Левийлилер 24
24
Къандиль акъкъында къарарнаме
1РАББИ Мусагъа бойле деди:
2 #
Чыкъ 25.31; 27.20-21 – Исраиль огъулларына эмир эт ки, олар санъа, орталыкъны ярыкълаткъан лампатлар даима якъылып турсун деп, келиде басылгъан темиз зейтюн ягъыны кетирсинлер. 3Харун эр вакъыт акъшамдан сабагъадже лампатларны Корюшюв Чадырында, Шаатлыкъ Сандыгъыны сакълагъан перденинъ огюнде, РАББИнинъ огюнде къойсун. Сизинъ эписи несиллеринъизге бу – эбедий низамнамедир. 4Олар эр вакъыт темиз къандиль устюнде, РАББИнинъ огюнде лампатларны къойсунлар.
Пителер акъкъында къарарнаме
5Энъ яхшы богъдай унуны алып, он эки пите пишир. Эр питеде эки чанакъ#24.5 Эки чанакъ – къ. еуд. «(эфанынъ) он пайда эки пайы». ун олсун. 6#Чыкъ 25.30Оларны алтышар-алтышар эки сырагъа РАББИнинъ огюне темиз стол устюне къой. 7Эр бир сыра устюне темиз къокъулы май къой. Бу, эслетме оларакъ, пите янында олып, РАББИге атеште якъыладжакъ бахшыш олсун. 8Исраиль огъуллары адындан пителерни эр вакъыт, эр раатлыкъ куню РАББИ огюне къоймакъ керек. Бу, эбедий васиеттир. 9#1 Пад 21.6; Мт 12.4Пителер Харуннынъ ве онынъ огъулларынынъки олсун. Олар пителерни азиз ерде ашасынлар. РАББИнинъ бахшышларындан бу оларгъа улу азизликтир. Бу, эбедий низамнамедир.
Аллагъа къаршы куфюр сёзлер ичюн джеза
10Бир исраилли къадыннынъ ве мысырлы акъайынынъ бир огълу бар эди. О, исраиллилернинъ ордусына келип, бир исраилли акъайнен къавгъа этти. 11Исраилли къадыннынъ огълу РАББИнинъ Адыны яманлады ве куфюр сёзлерни айтты. Оны Мусагъа кетирдилер. Анасынынъ ады – Шеломит эди. О, Дан къабилесинден, Диврийнинъ къызы эди. 12#Сай 15.34Огъланны сакъчыларнынъ къолуна бердилер ве РАББИнинъ къарарыны бекледилер.
13РАББИ Мусагъа бойле деди:
14 #
Сай 15.35-36
– Куфюр лаф айткъан огъланны ордудан тыш чыкъар. Айткъанларыны эшиткен эр кес онынъ башына къолларыны къойсун да, бутюн джемаат оны ташнен урып ольдюрсин. 15#Чыкъ 20.7; Текр 5.11Исраиль халкъына бойле айт:
Алласы акъкъында куфюр сёзлер айткъан эр бир адам озь гунасы ичюн джеза алсын. 16#3 Пад 21.10Алланынъ Адыны яманлагъан адам мытлакъа ольдюрильсин. Бутюн джемаат оны ташнен урып ольдюрсин. Кельмешекми, исраиллими РАББИнинъ Адыны яманласа, ольдюрильсин.
17 #
Баш 9.6; Чыкъ 21.12; Сай 35.31 Башкъа адамны ольдюрген адам мытлакъа ольдюрильсин. 18#Чыкъ 21.33, 34Бир айванны ольдюрген адам шу айваннынъ ерине бир айван берип одесин. 19#Чыкъ 21.23-25; Текр 19.21; Къад 1.7; Мт 5.38Ким башкъа адамны яраласа, озюне де айны шей япылсын. 20Къырыкъ ичюн къырыкъ, козь ичюн козь, тиш ичюн тиш къаршылыкъ олсун. Бир адам башкъасыны насыл яраласа, оны да айны яраласынлар. 21Бир айванны ольдюрген адам айваннынъ акъкъыны тёлесин. Башкъа адамны ольдюрген адам исе ольдюрильсин. 22#Чыкъ 12.49; Лев 19.34; Сай 15.16; Текр 10.19Эм кельмешекни, эм исраиллини айны бойле суд этинъиз. Мен – РАББИм, сизинъ Алланъыз.
23Муса буларны Исраиль огъулларына бильдиргенинден сонъ, куфюр сёзлерни айткъан адамны ордудан тыш чыкъардылар ве ташларнен урып ольдюрдилер. РАББИ Мусагъа насыл буюргъан олса, Исраиль огъуллары ойле де яптылар.
Currently Selected:
Левийлилер 24: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
