1 Тарих вакъиалары 16

1 # 1 Тар 15.1 Алланынъ Сандыгъыны кетирдилер ве оны Давут азырлагъан чадырнынъ ортасына къойдылар. Сонъра Алла ичюн къурбанлар чалып, оларны бутюнлей якътылар ве аманлыкъ къурбанлары кетирдилер.

2Давут бутюнлей якъыладжакъ къурбанлар ве аманлыкъ къурбанларны чалып битирген сонъ, халкъкъа РАББИнинъ Адындан хайыр тиледи. 3Бутюн исраиллилерге, эм акъайына, эм апайына – эр бирине бирер отьмек, басылгъан хурма ве юзюм къурусы берди.

4 # 1 Тар 6.31 Сонъ Давут левийлилернинъ базыларыны РАББИнинъ Сандыгъы янында хызмет этмек, Исраильнинъ Алласы РАББИни алгъышламакъ, шукюрлер этмек ве Оны юксельтмек ичюн къойды. 5#1 Тар 6.39Асафны башлыкъ оларакъ, ондан сонъ Зекъарьяны, Еиэлни, Шемирамотны, Ехиэлни, Маттитьяны, Элиавны, Бенаяны, Овед-Эдомны ве Еиэлни арфа ве сантырларда чалмагъа, Асафны исе зиллерде чалмагъа, 6руханийлер олгъан Беная ве Яхазиэлни исе Алланынъ Васиет Сандыгъы огюнде даима боразан чалсынлар деп, къойды.

Давутнынъ шукюр йыры

7Шу куню Давут биринджи кере Асафкъа ве къардашларына РАББИге шукюр йырыны берди.

8 # Еш 12.4 РАББИге шукюр этинъиз, Онынъ Адыны чагъырынъыз,

халкълар арасында ишлерини бильдиринъиз!

9 # Йрм 21.2 Онъа йырланъыз, Онъа чалгъы чалынъыз,

бутюн аджайип япкъанлары акъкъында айтынъыз!

10Мукъаддес Адынен макътанынъыз,

РАББИни къыдыргъанларнынъ юреги къувансын!

11 # Збр 23.6; 26.8 РАББИни ве Онынъ къудретини къыдырынъыз,

Онынъ юзюни эр вакъыт аранъыз!

12 # Збр 76.12-13 Онынъ яраткъан аджайип шейлерини ве аляметлерини,

агъзындан чыкъкъан къарарларыны хатырланъыз!

13Эй, Онынъ къулу Исраильнинъ сою,

Озю сайлагъан Якъупнынъ огъуллары!

14 # Еш 26.9 О – Алламыз олгъан РАББИдир,

бутюн ер юзюнде Онынъ падишалыгъы кече.

15 # Текр 7.9 О, берген васиетни эбедий акъылда тутунъыз,

О, берген сёзюни бинъ несиллер девамында унутманъыз.

16 # Баш 17.2; 26.3 О, Озь сёзюни Ибраимге

ве Озь антыны Исхакъкъа берген эди.

17Буны Якъупкъа низамнаме деп къойды,

Исраильге эбедий васиет деп берди.

18 # Баш 35.11-12 «Ханаан ерини санъа береджегим,

о, сенинъ топракъ мирасынъ олур», – деди.

19 # Текр 7.7; 26.5 О вакъытта оларнынъ сайысы пек аз,

о ерде олар кельмешеклер эди.

20Бир халкътан башкъа халкъкъа,

бир падишалыкътан башкъа девлетке кече эдилер.

21 # Баш 12.17; 20.3 Алла оларнынъ джаныны агъыртмагъа кимсеге ёл бермеди,

олар ичюн падишаларгъа сертликнен дей эди:

22 # Баш 20.7 «Меним сайлагъанларыма тийменъиз,

пейгъамберлериме яманлыкъ этменъиз!»

23Эй, бутюн дюнья, РАББИге йырлар йырланъыз,

Онынъ къуртарувыны кунь-куньден илян этинъиз!

24 # Збр 9.2 Шан-шуретини миллетлер арасында хабер этинъиз,

Онынъ аджайип япкъанларыны бутюн халкъларгъа бильдиринъиз!

