JOHN 2
2
Canali Ngalā Shakkazā
1 #
Joh 4.46; 21.2. Kakathumathang Galileeli khalei keinung Canali ngalā shakazā akha leisai, kala Jishuwui ava̱la chili leisai. 2Ngala shakazā chili Jishulila, awui sākhangatha̱binglila hoi. 3#Joh 19.26; Mk 3.31. Drakhāra̱ yaongakān kahai eina ava̱va̱na Jishuli hānga, “Ashi drakhāra̱ maleithura.” 4#Mk 1.24; 5.7; Joh 7.6,30; 8.20. Chieina Jishuna hānga, “Ina khi sangayikhala kaji nana mahangphalungki kajina, iwui atam marāranga.” 5Chieina ava̱va̱na raobing chili hānga, “Ana kahahāng chi sālu.” 6#Mk 7.3; Joh 3.25. Apam chili Jihudiwui khangachā athishurda pheokhamatharli shichin khavai tara̱ liter shāshā kazanga ngankhā tharuk haisai. 7Jishuna raobing chili hānga. “Hambing hi tara̱ chipemhaolu.” Athumna ham chiwui akhamong kāshungda chipemserhaowa, 8kala Jishuna hānglui, “Ara sokkhuida zātkhān kashina chili khuivāmilu.” Chieina athumna ali khuivāmi. 9Zātkhān kashina china mazapkhayang eina drakhāra̱ onhairasai. Drakhāra̱ hi kachiwui eina kharākhala da ana matheimana (kha tara̱ sokkakhuiana chi thei). Chieina mākhām kahaia chili hokhuida hānga, 10“Mi kachiva̱na mangkaphā rida khami khangachāna, kala mibingna penlak eina mangkahaiwui thili mamangphākhamei khamina. Kha nashe aruila mangkaphā haifada lei.” 11#Joh 2.23; 3.2; 4.54; 6.2. Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.
12 #
Mat 4.13; Joh 7.3; Mk 3.31. Chiwui thili Jishu kala ashava̱, achinā ngarā kala awui sākhangatha̱bingna Capernaumli vai kala chili khani kathumthang apamsanga.
Jishuna khorumshim Sakhamathā
(Mat 21.12-13; Mk 11.15-17; Lk 19.45-46)
13 #
Joh 6.4; 11.55; Khal 16.1-6; Lk 2.41. Jihudiwui Makānkhami Phanit chi nganaihaoda Jishuna Jerusalemli vai. 14#Mat 21.12-13; Mk 11.15-17; Lk 19.45-46. Khorumshimlungli sei, yao, kha̱na̱ yorkasā kala lupā kakaibingna leih sākasā thei. 15Chieina ana khara̱wui lijei sākhuilaga yao kala sei saikora khorumshimwui eina kashamshokmihaowa, kala lupā kakaibingwui tablela phalatmida lupākha̱bing chi heitha̱miserhaowa. 16#Lk 2.49. Kala kha̱na̱ khayorbing chili ana kasoi, “Ot saikora hi hiwui eina khuishokhaolu! iwui Avāwui shim hi leihngapha̱ masā ngasakpaimana.” 17#Laa 60.9. Awui sākhangatha̱bingna kathara lairikli hāngkahai, “Nawui shimwui vang iwui ningkatong hi mei thada chuida lei” kaji phaningunga. 18#Mk 11.28; Mat 21.23; Lk 20.2. Jihudiwui kathānabingna hānga, “Nana hi kasāwui mashun leiya da chithei khavai khi machut leikhala?” 19#Mk 14.58; Ots 6.14. Jishuna ngahānkai, “Khorumshim hi sākhaihaolu, laga ina kathumthangwui alungli sakāluira.” 20Chieina Jihudibingna hānga, “Khorumshim hi sakakāli zingkum hangmatida tharuk zanga, laga nana kathumthangwui alungli sākāra kajila?” 21#1 Cor 6.19; Joh 8.57. Kha Jishuna khorumshim da khamatui chiya awui phasāli kahāngna. 22#Joh 12.16; 14.26. Chieina ana kathiwui eina ringshoklui kahai tharan, hiwui pongli ana hāngkahai chi sākhangatha̱bingna phaningungda kathara tui kala Jishuna hāngkahai chili shitsanga.
Jishuna Mikumowui Khangachā Kathei
23Makānkhami phanitwui atamli Jishuna Jerusalemli leilakha, mi kachungkhana ana kasā matakhak kahai ot chi theilaga awui mingli shitsanghaowa; 24kha Jishuna athumli mashitsangmana, kaja athum saikorali ana theisera, 25#Joh 1.47; 6.61; 13.11; Mk 2.8. mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.
Currently Selected:
JOHN 2: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.