KHALATLUI 27
27
Varewui Ningkhami Lungphekli Kakapi
1Moses kala Israelwui khararnaobingna yaruili kasoda hānga, “Aja ina kagaso ningkhami hi mayonserlu. 2#Jos 8.30-32. Kala nathumna Jordan kānlaga Proho nathumwui Varena nathumli khami ngalei chili akārkasang tharan, lungkhor kahakhakva khorlaga nāpkhavai #27.2 cement eina nāplu; 3Proho nathumwui Vare, navā ngarāwui Proho Varena nathumli ngashit kahai thāda, nathumli mikahai seina̱ eina khuira̱ khalong ngalei chili nathumna vākazang tharan, ainwui tuibing chi chiwuitungli nathumna kapisangra. 4Kala aja ina kaso kahai athishurda nathumna Jordan kakān tharan, Eball Kaphungli lungkhor hi nathumna nāpkhavai eina nāpki kajina. 5#Sho 20.25. Kala nathumna apam chili Proho nathumwui Varewui vang ngalung eina hanphut akha sākhuira, nathumna chili mari ot eina masāpaimara. 6Nathumna mashānkakhui lunggui eina Proho nathumwui Varewui vang hanphut sākhuira, kala nathumna chili Proho nathumwui Vareli rikkatā kachigat sāra; 7kala nathumna ningyatchigatla pha̱phayāda chi shailaga Proho nathumwui Varewui mangāli ringphara. 8Kala nathumna lunggui chiwuitungli ainwui tui saikora hi tharlak eina kapisanghailu.”
9Kala Moses eina Levi pāngmonbingna Israelnaobing saikorali hānga, “Akhon mashokla nganālu, O Israel: nathum aja zimiksho Proho nathumwui Varewui mi ngasāhaira. 10Chiwui vang eina aja ina kagaso hi Proho nathumwui Varewui shiyan kala awui ningkhami mayonda awui kahāng nganālu.”
Kahāng Makhanganābingli Khonkashi
11Kala chithang ngalāngda Mosesna mibingli hāngchithei, 12#Khal 11.29; Jos 8.33-35. “Nathumna Jordan kong kānkakā tharan, Simeon, Levi, Judah, Issachar, Joseph kala Benjaminnaobing hina Gerizim Kaphungli mibingwui vang somi khavai nganingra. 13Kala Reuben, Gad, Asher, Zebulun, Dan kala Naphtali hibing hina khonshi khavai Eball Kaphungli nganingra. 14Kala Israel mibing katongali Levinaobingna panglāk eina vaora:
15 #
Sho 20.4,23; 34.17; Pāng 19.4; 26.1; Khal 4.16,23,25; 5.8; 7.25. “‘Yekkakhui meoma̱ranu, lah heikakhui meoma̱ranu Prohowui mangāli ningkakachai otna, them kathemawui pāng eina sākakhui ot kala ngathumda kahai mi chili khonkashi ngasāranu’ da kahāng eina, mi saikorana ‘Amen’ jira.
16 #
Sho 20.12; 21.15,17; Pāng 20.9; Khal 5.16; 21.18-21. “‘Ava̱ avāli ngakaikashe mi chili khonkashi ngasaranu’ da kahāng eina, mi saikorana, ‘Amen’ jira.
17 #
Khal 19.14. “‘Khongnainaowui shimthari, luithari kaphur mi chili khonkashi ngasaranu’ da khavao eina, mi saikorana ‘Amen’ jira.
18 #
Pāng 19.14. “‘Khangapeo mili shongfa thānkhangui mi chili khonkashi ngasāranu’ da kahāng eina, mi saikorana, ‘Amen’ jira.
19 #
Sho 22.21-24; 23.9; Pāng 19.33,34; Khal 24.17; 18. “‘Kha̱mili, marānaoli kala ra̱meinaowui mashun hāngmakheimi kahaipa chili khonkashi ngasāranu’ da kahāng eina, mi saikorana ‘Amen’ jira.
20 #
Pāng 18.8; 20.11; Khal 22.30. “‘Avāva̱wui preiva̱li ngasopida avāva̱li maishi khangasaka mi chili khonkashi ngasaranu’ da kahāng eina, mi saikorana ‘Amen’ jira.
21 #
Sho 22.19; Pāng 18.23; 20.15. “‘Shakeili ngasokape mi chili khonkashi ngasaranu’ da kahāng eina, mi saikorana ‘Amen’ jira.
22 #
Pāng 18.9; 20.17. “‘Avāva̱wui naoranu, ava̱va̱wui naoranu, azarva̱li ngasokape mi chili khonkashi ngasāranu’ da kahāng eina, mi saikorana ‘Amen’ jira.
23 #
Pāng 18.17; 20.14. “‘Aniva̱li ngasokape mi chili khonkashi ngasaranu’ da kahāng eina, mi saikorana ‘Amen’ jira.
24“‘Khongnainaoli ngathumda shaokathata mi chili khonkashi ngasaranu’ da kahāng eina, mi saikorana ‘Amen’ jira.
25“‘Khayon makhalei mili shaothat khavai pheizā kasā mi chili khonkashi ngasaranu’ da kahāng eina, mi saikorana ‘Amen’ jira.
26 #
Gal 3.10. “‘Ain hiwui athishurda, makasā mi chili khonkashi ngasaranu’ da kahāng eina, mi saikorana ‘Amen’ jira.
Currently Selected:
KHALATLUI 27: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
