Эюп 15
15
Элифазнынъ экинджи лафы
Инсафлы адам ёкъ
1 #
Эюп 2.11
Теманлы Элифаз бойле джевап берди:
2 #
Эюп 6.26; 16.3 – Акъыллы адам ель бошлугъына джевап берерми?
Къарныны сыджакъ шаркъий ельге толдурырмы?
3Файдасыз лафларнен, къуветсиз сёзлернен
озь ишини къорчалармы?
4Эбет, сен къоркъуны джойдынъ
ве Алланынъ огюнде тюшюнмекни аз бир шей сайдынъ.
5Къабаатынъ агъзынъны бойле ёлгъа къойды,
ве сен айнеджилернинъ тилини сайладынъ.
6 #
Эюп 9.20; Лк 19.22 Озь агъзынъ сени къабаатлай,
мен дегиль, тилинъ санъа къаршы чыкъа.
7 #
Икм 8.25; Збр 89.3 Биринджи догъгъан адам сенсинъми, аджеба?
Я байырлардан эвель яратылгъан эдинъми?
8 #
Йрм 23.18
Алланынъ огреткенини динълединъми?
Акъыл сабысы тек сен олдынъмы?
9 #
Эюп 12.3; 13.2 Биз бильмеген шейден сен не билесинъ?
Биз анъламагъандан да сен нени анъладынъ?
10Арамызда чал да бар,
бабанъдан буюк къарт да бар.
11Алла берген гонъюль
ве йымшакъ лафлары санъа етерлик дегильми?
12Юрегинъ сени алып кеткен ер недир?
Нечюн козьлеринъ ачувнен айлана?
13Нечюн Аллагъа къаршы чыкъасынъ?
Нечюн бойле лафлар айтасынъ?
14 #
Эюп 4.17; 9.2; 14.1; 25.4-6; Збр 50.7 Адам недир? О, темиз олмакъ мумкюнми?
Къадын догъгъан бирев инсафлы ола билирми?
15 #
Эюп 4.18; 5.1; Збр 88.6; Зек 14.5 Бакъ, Алла азиз мелеклерине биле ишанмаз,
коклер де Онынъ козюнде айдын дегиль.
16 #
Эюп 25.6; 34.7; Икм 19.28 Сув ичкени киби, акъсызлыкъны япкъан адам
о къадар бетер джиренч ве бозукътыр.
Имансызларнынъ пайы
17Мен анълатырым, сен мени динъле,
корьгенлеримни айтып берерим.
18 #
Збр 77.4
Буны акъыллы адамлар айта эди,
бабалары буны гизлемей эди.
19Топракъ янъгъыз оларгъа берильген эди,
араларында ябанджы юрмей эди.
20Яман адам омюрбилля хорланыр,
хорлайыджы къач йыл яшаса да,
омюри ойле оладжакътыр.
21Дешет сеслери къулагъындадыр,
аманлыкъ вакътында айдутлар онъа атылыр.
22Къаранлыкътан къуртулып оладжагъына ишанмаз,
даима огюнде къылычны корер.
23Долашып, отьмек тилимини къыдырыр,
къаранлыкъ куню якъын олгъаныны билир.
24Ёкъсуллыкъ ве сыкъынты отюни патлатыр,
урушкъа азыр бир падиша киби оны енъер.
25Чюнки о, Аллагъа къаршы къол котерип,
Къудретлиге къаршы чыкъты,
26къалын къалкъаныны котерип,
Онъа къаршы юзьсюзликнен атылды.
27 #
Збр 72.7
Онынъ бетини ягъ къаплады,
янбашларыны ягъ басты.
28Шунынъ ичюн о, хараплангъан шеэрлерде,
отурылмаз эвлерде,
йыкъылаяткъан ерлерде яшайджакъ.
29О, зенгин олмайджакъ,
байлыгъы сакъланмайджакъ,
ер юзюнде берекети де олмайджакъ.
30 #
Эюп 4.9
Къаранлыкътан къуртулмайджакъ,
атеш онынъ филислерини къурутаджакъ,
ель эсип, оны ёкъ этеджек.
31О, бош шейге ишанмасын, озюни алдатмасын;
ондан о, тек бош шей аладжакъ.
32 #
Эюп 22.16; Збр 54.24 О, вакъытсыз къуругъан терек киби солып къаладжакъ,
ве пытакълары бир даа ешермейджек.
33Юзюм кутюги киби, о, чий мейвасыны тюшюрир,
зейтюн тереги киби, чечегини дагъытыр.
34 #
Эюп 20.26; Збр 20.10 Бойледже алласыз адамнынъ топлашувы бош къалыр,
къапар алгъанларнынъ чадырларыны атеш якъып ёкъ этер.
35 #
Збр 7.15; Еш 59.4; Якъ 1.15 Олар беля тюшюнип, яманлыкъ догъар,
къарынлары да алдав азырлар.
Currently Selected:
Эюп 15: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
