Хошеа 2
2
1 #
Хош 1.6, 9 О куню агъа-къардашларынъызгъа – «Амми#2.1 Къ. еуд. «меним халкъым» демектир.», къызкъардашларынъызгъа – «Рухама#2.1 Къ. еуд. «мерамет этильген» демектир.» дерсинъиз.
Исраиль – садакъатсыз келин
2 #
Еш 50.1
Исраиль-ананъызгъа къаршы суд ишини башланъыз.
О, энди Меним апайым дегиль,
Мен де онынъ акъайы дегилим.
О, не юзюни, не кокюслерини
ороспулыкъ хызметине бермесин.
3 #
Ехез 16.39
Ёкъса, Мен оны чыр-чыплакъ союндыраджагъым,
догъгъан куню олгъаны киби этеджегим,
бош сахра киби япаджагъым,
оны къуру топракъкъа чевиреджегим
ве сувсузлыкътан ольдюреджегим.
4 #
Хош 1.2, 6 Онынъ балаларыны да аджымайджагъым,
чюнки олар – ороспулыкънынъ балаларыдыр.
5Оларнынъ анасы ороспулыкъ этти,
оларгъа юкке къалгъан къадын масхара олды.
О: «Ойнашларым манъа отьмек, сув, юнь, кетен,
зейтюн ягъы, ичимликлерни берелер.
Мен оларнынъ артындан кетеджегим», – деди.
6Бунынъ ичюн Мен онынъ этрафыны когемликнен сараджагъым,
озь ёлуны тапалмасын деп,
чевре-четинде таш дивар къураджагъым.
7 #
Еш 54.5; Йрм 3.14 О, ойнашларынынъ пешинден чападжакъ,
амма артларындан еталмайджакъ,
оларны къыдыраджакъ,
амма тапалмайджакъ.
О вакъыт о: «Биринджи акъайыма къайтайым,
чюнки о заманки алым шимдикисинден хайырлы эди!» – дейджек.
8 #
Ехез 16.19
Мен онъа богъдай, янъы шарап, зейтюн ягъыны бердим,
бундан онынъ хабери исе ёкъ эди.
Мен онынъ алтын-кумюшини чокълаштырдым,
олар исе оларны Баал путуна берди.
9Бунынъ ичюн богъдайны озь вакътында бермейджегим,
янъы шарап озь заманында олмайджакъ.
Чыплакъ беденини къапаткъан юнюмни
ве кетенимни тартып аладжагъым.
10 #
Агъл 1.8; Ехез 16.37; 23.29 Шимди ойнашларынынъ огюнде масхарасыны ачаджагъым,
ич кимсе оны къолумдан къуртарамайджакъ.
11 #
Сай 28.9-15; Еш 24.8; Йрм 7.34; 16.9; Ам 8.10 Бутюн къуванчыны токътатаджагъым,
о, бир даа озь байрамларыны,
янъы айларыны, раатлыкъ куньлерини тутмайджакъ,
тайин этильген ич бир топлашувыны япмайджакъ.
12 #
Хош 9.1; Микъа 1.7 Бутюн юзюмликлерини ве инджир тереклерини бакъымсыз къалдыраджагъым,
чюнки о: «Мен буларны къазандым,
олар – ойнашларым манъа берген бахшышлардыр» – деди.
Мен оларны орманлыкъкъа чевиреджегим,
олар кийик айванларгъа аш оладжакъ.
13 #
3 Пад 16.31-32; Ехез 23.40; Хош 11.2 Мен оны джезалайджагъым,
чюнки о, Баал путларына хызмет эте,
оларгъа къокъулы отларны якъа,
юзюклер ве герданлыкъларнен безенип,
ойнашларынынъ артындан кетти,
Мени исе унутты, – дей РАББИ.
Раббининъ Озь халкъына севгиси
14 #
Еш 40.2; Ехез 20.35 Бунынъ ичюн Мен оны алдатып чыкъараджагъым,
сахрагъа алып кетеджегим,
онъа татлы лафлар айтаджагъым.
15Анда онъа юзюмликлерни береджегим,
Акъор#2.15 Акъор – къ. еуд. бу ад «беля кетирмек» манасыны анълата (бакъ. Ехо 7.1-26). вадийини онынъ ичюн умют къапусы япаджагъым.
Анда о, яшлыгъында киби,
Мысырдан чыкъкъан куньлерде киби,
тюркюлер йырлайджакъ#2.15 Я да «о, джевап береджек»..
16– О куню, – дей РАББИ, –
сен Манъа «акъайым» дейджексинъ,
бир даа манъа «эфендим» демейджексинъ.
17 #
Чыкъ 23.13; Зек 13.2 Агъзынъдан Баал путларынынъ адларыны узакълаштыраджагъым,
ве адлары бир даа анъылмайджакъ.
18 #
Еш 2.4; 54.10; Ехез 34.25; 37.26; 39.9; Микъа 4.3 О куню Мен кийик айванларгъа, коктеки къушларгъа,
ер юзюндеки махлюкъларгъа
халкъымнен муаббет яшамагъа буюраджагъым.
Мен о мемлекеттен эм яйны,
эм къылычны, эм дженкни узакълаштыраджагъым,
оларгъа раат яшамагъа береджегим.
19 #
2 Кор 11.2
Сен эбедиен меним нишанлым оладжакъсынъ.
Акъикъат, адалет, севги ве мераметнен
Мен санъа нишанланаджагъым.
20 #
Йрм 31.34
Мен санъа ишанчлы оладжагъым,
ве сен РАББИни биледжексинъ.
21– О куню, – дей РАББИ, –
Мен джевап береджегим.
Мен коклерге дейджегим,
ве коклер ерге ягъмур ягъдыраджакъ.
22Ер юзю богъдай, янъы шарап ве зейтюн ягъы берекетини береджек.
Олар номай берекетлеринен Йизреэлни#2.22 Йизреэл – къ. еуд. бу ад «Алла сача» манасыны ташый. (1.4 къыяс.) толдураджакъ.
23 #
Хош 1.6, 9, 10; Рим 9.25; 1 Пётр 2.10 Мен бу мемлекетте Исраильни,
урлукъ киби, Озюме сачаджагъым,
мерамет этильмегенлерге мерамет этеджегим#2.23 Къ. еуд. «Ло-Рухаманы мерамет этеджегим» демектир.,
халкъым олмагъанларгъа: «Сиз – Меним халкъымсыз», – дейджегим#2.23 Къ. еуд. «Ло-Аммиге “сен Меним халкъымсынъ” дейджегим» демектир..
Олар исе Манъа: «Сен – бизим Алламызсынъ», – дейджеклер.
Currently Selected:
Хошеа 2: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
