Чыкъыш 23

Адалетлик акъкъында

1 # Чыкъ 20.16 Ошек ташыманъыз. Ялан шаатлыкъ этип, джинаетчиге къол тутманъыз.

2Чокълукънынъ пешинден яманлыкъкъа къошулманъыз, судда шаатлыкъ эткенде, чокълукъкъа къошулып, акъикъатны бозманъыз. 3#Лев 19.15Фукъарени суд эткенинъизде, фукъарелигини аджып, ялан айтманъыз.

4 # Текр 22.1 Эгер душманынънынъ джоюлгъан бугъасыны я да эшегини тапсанъыз, онъа кетиринъиз. 5Душманнынъ юк агъырлыгъындан йыкъылгъан эшегини корьсенъиз, душманнынъ янындан кечменъиз, эшегини котермеге онъа ярдым этинъиз.

6 # Чыкъ 22.21-22; Икм 22.22 Башкъа адамларнынъ ишлери киби, фукъаренинъ ишини де адалетли чезинъиз. 7#Лев 19.16; Текр 27.25; 3 Пад 21.1-11; Икм 17.15; 24.24; Еш 5.23Ялан шаатлыкъны къабул этменъиз. Акълы ве къабаатсыз адамгъа олюм джезасыны тайинлеменъиз. Мен бу акъсызлыкъта къабаатлы олгъан адамны багъышламам. 8#Текр 16.19; 1 Пад 8.3Къапарлар алманъыз. Къапарлар корьген козьни кёр этелер, акълыларнынъ ишлерини терс айландыралар.

9 # Чыкъ 22.21 Кельмешекнинъ джаныны агъырттырманъыз, онъа залымлыкъ этменъиз. Сиз кельмешекнинъ алыны билесинъиз, чюнки Мысыр топрагъында озюнъиз кельмешеклер эдинъиз.

Единджи йыл ве единджи кунь акъкъында

10Алты йыл тарлаларынъызда ашлыкъ сачып, берекетини джыйынъыз, 11#Лев 25.2-7единджи йылы исе халкъынъыздан олгъан факъыр-фукъарелер кечинсин деп, олардан къалгъаныны да кийик айванлар ашап битирсинлер деп, топрагъынъызгъа раатлыкъ беринъиз. Юзюм ве зейтюн багъларына да ойле япынъыз.

12 # Чыкъ 20.9-10 Алты кунь ишлеринъизни этинъиз, единджи куню исе раатлыкъ куню олсун. Бугъанъызнен эшегинъиз раатлансынлар, къулунъызнынъ огълу ве кельмешек нефес алсынлар.

13 # Ехо 23.7; Збр 15.4; Хош 2.17; Зек 13.2 Мен сизге бутюн айткъан шейлеримни тутунъыз. Башкъа аллаларнынъ адларыны анъманъыз, олар агъызларынъыздан чыкъмасын.

Учь буюк байрам акъкъында

14 # Сай 28.16-31; Текр 16.1-17 Йылда учь кере Меним байрамларымны къайд этинъиз.

15 # Чыкъ 12.15; 34.20 Маясыз Пишкен Пите Байрамыны япынъыз. Мен санъа эмир эткеним киби, Авив айында#23.15 Авив айында – баарьнинъ ильк куньлеринде, къарарнен март я да апрель айында. тайинленген куньлерде еди кунь маясыз пишкен пите ашанъыз. Сиз Мысырдан бу айда чыкъып кеткен эдинъиз. Меним огюме кимсе бош къолнен кельмесин.

16 # Чыкъ 34.22; Лев 23.33-43; Сай 29.12-39; Текр 16.9, 13-15; 31.10-11 Тарлада сачкъан Биринджи Махсул Байрамыны япынъыз.

Тарладан бутюн берекетинъни джыйгъан сонъ, берекет джыйылув куньлерининъ сонъунда, Махсул Джыйылув Байрамыны япынъыз.

17 # Чыкъ 34.23 Йылда учь кере эписи акъайларынъыз РАББИ-ТААЛЯнънынъ юзю огюне кельсинлер.

