2 Тарих вакъиалары 19

Еху Ехошафатны опькелей

1Ехуда падишасы Ехошафат Ерусалимге эвине эсен-аман къайтып кельди. 2#3 Пад 16.1; 2 Тар 20.34Онынъ къаршысына гизли шейлерни бильген Еху, Хананийнинъ огълу чыкъты ве Ехошафат падишагъа:

– Санъа, ярамай адамгъа, ярдым этмек керекми? Не ичюн сен РАББИ севмеген кишилерни севесинъ? Шунынъ ичюн РАББИнинъ гъазабы санъа тюше, – деди. 3#2 Тар 12.12– Лякин япкъан яхшылыкъларынъ да бар, чюнки сен топракътан Ашера путуна табынма диреклерини ёкъ эттинъ ве джан-юректен РАББИни къыдырдынъ.

Керчек ибадетнинъ гъайрыдан тикленюви

4Ехошафат Ерусалимде яшай эди. О, кене Беэр-Шевадан башлап Эфраим дагълыгъына къадар яшагъан халкъыны долашты ве оларны бабаларынынъ Алласы РАББИге догърултты. 5#Текр 16.18О, мемлекетнинъ эр бир шеэринде, Ехуданынъ пекитильген шеэрлерининъ эписинде къадыларны къойды. 6#Рим 13.4Къадыларгъа бойле деди:

– Япкъан ишинъизни бакъып япынъыз. Сизлер инсан судуны дегиль, РАББИнинъ судуны япасынъыз. Сиз суд эткенде, О, сизлернен оладжакъ. 7#Текр 1.17Шунынъ ичюн РАББИден къоркъунъыз, сиз япкъан ишинъизде дикъкъат этинъиз. Алламыз РАББИде адалетсизлик, экиюзьлюлик ве къапар алмакъ деген шей ёкъ.

8 # Збр 121.5 Сонъ Ехошафат Ерусалимде базы левийлилерни, руханийлерни ве Исраиль сойларынынъ башлыкъларыны, РАББИнинъ судуны япмакъ ве Ерусалим сакинлерининъ даваларыны чезмек ичюн, къойды. 9#2 Пад 23.3Ехошафат оларгъа бойле буюрды:

– Ишинъизни япкъанда, РАББИден къоркъунъыз, ишанчлы ве темиз юрекли олунъыз. 10#Текр 17.8-9; Ехез 3.17; 33.7Озь шеэрлеринде яшагъан агъа-къардашларынъыздан кельген эр бир давада – бир кимсенинъ ольдюрилюви олсун, къанун, эмирлер, низамнамелер я да къарарлар акъкъында давасы олсун – оларны огретинъиз. Сонъ олар РАББИнинъ огюнде къабаатлы олмайджакълар, Онынъ гъазабы да сизлерге ве агъа-къардашларынъызгъа тюшмейджек. Бойле япынъыз, ве о вакъыт сиз къабаатлы олмайджакъсынъыз.

11Амарья РАББИнинъ эр бир ишинде сизинъ баш руханийинъиз оладжакъ. Зевадья исе, Исмаилнинъ огълу ве Ехуда эвининъ башлыгъы, падишанынъ эр бир ишлеринде сизге башлыкъ оладжакъ. Левийли хызметчилер де сизинъ ярдымджыларынъыз оладжакъ. Джесюр олунъыз ве арекет этинъиз. РАББИ исе догъру япкъан адамнен берабер олсун!

Currently Selected:

2 Тарих вакъиалары 19: CTB

Highlight

Copy

Compare