25 # Чыкъ 18.11; 2 Пад 22.4; Збр 17.4; 144.3 Акъикъатен РАББИ улудыр!

О, чокъ макътавларгъа ляйыкъ!

Бутюн аллалардан зияде Ондан къоркъмакъ керек!

26 # Еш 44.24; Йрм 10.12 Халкъларнынъ бутюн аллалары – бош путлардыр,

РАББИ исе коклерни яратты!

27О, шан ве шурет ичинде,

мукъаддес мескенинде – кучь ве къуванч!

28 # Збр 28.1 Эй, халкъ къабилелери, РАББИни алгъышланъыз,

РАББИнинъ шурети ве къудретини алгъышланъыз!

29РАББИнинъ Адына ярашкъан шуретини беринъиз,

бахшышлар кетирип, Онынъ огюне келинъиз!

Мукъаддес шуретинде олгъан РАББИге ибадет этинъиз!

30Бутюн ер юзю, Онынъ алдында титре!

Дюнья къатты тура, о, къыбырдамаз асла!

31 # Збр 92.1; Еш 44.23; 49.13 Коклер севинсин, ер юзю къувансын,

халкълар арасында илян этсинлер:

«РАББИ – падишадыр!»

32 # Збр 97.7 Денъиз ве ичиндекилер янъгъырасын,

тарлалар ве олардаки барлыкъ тантана этсин!

33 # Збр 9.9 РАББИнинъ огюнде ормандаки бутюн тереклер къуванчнен къычырсынлар,

чюнки РАББИ ер юзюни суд этмеге келе.

34 # 2 Тар 5.13; 20.21; Узеир 3.11; Збр 105.1 РАББИге шукюр этинъиз,

чюнки О, хайырлыдыр,

Онынъ севгиси эбедийдир!

35Шойле айтынъыз: «Эй, Алла, бизим Къуртарыджымыз! Къуртар бизни!

Халкълар арасындан бизни топлап ал,

башкъа халкълардан къорчала!

Сенинъ мукъаддес Адынъны шуретлейик,

Сенинъ шуретли ишлеринънен макътанайыкъ!»

36 # Збр 40.14 РАББИге, Исраильнинъ Алласына

эбедиен, бутюн асырларда бинъ шукюрлер олсун!

Сонъ бутюн халкъ: «Амин! РАББИге макътав олсун!» – деди.

Ерусалимдеки ве Гивондаки олып кечкен Аллагъа ибадет

37 # 1 Тар 16.5 Давут РАББИнинъ Васиет Сандыгъы огюнде, эр вакъыт Сандыкънынъ янында хызмет этсинлер деп, Асафны ве онынъ къардашларыны къалдырды. 38Оларнен берабер Овед-Эдомны ве 68 агъа-къардашларыны къалдырды. Къапуджылар оларакъ исе Едутуннынъ огълу Овед-Эдомны ве Хосаны къойды. 39#1 Тар 15.11; 3 Пад 3.4Руханий Цадокъны ве руханий олгъан къардашларыны РАББИнинъ Мескени огюнде, Гивондаки ибадет тёпесинде къалдырды. 40#Чыкъ 29.38Олар бутюнлей якъыладжакъ къурбанларны къурбан еринде якъмакъ, даима, саба-акъшам оларны РАББИге кетирмек ве РАББИ Исраильге буюргъан ве Къанунда язылгъан эр бир шейлерни япмакъ керек эди. 41#1 Тар 6.33РАББИни, Онынъ севгиси даимий олгъаны ичюн, шерефлесинлер деп, Давут анда Хеманны, Едутунны ве башкъа ады-адынен сайлангъанларны да къалдырды.

42 # 1 Тар 25.1; Збр 38.1 Хеман ве Едутун оларнен берабер эди. Олар, РАББИни шуретлемек ичюн керек олгъан боразан, зиллер ве башкъа чалгъы алетлерине джевапкяр эдилер. Едутуннынъ огъуллары исе къапуджылар эдилер.

43Сонъра бутюн халкъ эв-эвине къайтып кетти. Давут да эписи эвдекилерине эйилик тилемек ичюн эвине къайтты.

Currently Selected:

1 Тарих вакъиалары 16: CTB

Highlight

Copy

Compare