18Манъа къурбан кетиргенинъизде, къурбаннынъ къаныны маялы отьмекке тёкменъиз. Байрам къурбанымнынъ ягъыны сабагъадже къалдырманъыз.

19 # Чыкъ 34.26; Лев 22.28; Текр 14.21; 22.6; 26.2 Ернинъ биринджи берекетинден энъ яхшы махсулларыны Алланъ олгъан РАББИнинъ Эвине кетиринъиз. Улакъны анасынынъ сютюнде пиширменъиз.

Ваделер ве насиатлар

20 # Чыкъ 14.9; Мал 3.1; Мт 11.10; Мк 1.2; Лк 7.27 Сени ёлда къорчаласын ве Мен санъа азырлагъан ерге алып барсын деп, Мен сенинъ огюнъден Мелегимни ёллайым. 21Онынъ юзю огюнде озюнъизни низамлы тутунъыз ве Онынъ сёзюни динъленъиз. Онъа къаршы инатланманъыз. О, Онда Меним Адым олгъаны ичюн, гуналарынъызны багъышламаз. 22#Баш 12.3; Текр 30.7Эгер сиз Онынъ сёзюни динълеп, сизге бутюн айткъанларымны япсанъыз, Мен душманларынъызнынъ душманы олурым, сизге къаршы чыкъкъан адамларгъа къаршы чыкъарым. 23#Чыкъ 33.2; Текр 7.1; Ехо 3.10Сизинъ огюнъден Мелегим кетип, сизни аморлыларгъа, хитлилерге, перизлилерге, ханаанлыларгъа, хивлилерге ве евуслыларгъа алып кеткенде, Мен бу халкъларны ёкъ этерим. 24#Чыкъ 20.5; Сай 33.52Сиз оларнынъ аллаларына табынманъыз, оларгъа хызмет этменъиз, ишлеринден орьнек алманъыз. Оларны парлап-парчаланъыз, пут ташларыны йыкъынъыз.

25 # Текр 7.15 РАББИге, сизинъ Алланъызгъа хызмет этинъиз. О вакъыт О, сизинъ отьмегинъизни ве сувунъызны багъышлап, хасталыкъларны сизден узакълаштырыр. 26#Текр 7.14Сизинъ топрагъынъызда апайларынъызнынъ даа догъмагъан балалары тюшмезлер, къадынлар баласыз олмаз, омюрлеринъиз узакъ олур. 27#Текр 2.25; 28.7; Ехо 2.9Мен ойле япарым ки, сизлер кельмезден эвель, адамлар Менден отьлерини патлатып шашмалайджакълар, душманларынъызны сизден къачмагъа меджбур этерим. 28#Текр 7.20; Ехо 24.12Огюнъизден азманларны ёлларым, олар юзюнъиз огюнден хивлилерни, ханаанлыларны ве хитлилерни къуварлар. 29#Текр 7.22Амма топракъ бошамасын ве кийик айванлар чокълашмасынлар деп, юзюнъиз огюнден оларны бир йыл ичинде къуваламам. 30Сизлер бу топракъны толдурмакъ ичюн баягъы артып чокълашмагъанынъыздже, оларны сизден яваш-яваш къуварым.

31 # Баш 15.18; Сай 34.1-12; Текр 11.24; Ехо 1.4; Збр 71.8 Сынъырларынъызны Къызыл денъизден башлап, фелестинлилернинъ денъизинедже#23.31 Акъ денъиз. ве сахрадан башлап, улу Фират дерьясынадже кечиририм. Бу ернинъ сакинлерини сизге берерим, ве сиз оларны юзюнъиз огюнден къуварсынъыз. 32Не оларнен, не аллаларынен анълашма тизменъиз. 33#Чыкъ 34.12; Текр 7.16; Ехо 23.12-13; Къад 2.3; Збр 105.36Сизни Манъа къаршы гунагъа батырмамакъ ичюн, олар топрагъынъызда яшамасынлар. Эгер сиз оларнынъ аллаларына хызмет этсенъиз, бу сизге къапкъан олур.

Currently Selected:

Чыкъыш 23: CTB

Highlight

Copy

Compare