Башланув 46

Якъуп Мысыргъа кочип кете

1 # Баш 26.33 Исраиль бутюн озь мал-мулькюнен ёлгъа чыкъты. Беэр-Шева шеэрине келип, о, бабасы Исхакънынъ Алласына къурбан чалды. 2Геджеси тюшюнде Алла Исраильге:

– Якъуп! Якъуп! – деди.

– Мен мындам, – деди о.

3– Мен – Аллам, бабанънынъ Алласыдырым, – деди Алла. – Мысыргъа бармагъа къоркъма. Анда Мен сенден буюк халкъ асыл этерим. 4#Баш 50.13Мен сеннен Мысыргъа барарым, Мен де сени андан чыкъарырым. Юсуф озь къолунен козьлеринъни къапатыр.

5Сонъ Якъуп Беэр-Шевадан кетти. Фыравун оны алып кельмек ичюн ёллагъан арабалар устюнде Исраильнинъ огъуллары бабалары Якъупны, балаларыны ве апайларыны алып кеттилер. 6Ханаан топрагъында ишлеп тапкъан мал-мулькюни ве айванларны озьлеринен алдылар. Шай этип, Якъуп ве бутюн онынъ эвлятлары Мысыргъа кельдилер. 7Якъуп озюнен берабер огъулларыны ве торунларыны, къызларыны ве къыз торунларыны, – бутюн эвлятларыны Мысыргъа кетирди.

8 # Чыкъ 6.14-16 Мысыргъа кельген Исраиль огъулларынынъ адлары будыр:

Якъуп ве онынъ огъуллары. Якъупнынъ биринджи огълу Рубен. 9#Чыкъ 6.14; Сай 26.5-6; 1 Тар 5.3Рубеннинъ огъуллары: Ханокъ, Паллу, Хецрон ве Къармий. 10#Сай 26.13Шимеоннынъ огъуллары: Емуэл, Ямин, Охад, Якин, Цохар ве ханаанлы къызнынъ огълу Шаул. 11#Сай 3.17; 26.57Левийнинъ огъуллары: Гершон, Кехат ве Мерарий. 12#Баш 38.1-30; Сай 26.19Ехуданынъ огъуллары: Эр, Онан, Шела, Перец ве Зерах, амма Эр ве Онан Ханаан топрагъында ольдилер. Перецнинъ огъуллары: Хецрон ве Хамул. 13#Сай 26.23-24; 1 Тар 7.1Йиссакъарнынъ огъуллары: Тола, Пува, Йов ве Шимрон. 14#Сай 26.26Зевулуннынъ огъуллары: Серед, Элон ве Яхлеэл. 15Бу – Паддан-Арамда догъгъан, Дина къызынен берабер, Леанынъ Якъупкъа тапкъан огъулларыдыр. Онынъ огъуллары ве къызлары эписи олып отуз учь джандыр.

16 # Сай 26.15 Гъаднынъ огъуллары: Цифион, Хаггий, Шуний, Эцбон, Эрий, Ародий, Арелий. 17#Сай 26.44-46; 1 Тар 7.30-40Ашернинъ огъуллары: Йимна, Йишва, Йишвий ве Бриа. Оларнынъ къызкъардашы Серах. Брианынъ огъуллары: Хевер ве Малкиэл. 18Бу – Лаван Леа къызына берген Зилпанынъ огъуллары. О, Якъупкъа он алты бала догъды.

19Якъупнынъ апайы олгъан Рахельнинъ огъуллары: Юсуф ве Биньямин. 20#Баш 41.45; Сай 26.28-37; Еш 19.18; Ехез 30.17Мысыр топрагъында Юсуфнынъ Менашше ве Эфраим огъуллары догъдылар. Оларны онъа Поти-Пера деген Он шеэриндеки баш руханийнинъ Аснат къызы тапты. 21#Сай 26.38-41; 1 Тар 7.6-12; 8.1-5Биньяминнинъ огъуллары: Бела, Бекер, Ашбел, Гера, Нааман, Эхий, Рош, Муппим, Хуппим ве Ард. 22Бу – Якъупнынъ Рахельден олгъан несили – он дёрт джан.

23 # Сай 26.42 Даннынъ огъуллары: Хушим. 24#Сай 26.48-49; 1 Тар 7.13Нафталийнинъ огъуллары: Яхцеэл, Гуний, Ецер ве Шиллем. 25Бу – Лаван Рахель къызына берген Билханынъ огъуллары. О, Якъупкъа еди бала догъды.

26Якъупнен берабер, ондан асыл олгъанлар, келинлеринден гъайры, Мысыргъа эписи олып алтмыш алты джан кельдилер. 27#Чыкъ 1.5Мысырда догъгъан Юсуфнынъ огъуллары эки джаннен берабер, Мысыргъа кочькен Якъупнынъ эвлятлары эписи олып етмиш джандыр.

Якъуп фыравунны багъышлай

28Юсуфкъа, Гошенге ёлны косьтермек ичюн, Якъуп озюнден эвель Ехуданы ёллады. Олар Гошен топрагъына кельгенде, 29Юсуф озь арабасыны ектиртти ве, бабасы Исраильни къаршыламакъ ичюн, Гошенге кетти. Оны корьген сонъ, бойнуна сарылды ве онынъ бойнунда чокъ вакъыт агълады. 30Исраиль Юсуфкъа:

– Энди, сенинъ юзюнъни, сен даа сагъ олгъанынъны корьген сонъ, манъа ольмек мумкюн, – деди.

31Юсуф агъа-къардашларына ве бутюн бабасынынъ эвине:

– Мен барып, фыравунгъа бу хаберни айтайым: «Манъа Ханаан топрагъындан агъа-къардашларым ве бабамнынъ къорантасы кельдилер. Олар къой-эчки бакъып, чобанлыкъ этелер. 32Олар къой-эчкилернен туварларны ве оларда олгъан бутюн барлыкъ-вариетни алып кельдилер», – деди. 33– Эгер фыравун сизлерни чагъырып, ненен огърашкъанынъызны сораса, 34#Баш 43.32; Чыкъ 8.26сизлер: «Биз сенинъ къулларынъ, яшлыгъымыздан айванасравджылыкънен огърашамыз, эм биз, эм бабаларымыз», – деп айтынъыз. О заман сизни Гошен топрагъында ерлештирирлер. Эр къой чобаны мысырлылар ичюн арамдыр.

Currently Selected:

Башланув 46: CTB

Highlight

Copy

Compare