2 Тарих вакъиалары 11
11
Шемая пейгъамбер Алланынъ эмирини анълата
1Реховоам Ерусалимге кельди, Ехуда ве Биньямин къабилелеринден 180 000 энъ яхшы аскерини топлады. О, Исраильнен дженк этмеге ве падишалыкъны озюне къайтармагъа истеди. 2#2 Тар 12.5, 15Лякин Алланынъ адамы Шемаягъа Алла бойле деди:
3– Ехуда падишасына Сулейман огълу Реховоамгъа, Ехуда ве Биньямин къабилелеринден эписи исраиллилерге бойле айт: 4«РАББИ бойле дей: “Барманъыз, агъа-къардашларынъызнен дженклешменъиз. Эр биринъиз эвине къайтсын. Бу шейлер Менден олды”».
Олар РАББИнинъ сёзлерини динъледилер ве Еровоамгъа къаршы дженкке чыкъмадылар.
Реховоам шеэрлерни къуветлештире
5 #
2 Тар 8.5
Реховоам Ерусалимде яшады. О, Ехуда шеэрлерини къуветлештирди. 6О, Вифлеем, Этам, Текъоа, 7Бет-Цур, Сокъо, Адуллам, 8Гъат, Мареша, Зиф, 9Адораим, Лакиш, Азекъа, 10Цора, Аялон ве Хеврон шеэрлерини къуветлештирди. Булар – Ехуда ве Биньямин къабилелеринде пекитильген шеэрлердир. 11Пекитильген шеэрлерни къуветлештирип, о, анда башлыкълар ерлештирди, эм де аш, ягъ ве шарап тутумларыны азырлап къойды. 12Булардан гъайры, Реховоам эр бир шеэрге буюк къалкъанлар ве мызракъларны берди ве бойле этип, оларны пек яхшы къуветлештирди. Ехуда ве Биньямин къабилелери онынъ къолунда эди.
Руханийлер ве левийлилер Исраильден Ехудагъа кетелер
13Бир кунь бутюн Исраильде олгъан руханий ве левийлилер эр еринден келип, Реховоамнынъ янында топлаштылар. 14#Сай 35.2-3Левийлилер озь отлакъларыны ве мулькюни къалдырды ве Ехудагъа Ерусалимге кельдилер, чюнки Еровоам ве онынъ огъуллары оларгъа РАББИнинъ руханийлери олмагъа ёл бермей эди, 15#Лев 17.7; 3 Пад 12.28, 31; 13.33ибадет тёпелеринде хызмет этмеге озь руханийлерини къойды. Олар о япкъан теке ве бугъа путларына да хызмет эттилер.
16Сонъ Исраильнинъ Алласы РАББИни къыдырмагъа джан-юректен истеген адамлар да Исраильнинъ эписи къабилелеринден левийлилернинъ артындан Ерусалимге кельдилер ве РАББИге, бабаларынынъ Алласына къурбанлар чалдылар. 17Олар Ехуда падишалыгъыны къуветлештирдилер ве учь йыл девамында Сулейман огълу Реховоамгъа къол туттылар, ве шу учь йыл девамында олар Давутнынъ ве Сулейманнынъ ёлларынен юрдилер.
Реховоамнынъ къорантасы
18 #
1 Пад 16.6; 17.13 Реховоам Давут огълу Еримотнынъ къызы Махалаткъа ве Йишай огълу Элиавнынъ къызы Авихаилге эвленди. 19О, онъа Еуш, Шемарья ве Захам огъулларыны догъды.
20Сонъ Реховоам Авишаломнынъ къызы Маакъагъа эвленди. О онъа Авия, Аттай, Зиза ве Шеломитни догъды. 21Реховоам Авишаломнынъ къызы Маакъаны башкъа апайларындан ве джариелеринден зияде севе эди. Онынъ 18 апайы ве 60 джариеси бар эди. Онынъ 28 огълу ве 60 къызы олды.
22 #
Текр 21.15-17
Реховоам Маакъанынъ огълу Авияны агъа-къардашларына башлыкъ этип къойды, чюнки оны падиша япаджакъ олды. 23Акъылнен иш тутып, о, эписи огъулларыны Ехуда ве Биньямин къабилелерининъ виляетлерине, къуветлештирильген шеэрлерге ёллады, оларгъа пек чокъ аш берди ве чокъ апайлар къыдырып тапты.
Currently Selected:
2 Тарих вакъиалары 11: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
