2 Тарих вакъиалары 5

1Бойлеликнен, Сулейман РАББИнинъ Эви ичюн япкъан бутюн ишлери битти. Сонъ Сулейман, бабасы Давутнынъ азизликлерини: кумюш, алтын ве эписи шейлерни кетирип, оларны РАББИнинъ Эви хазинесине берди.

Васиет Сандыгъыны Сарайгъа кетирелер

2 # 2 Пад 6.12 Бундан сонъра, Сулейман падиша Исраиль акъсакъалларыны, къабилелернинъ эписи башлыкъларыны ве Исраиль огъулларынынъ сой ёлбашчыларыны, РАББИнинъ Васиет Сандыгъыны Давут Шеэринден, яни Сиондан, алып кетмек ичюн, Ерусалимге чагъыртты. 3Эписи исраиллилер йылнынъ единджи айында, байрам вакътында, Сулейман падишагъа топлашып кельдилер.

4Исраильнинъ эписи акъсакъаллары кельди. Левийлилер Сандыкъны котердилер 5ве РАББИнинъ Сандыгъыны, Корюшюв Чадырыны ве Чадырда олгъан эписи азиз шейлерни алып кеттилер. Левий къабилесинден олгъан руханийлер оларны алып кеттилер. 6Сулейман падиша ве онынъ огюнде ве Сандыкънынъ огюнде топлашкъан бутюн Исраиль джемааты къой-эчки ве туварларны къурбан чала эдилер. Олар пек чокъ олгъаны ичюн, сайысы-эсабы олмады. 7Руханийлер РАББИнинъ Васиет Сандыгъыны озь ерине, Сарайнынъ Энъ Азиз Одасына, Энъ Мукъаддес Ерине, Керувларнынъ къанатлары тюбюне къойдылар. 8#Чыкъ 25.13-15, 22; 26.33-34; 2 Тар 3.10-13Керувлар Сандыкъ ерининъ устюнден къанатларыны керип, къанатларынен Сандыкъны ве ташыгъан таякъларны къапата эдилер. 9Таякълар огге ойле чекильген эдилер ки, Сандыкъ таякъларынынъ уджлары Энъ Азиз Оданынъ огюнде корюнелер, амма тышкъа чыкъмай эдилер. Олар аля бугунь андалар. 10#Чыкъ 16.33-34; 25.21; 40.20; Текр 10.5; Сай 17.10Сандыкънынъ ичинде эки дане левадан гъайры бир шей ёкъ эди. Исраиль огъуллары Мысырдан чыкъкъан сонъ, РАББИ оларгъа Хорев дагъында васиет бергенинен, Муса оларны анда къойгъан эди.

Раббининъ Шурети

11 # 1 Тар 24.1-9 Сонъ руханийлер Мукъаддес Ерден чыкътылар. Анда олгъан эписи руханийлер, болюклерине бакъмадан, эляллангъан эдилер. 12#1 Тар 6.33, 39; 15.16; 25.1; Збр 150.3-5Левийли йырджыларынынъ да эписи: Асаф, Хеман, Едутун, оларнынъ огъуллары ве къардашлары, индже кетенден япылгъан урбалар кийип, зиллер, арфа ве сантырларнен къурбан ерининъ шаркъ тарафында тура эдилер, оларнынъ янында 120 руханий боразан чала эди. 13#1 Тар 16.34, 42; Узеир 3.11; Збр 105.1Йырджылар да, боразан чалгъанлар да бирдай олып, бир сеснен РАББИни макътай ве Онъа шукюр эте эдилер. Боразанларнынъ, зиллернинъ ве чалгъы алетлерининъ сеси янъгъырады, ве оларнынъ эписи: «РАББИ хайырлыдыр, ве Онынъ буюк севгиси эбедийдир!» – деп РАББИни макътадылар. Сонъ булут бутюн Эвни, РАББИнинъ Сарайыны толдурды. 14#Чыкъ 40.34-35Алланынъ Эвини РАББИнинъ Шурети толдургъаны ичюн, руханийлер озь ибадетлерини девам этип оламадылар.

Currently Selected:

2 Тарих вакъиалары 5: CTB

Highlight

Copy

Compare