1 Тарих вакъиалары 10

Шаул падишанынъ олюми

1 # 1 Пад 28.4 Фелестинлилер исраиллилернен дженк эттилер, ве Исраиль аскерлери фелестинлилерден къачып, исраиллилернинъ чокъусы Гилбоа дагъында ольдюрильди. 2#1 Пад 14.49; 1 Тар 8.33; 9.39Фелестинлилер Шаулнынъ ве онынъ огъулларынынъ артындан къувып еттилер ве Шаулнынъ огъуллары Ёнатанны, Авинадавны ве Малкий-Шуаны ольдюрдилер. 3Шаулгъа къаршы олгъан дженк пек дешетли олды. Фелестин окъчулары оны тапып, окълар аттылар ве пек агъыр яраладылар.

4 # Къад 9.54; 2 Пад 1.10 Шаул озь силя ташыйыджысына:

– Къылычынъны къындан чыкъар да, мени ольдюр, анавы сюннетсизлер келип, мени хорламасынлар, – деди. Лякин силя ташыйыджысы оны ольдюрмеге истемеди, чюнки пек къоркъты. О заман Шаул къылычны алып, онынъ устюне атылды. 5Силя ташыйыджысы Шаулнынъ ольгенини корип, озю де къылычына атылып ольди. 6Бойлеликнен, шу куню Шаул да, онынъ учь огълу да, онынъ бутюн адамлары да берабер ольдилер. 7Вадийде олгъан исраиллилернинъ эписи, Исраиль адамларынынъ къачкъаныны ве Шаул ве онынъ огъулларынынъ ольгенини корип, озь шеэрлерини къалдырып къачтылар, фелестинлилер исе анда келип ерлештилер.

8Экинджи куню фелестинлилер ольгенлерни союндырып, устьлериндеки шейлерни таламагъа кельгенде, Гилбоа дагъында эляк олгъан Шаул ве онынъ учь огълуны таптылар. 9#2 Пад 1.20Олар онынъ урбаларыны чыкъардылар, башыны кесип, силясыны чекип алдылар ве бутюн Фелестин топрагъына, путханелерине ве халкъына бу хаберни еткизмеге хаберджи йибердилер. 10#Къад 16.23; 1 Пад 5.2Онынъ силясыны аллаларнынъ путханесине къойдылар, башыны исе Дагон путханесинде къойдылар.

11 # 1 Пад 11.1-11; 2 Пад 21.10 Явеш-Гилад шеэрининъ сакинлери, фелестинлилер Шаулнен насыл шей япкъаны акъкъында эшиттилер. 12#2 Пад 21.12Бутюн кучьлю акъайлар кетип, Шаулнынъ ве огъулларынынъ джесетлерини алып, Явеш шеэрине кетирдилер. Кемиклерини алып, Явештеки буюк терек тюбюнде дефн эттилер ве еди кунь девамында аштан вазгечтилер. 13#1 Пад 13.13; 15.23; 28.7Бойлеликнен, Шаул ольди, чюнки о, РАББИге озь садыкълыгъыны сакъламады. О, РАББИнинъ сёзлерини динълемеди ве рухларнен лакъырды эткен апайгъа суаль берди, 14РАББИден исе сорамады. Шунынъ ичюн де РАББИ оны ольдюрди, онынъ падишалыгъыны исе Йишайнынъ огълу Давуткъа берди.

Currently Selected:

1 Тарих вакъиалары 10: CTB

Highlight

Copy

Compare