Хошеа 10
10
Исраиль озь имансызлыгъы ичюн чокъ яманлыкъ кореджек
1 #
Збр 79.9; Еш 5.1; Мт 21.33 Исраиль – чокъ пытакълы юзюм,
о, чокъ берекет озюне бере.
Берекети чокълашкъан сайын,
о, къурбан ерлерини де чокълаштыра.
Топракънынъ байлыгъы арткъан сайын,
о къадар зияде олар пут ташларыны яраштыра.
2Ичлери ялангъа толды,
онынъ ичюн олар къабаатланаджакъ.
РАББИ къурбан ерлерини йыкъаджакъ,
пут ташларыны ёкъ этеджек.
3Энди олар: «Биз РАББИден къоркъмагъанымыз ичюн,
бизде энди падиша ёкъ.
Падишамыз олса да,
о, бизге не япып олур эди?» – дейджеклер.
4Олар бош лафлар айталар,
алдатып, ант этелер,
барышыкъ шартнамелерини япалар.
Бунынъ ичюн давалар,
сюрюльген тарлада зеэрли отлар киби, бой берелер.
5 #
3 Пад 12.28; Хош 4.15; 8.5; 13.2 Самариеде яшагъанлар
Бет-Авендеки бузавнен олгъаныны корип къоркъаджакъ.
Халкъ онынъ артындан зар чекеджек.
Онъа къуванчнен ибадет эткен руханийлер
шурети ондан айырылгъаны ичюн агълайджакъ.
6Бузав путуны бахшыш оларакъ буюк падишагъа#10.6 Къ. еуд. «Ярев падиша».,
Ашшур мемлекетине алып кетеджеклер.
Эфраим масхара оладжакъ,
озь къара ниети ичюн Исраиль утанаджакъ.
7Самарие шеэри падишасынен берабер,
сув устюндеки копюк киби, гъайып оладжакъ.
8 #
Лк 23.30; Сыр 6.16 Авен шеэринде Исраильни гунагъа батыргъан ибадет тёпелери ёкъ оладжакъ,
къурбан ерлеринде когемликнен кийик отлар оседжек.
О вакъыт анда яшагъанлар дагъларгъа: «Бизни къапатынъыз!»,
байырларгъа: «Устьлеримизге тюшюнъиз!» – дейджеклер.
9 #
Къад 19.22; Хош 9.9 Эй, Исраиль, Гива куньлеринъден башлап,
сен чокъ гуна яптынъ.
Ойле де къалдынъ.
Амма Гивада гунакярларгъа къаршы дженк башларына тюшмедими?#10.9 Я да «Гивада баш котерген огъулларгъа къаршы олгъан дженк оларнынъ эписини ёкъ этмеди, олар сагъ къалдылар».
10Истегиме коре Мен оларны джезалайджагъым.
Халкълар оларгъа къаршы топланаджакъ
ве оларны эки къабааты ичюн зынджырларнен багълайджакъ.
11 #
Йрм 46.20
Эфраим – яхшы огренген юваш тана эди,
арман ишини чокъ бегенди.
Амма Мен семиз бойнуна боюндырыкъ такъаджагъым,
Эфраимни екеджегим.
Ехуда ер сюреджек,
Якъуп топракъны тырнайджакъ.
12 #
Икм 11.19; Йрм 4.3; Гал 6.8 Озьлеринъиз инсафлы ишлер сачынъыз
ве ишанчлы севгини джыярсынъыз.
Юреклеринъизнинъ къазылмагъан топрагъыны къазынъыз,
чюнки РАББИни къыдырмагъа вакъыт кельди.
О заман РАББИ кельгенде,
сизге акъикъатны ягъдыраджакъ.
13 #
Хош 8.7
Сиз исе яманлыкъ осьтюрдинъиз,
шунынъ ичюн къабаат джыйдынъыз.
Сиз ялан мейвасыны ашадынъыз,
чюнки озь ёлунъызгъа,
ёлдашларынъызнынъ чокълугъына ишандынъыз.
14 #
4 Пад 17.3-4; Еш 13.16 Шунынъ ичюн халкъынъыз арасында
дженк дешетлери пейда оладжакъ.
Шалман дженкте Бет-Арбелни йыкъкъаны киби,
бутюн къавий къалелеринъиз йыкъыладжакъ.
О куню аналар балаларынен берабер ольдюрильди.
15Эй, Бет-Эль, буюк яманлыгъынъ ичюн,
башынъа да айнысы тюшеджек.
Currently Selected:
Хошеа 10: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
