4 Падишалар 3

Исраиль ве Ехуда Моавгъа къаршы дженк этелер

1Ехуда падишасы Ехошафат 18-инджи йыл падишалыкъ эткенде, Ахавнынъ огълу Ёрам Исраиль падишасы олды. О, Самарие шеэринде 12 йыл девамында падишалыкъ этти. 2#3 Пад 16.31; 4 Пад 10.26О, РАББИнинъ козю огюнде, бабасы-анасы къадар олмаса да, ярамай шейлер япты. Лякин бабасы къойгъан Баалнынъ пут ташыны алып ташлады. 3#3 Пад 12.28-32Амма Исраильни гуналаргъа батыргъан Неват огълу Еровоамнынъ япкъан гуналарыны о да япты, олардан вазгечмеди.

4Моав мемлекетининъ падишасы Меша къой асравджылыкънен огъраша эди. О, Исраиль падишасына 100 000 баш къоюн ве 100 000 баш къоюннынъ юнюни йибере эди. 5#4 Пад 1.1Амма Ахавнынъ олюминден сонъра Моавнынъ падишасы Исраильнинъ падишасына къаршы котерильди. 6О вакъытта Ёрам Самариеден чыкъып, бутюн исраиллилерни дженкке топлады. 7#3 Пад 22.4Ехуда падишасы олгъан Ехошафаткъа бойле хабер йиберди:

– Моавнынъ падишасы манъа къаршы котерильди. Моавлыларгъа къаршы дженкке меннен берабер кетеджексинъми? – деп соратты.

Ехошафат онъа джевап берип:

– Мен сеннен кетерим. Аскер ве атлыларым да сенинъ олсун, – деди. 8– Къайсы ёлдан кетеджекмиз? – деп сорады.

– Эдом сахрасы ёлундан кетеджекмиз, – деп джевап берди Ёрам.

9 # 3 Пад 22.47 Бундан сонъ Исраиль падишасы, Ехуда падишасы ве Эдом падишасы ёлгъа чыкътылар. Еди кунь девамында ёлларда анда-мында юрдилер. Ордуларынынъ ве оларнен берабер кеткен айванларынынъ суву битти.

10 # Ехо 7.7 – Ах! Вах! – деди Исраиль падишасы. – РАББИ бу учь падишаны моавлыларнынъ элине бермек ичюн топлады.

11 # 3 Пад 22.7 Ехошафат исе:

– Мында РАББИнинъ пейгъамбери ёкъ экенми? Биз ондан РАББИнинъ эмири акъкъында сорар эдик, – деди.

Исраиль падишасынынъ хызметчилеринден бири:

– Мында Шафат огълу Эль-Яса бар. О, Ильяснынъ хызметчиси эди, – деди.

12Ехошафат:

– РАББИ онен Озь эмирлерини бильдире, – деди.

Сонъ Исраиль падишасы, Ехошафат ве Эдом падишасы Эль-Ясагъа кеттилер. 13#3 Пад 18.19; 22.6Эль-Яса Исраиль падишасына:

– Менден санъа не керек? Бар, бабанънынъ ве ананънынъ пейгъамберлеринден сора, – деди. Амма Исраиль падишасы онъа:

– Ёкъ, бармам. РАББИ учь падишаны моавлыларгъа бермек ичюн мында топлады, – деди.

14Эль-Яса джевап берип:

– Мен хызмет эткен Ордулар РАББИсининъ огюнде ант этем: мен урьмет эткен Ехуда падишасы Ехошафат мында олмаса, санъа айланып да бакъмаз эдим. 15#1 Пад 10.5; 16.17; 3 Пад 18.46Манъа сантырда яхшы чалгъан бирисини чагъырынъыз, – деди.

Чалгъыджы сантыр чалгъанда, Эль-Ясагъа РАББИнинъ къолу тийди. 16О:

– «Вадийде сыра-сыра арыкълар къазынъыз, – дей РАББИ. 17– Сизлер ель дуймайджакъсынъыз, ягъмур корьмейджексинъиз, лякин шу вадий сувгъа толаджакъ. Бу сувны сизлер де, туварларынъыз ве айванларынъыз да ичеджексинъиз», – дей РАББИ. 18Бу, РАББИ ичюн къолай. О, моавлыларны къолларынъызгъа береджек. 19#Текр 20.19Сиз оларнынъ бутюн пекитильген ве бутюн буюк шеэрлерини енъеджексинъиз. Бутюн яхшы тереклерини кесинъиз, сув чокъракъларыны къапатынъыз ве энъ яхшы тарлаларыны ташларнен толдурып бозунъыз, – деди.

20 # Чыкъ 29.39-40 Саба эрте, саба къурбанлары чалынгъан вакъытта, Эдом тарафындан сувлар акъып башлады. Бутюн ер сувгъа толды.

21Моавлылар, падишаларнынъ оларгъа къаршы дженкке чыкъкъанларыны эшитип, яш огълан балалардан башлап акъайларнынъ эписи топландылар ве сынъырлары бою ерлештилер. 22Саба эрте олар тургъанда, кунеш сувларны ярыкълатты. Узакътан моавлыларнынъ козюне шу сув къан киби къырмызы олып корюнди. 23Олар:

– Бу къан! Мытлакъа, падишалар бири-биринен дженклешип, бир-бирлерини ёкъ эттилер! Эй, моавлылар! Барып оларнынъ къалгъан шейлерини алынъыз! – деди.

24Олар исраиллилернинъ ордусына якъынлашкъанынен, исраиллилер турып, моавлыларгъа уджюм эттилер. Моавлылар къачып башлады, исраиллилер исе пешинден тюшип, моавлыларны къырмагъа девам эттилер. 25#Еш 16.7Аскерлер шеэрлерни темелинден йыкътылар, эр бир яхшы тарлагъа бирер таш атып, оларны ташкъа толдурдылар, эр бир сув чокъракъны къапаттылар, эр яхшы терекни кестилер. Тек Кир-Харесет шеэрининъ ташлы диварлары токъунылмайып къалды. Лякин сонъра таш аткъан аскерлер шеэрни сарып, онъа да уджюм эттилер.

26Моав падишасы дженкте енъиледжегини корип, озюнен берабер 700 къылычнен дженклешкен аскер алды ве Эдом падишасына якъынлашып уджюм этмеге истеди, амма якъынлашып оламады. 27#Микъа 6.7Сонъра озюнден сонъ падиша оладжакъ биринджи огълуны алып, оны диварнынъ устюнде къурбан чалып бутюнлей якъты. Бойле шей исраиллилерге къаршы пек буюк гъазап къозгъады. Олар артына чекилип, озь топрагъына къайттылар.

Currently Selected:

4 Падишалар 3: CTB

Highlight

Copy

Compare