1 Тарих вакъиалары 26

Сарайнынъ къапуджылары

1Къапуджыларнынъ болюклери булардыр:

Къорахлылардан: Асаф союндан Къорэ огълу Мешелемья.

2 # 1 Тар 9.21 Мешелемьянынъ огъуллары: биринджиси Зекъарья, экинджиси Едиаэл, учюнджиси Зевадья, дёртюнджиси Ятниэл. 3Бешинджиси Элам, алтынджысы Ехоханан, единджиси Эльехоэнай.

4 # 1 Тар 15.18, 21, 24 Овед-Эдом огъуллары: биринджиси Шемая, экинджиси Ехозавад, учюнджиси Ёах, дёртюнджиси Сакъар, бешинджиси Нетанэл, 5#2 Пад 6.11; 1 Тар 13.14алтынджысы Аммиэл, единджиси Йиссакъар, секизинджиси Пеуллетай. Алла Овед-Эдомны багъышлагъан эди.

6Овед-Эдомнынъ огълу Шемаянынъ да огъуллары бар эди. Олар кучьлю адамлар олып, къоранта башлыкълары олдылар. 7Шемаянынъ огъуллары: Отний, Рефаэл, Овед ве Элзавад. Оларнынъ къардашлары Элиху ве Семакъяху да кучьлю адамлар эдилер. 8#1 Тар 16.38Булар эписи Овед-Эдомнынъ союндан эдилер. Олар, оларнынъ огъуллары ве къардашлары кучьлю ве беджерикли инсанлар эдилер. Овед-Эдомнынъ союндан 62 киши эди.

9Мешелемьянынъ огъул ве къардашлары да беджерикли адамлар эдилер. Джеми оларакъ 18 киши эди.

10Мерарий союндан Хосанынъ огъуллары: Шимрий, биринджи огълу олмаса да, башлыкъ эди, оны бабасы башлыкъ этип тайинледи. 11Экинджиси Хилкия, учюнджиси Тевалья, дёртюнджиси Зекъарья. Хосанынъ огъул ве къардашлары джеми оларакъ 13 киши эди.

12Буларнынъ эписи къапуджылар хызметинде булунгъан болюклернинъ башлыкълары эдилер. Олар РАББИнинъ Сарайында къардашлары киби хызмет эте эдилер.

13 # 1 Тар 25.8 Олар къоранталарына коре, буюги де, кучюги де эр бир къапу ичюн джереп чектилер.

14Джерепке коре, Шелемья шаркъ къапуны къаравулламакъ керек эди. Онынъ огълу Зекъарья, акъыллы бир меслеатчы, джереп чекип, шималий къапуны къаравулламакъ керек эди. 15#Нех 12.25Овед-Эдомгъа дженюп къапусы чыкъты, огъулларына исе, джерепке коре, анбарлар чыкъты.

16Шуппим ве Хосагъа гъарп къапусы ве Шаллекет къапусы чыкъты. Шу ерде ёл юкъарыгъа котерилип кете, ве къаравулларнынъ бир болюги экинджи болюкнинъ янында тура эди.

17Шаркъ къапусында алты левийли тура эди, шималь къапусында эр кунь – дёрт, дженюп къапусында эр кунь – дёрт, анбарларда исе – экишер киши тура эди. 18Парбарнынъ#26.18 Парбар – насылдыр бинанынъ ады, бу бинаны Сулейман къургъан эди. 4 Пад 23.11 бакъ. гъарп тарафында, ёлда дёрт киши, Парбарда исе эки киши къаравуллай эди.

19Къорах ве Мерарий къоранталарындан олгъан къапуджылар болюклери булар эди.

Сарай хазинеси ичюн джевапкяр олгъан кишилер

20Оларнынъ къардашлары левийлилер исе Алланынъ Сарайындаки хазинелерни ве айырылып азиз этильген шейлерни къаравуллай эдилер.

21 # 1 Тар 23.7-8 Ладаннынъ эвлятлары, яни Ладаннынъ союндан олгъан гершонлылар, гершонлы Ладаннынъ къоранталары башлыкълары: Ехиэлий, 22Ехиэлийнинъ огъуллары: Зетам ве къардашы Ёэль. Олар РАББИ Сарайынынъ хазинеджилери эдилер.

23Амрамнынъ, Йицхарнынъ, Хевроннынъ, Уззиэлнинъ эвлятлары да хазинеджилер эдилер. 24#1 Тар 23.16Муса огълу Гершом огълу Шевуэл хазинеджилернинъ башы эди. 25#1 Тар 23.16Шевуэлнинъ догъмушы Элиэзернинъ Рехавья адлы огълу бар эди. Рехавьянынъ огълу Ешая, Ешаянынъ огълу Ёрам, Ёрамнынъ огълу Зикрий, Зикрийнинъ огълу Шеломот эди. 26#2 Пад 8.11Давут падиша, къоранталарнынъ башлыкълары, бинъбашылары, юзбашылары ве орду башлыкълары топлагъан эписи айырылып азиз этильген шейлерни Шеломот ве онынъ догъмушлары сакълай эдилер. 27Олар дженклерде алынгъан малларнынъ бир къысмыны РАББИнинъ Сарайыны тюзетмек ичюн багъышладылар. 28Бундан гъайры, Шеломот ве онынъ догъмушлары Смаил пейгъамбер, Киш огълу Шаул, Нер огълу Авнер, Церуя огълу Ёав айырып азиз этильген шейлерни сакълай эдилер.

Падишанынъ хызметкярлары

29 # Нех 11.16 Йицхарнынъ союндан – огълу Кенанья ве огъуллары Сарайдан тыш олгъан ишлерни бакъмакъ ичюн къоюлгъан эдилер. Олар Исраильнинъ реберлери ве къадылары эдилер.

30 # 1 Тар 27.17 Хеврон союндан – Хашавья ве къардашлары, 1 700 джесюр аскер, РАББИнинъ хызметинде ве падишанынъ хызметинде Иорданнынъ о бир ялысында, гъарп тарафта Исраильни козете эдилер. 31#Ехо 21.39; 1 Тар 6.81; 24.23Къоранталарнынъ джедвелине коре, Хеврон союнда Ерия хевронлыларнынъ башлыгъы эди. Давут падишалыгъынынъ къыркъынджы йылында оларны сайгъан эдилер, ве Гиладдаки Язерде оларнынъ арасындан джесюр аскерлер тапылды. 32Ериянынъ къоранта башлыкълары олгъан 2 700 беджерикли догъмушы бар эди. Давут падиша оларны РАББИнинъ эр бир хызмети ве падишанынъ эр бир хызметини беджермек ичюн, Рубен къабилеси, Гъад къабилеси ве Менашше къабилесининъ ярысына ребер этип къойгъан эди.

Currently Selected:

1 Тарих вакъиалары 26: CTB

Highlight

Copy

Compare