JOHN Tlou Youthut
Tlou Youthut
John'yei mayekhou lhangaiyei paolaa arou kyunri, Jesuri klui naimak Dunpuei Tlouhak, “A heiri tlaipang thimiyei shakrung khoine yongpukbi kaihangra paalkhou. Lailik ane yunlei touri Pao lhangai aya mayethutpila, heirou paolhangai aya pamukur thimi rapne uklumrou touri Jesuri kantompikur Kalpipu, Dunpuei Chanapawa, heirou thimi rapne uklumnei ngamrou Airouwei klui naimak khring chaan pharou (20.31). Kngakei lhou toukhounei ngamroukhi lailik arou chungne yunlei. Asitoubikhi yunlei touri thimi rapne Jesu'ya uklumbi Aihilla chanthungnei ngamkhi, heirou thimi thaneri Jesu'ya karhourilnei ngamrakhi yunlei. Lailik aei bomrap 13-17'ra kyunri, Jesu'n Aiyei ruishik rapkou leimalnakhou. Aya manwurni masarou Ane yanungei shunmatukhou, heirou Aya manyarhatbongei rawainung Ane yaya ukning mandimaknungei thoulhakpinei tlou rapkhi yunkhoupi. Heitoubi luinarei bom rapra kyunri, Jesu'ya manbine Aya pichar tounei, Aya manyarhatnei heirou hiwurnarei ringthutnei, heitoubi Ane ringthutkur hillou Aiyei ruishik rapnung muyernei tlou rapkhi yunlei.
Bom 8.1-11 awari chorit naimak lhou tounei mankur napuiya khatdei ngamrou tlou heiya markoolbi mayekhoulei. Ngamri bongei mayekhou lailik deirari tloubom heiri mayelhakmakhi leilei, heitoubi thaneri bi karlhikni mayelhakhoukhi yaolei. John'yei kyunri, Christara klui naimak pithutkur chaan leilei, heitoubi heinaksi rongchan heiri Jesu'ne Dunpu'nung changna Chim lam heirou Rongchan toubi uklum thimi rapnungei klei. John'ne mayenara asitoubikhi yunlei touri, Jesu'ya munanungei kane tlainiserrei yrengchabi klei tlaipangpallei murchak rapya marhilnabi touri, tuysir, mumtol, heirou kwaar, yaosilpu heirou aiyei yaorap, heitoubi yekulrei darkha heiyam heirou aiyei heirapyakhi yrengbine yunmarhilnabi lhawaiyei lamya shunmandopilei.
Rillei Kyaorap:
Waiyouna 1.1-18.
Yui luppi John'le Jesuei lamkri Ruishikrap 1.19-51.
Jesuei khul'lhou 2.1-12.50.
Jerusalem'rale heiyei pongra touwurkhou luiwaiyei khul'lhou 13.1-19.42.
Jesuei katringthutnei heirou Aya muyernei 20.1-31.
Waishona: Galilee'ra hanuikhi Aya muyernei 21.1-25.
Currently Selected:
JOHN Tlou Youthut: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.