исе чыкъып, апайларынен, огъулларынен ве кичкене балаларынен берабер чадырларынынъ киришинде турдылар.
28Муса бойле деди:
– Сизлер билирсинъиз ки, бутюн бу ишлерни мен озь истегимден япмайым, оларны япмагъа мени РАББИ ёллады. 29#3 Пад 22.28Эгер булар эр кес киби ольселер, эр кеске келеджек шей оларгъа кельсе, демек, мени РАББИ ёлламады. 30#Збр 54.16Амма эгер РАББИ аджайип бир шейни япса ве ер ярылып, оларны ве оларнынъ эр шейини ютса, олар олюлер дюньясына тири алда тюшселер, буны билинъиз: бу адамлар РАББИге урьметсизлик бильдирдилер.
31Муса бу сёзлерни айтар-айтмаз, шу адамларнынъ алтындаки ер ярылды. 32Ер озь агъзыны ачты да, оларны, эвдекилерини, Къорахнынъ адамларыны ве оларнынъ мал-мульклерини ютты. 33#Икм 1.12Бутюн олгъан шейлеринен берабер олар тири алда олюлер дюньясына тюштилер. Ер оларнынъ устюнден къапалды, ве олар джемаат арасындан ёкъ олдылар. 34Чевре-четте тургъан эписи исраиллилер оларнынъ къычыргъанларыны эшиттилер ве: «Ер бизни де ютмасын», – деп къачтылар.
35 #
Лев 10.2; Сай 11.1 О вакъыт РАББИден атеш чыкъты ве комюр табакъларыны кетирген 250 адамны якъып ёкъ этти.
Комюр табакълары акъкъында
36РАББИ Мусагъа бойле деди:
37– Руханий Харуннынъ огълу Элазаргъа айт, о, янып ольген адамларнынъ кетирген комюр табакъларыны топласын, оларнынъ ичиндеки атешни алып тышкъа атсын. Комюр табакълары 38шу гунакярларнынъ олюминен азиз этильдилер. Оларны япракъ-япракъ эзип дёгсюнлер ве къурбан ерини къапласынлар. Олар РАББИнинъ огюне кетирильдилер ве азиз олдылар. Олар Исраиль огъуллары ичюн бир бельги олсун.
39Руханий Элазар янып ольген адамларнынъ бакъыр комюр табакъларыны топлады, ве олар къурбан ери ичюн япракъ-япракъ эзип дёгюльди. 40#Сай 3.10; 2 Тар 26.18Исраиль огъулларына бу, хатырлатув олды: Харуннынъ эвлятларындан гъайры башкъа ич кимсе РАББИнинъ огюнде къокъулы отларны якъмагъа якъынлашмасын. Ёкъса, РАББИ Мусагъа айткъанына коре Къорахнен ве аркъадашларынен олгъан шей шу адамнен де оладжакътыр.
Харун халкъ ичюн Аллагъа ялвара
41Эртеси куню Исраиль огъулларынынъ бутюн джемааты Мусагъа ве Харунгъа къаршы шикяет эттилер:
– Сиз РАББИнинъ халкъыны ольдюрдинъиз, – дедилер.
42Бутюн джемаат Мусагъа ве Харунгъа къаршы топлангъанда, Корюшюв Чадырына бакътылар, иште, оны булут къаплады ве РАББИнинъ Шурети корюнди. 43Мусанен Харун Корюшюв Чадырынынъ огюне кеттилер. 44РАББИ Мусагъа:
45 #
Чыкъ 33.5; Сай 14.5 – Бу джемааттан узакълашынъыз, оларны бир ань ичинде ёкъ этерим, – деди.
Амма олар бетлеринен ерге тюштилер, 46#Лев 16.12; Сай 1.53Муса Харунгъа:
– Комюр табагъыны ал да, ичине къурбан еринден атешни, атеш устюне къокъулы отларны къой. Тез джемааткъа чап да, олар ичюн одеме эт. РАББИнинъ гъазабы котерильди ве халкънынъ ёкъ этилюви башланды, – деди.
47Харун Муса айткъан шейни алды ве джемаатнынъ ичине чапты. Халкънынъ арасында ёкъ этилюв башланды. Харун къокъулы отларны къойды ве халкъ ичюн одеме этти. 48#Сай 25.8; 2 Пад 24.25Олюлернен тирилер арасында турды, ве ёкъ этилюв токътады. 49Къорахнен берабер ольгенлерден гъайры, ёкъ этилювден 14 700 адам ольди. 50Ёкъ этилюв токътагъан сонъ, Харун Мусагъа, Корюшюв Чадырынынъ кириши янына къайтты.
Currently Selected:
Сайылар 16: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
