Хошеа 8
8
Исраиль путларгъа ибадет эткени ичюн суд этиле
1 #
Текр 28.49; Йрм 4.5; Хош 5.8 Бору чалынъыз!
Исраиллилер васиетимни бозгъанлары ичюн,
Къануныма къаршы чыкъкъанлары ичюн,
душманлар, къартал киби, РАББИнинъ Эвине келеджек.
2 #
Мт 7.21-23
Исраиллилер менден ярдым истейджек:
«Алламыз! Биз Санъа инанамыз!»
3Лякин Исраиль яхшылыкъны ред этти,
шунынъ ичюн душманлар оларны къувалайджакъ.
4 #
3 Пад 12.20; Хош 7.7 Менден сорамайып, озьлерине падишаларны къойдылар,
хаберим олмайып, башлыкъларыны сайладылар.
Кумюш ве алтынларындан озьлерине путлар ясады,
шунынъ ичюн де олар гъайып олды.
5 #
3 Пад 12.28; Хош 10.5; 13.2 Эй, Самарие, сенинъ бузав путунъ ред этильди!
Оларгъа къаршы ачувым чыкъты.
Олар даа не къадар темиз оламайджакъ?
6Бу – Исраильнинъ ишидир.
Бир уста шу бузавны япты,
шунынъ ичюн о, Алла дегильдир.
Самариенинъ бузавы чиль-парча оладжакъ.
7 #
Хош 10.13
Олар ельни сачкъаны ичюн, боранны джыяр.
Оларнынъ урлукълары берекет бермейджек,
богъдай унны бермез.
Унны берсе биле,
чет адамлар оны ашап битирир.
8 #
4 Пад 17.6
Исраиль енъильди.
Шимди о, халкълар арасында
бир шейге ярамагъан савут киби олды.
9 #
Хош 5.13; 7.11; Йрм 2.24; Ехез 16.33-34 Янъгъыз быралкъылангъан кийик эшек киби,
олар Ашшургъа кеттилер;
Эфраим башкъаларнынъ урьмет-севгисини
сатын алмагъа тырышты.
10Олар халкъларгъа бахшышларны йиберсе де,
энди Мен оларны бир ерге топлайджагъым,
ве олар къудретли падишанынъ къатты къолу алтында
чекишмеге башлайджакъ.
11Эфраим гуналарыны багъышламакъ ичюн чокъ къурбан ерлерини къургъан олса да,
бу къурбан ерлери исраиллилерни гунагъа батырды.
12Мен оларгъа чокъ муим къанунларымны язып бердим,
олар исе озьлерини санки оларнынъ бир иши ёкъ деп, туталар.
13 #
Текр 28.68; Йрм 7.21; 14.10 Манъа къурбан-бахшышларыны кетиргенде,
айванларны соялар ве этлерини ашайлар.
РАББИ оларны къабул этмез.
Шимди О, къабаатларыны акъылгъа кетирир,
гуналары ичюн джезалар,
ве олар Мысыргъа къайтар.
14 #
Текр 32.18; Еш 17.10; Йрм 3.21; 17.27; Ам 2.5 Исраиль Яратыджысыны унутты,
путларгъа ибадетханелерни ясады,
Ехуда бир чокъ янына барылмаз шеэрни къурды.
Амма Мен оларнынъ шеэрлерине атеш ёллайджагъым,
ве о, къалелерини ашап битиреджек.
Currently Selected:
Хошеа 8: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
