MOTHIQ 1
1
Jesuq Khristo Weraü Manphan
(Luk 3.23-38)
1Arka Jesuq Khristo weraü manphan. Apaiq ka Dawit lai. Dawit ka Abraham lai. 2Abraham se ka Isak; Isak se ka Jakob; Jakob setiim ka Juda nai anotiim riito; 3Kiimaq Juda se ka Perej nai Jera riito, kiimaq anyung mang ka Tamar, Kiimaq tsangnai se ka Jera. Perej se ka Hejron; Hejron se ka Ram; 4Kiimaq Ram se ka Amminadab; Amminadab se ka Nashon; Nashon se ka Salmon riito; 5Kiimaq Salmon se ka Bowaj (anyung ka Rahab); Bowaj se ka Obed (anyung ka Ruth); Kiimaq Obed se ka Jessi, 6kiimaq Jessi se ka Dawit hokham we kriishe.
Kiimaq Dawit se ka Solomon (anyung ka Uria tanyung arom wan); 7Kiimaq Solomon se ka Rehoboam; Rehoboam se ka Abija; Abija se ka Asa; 8Kiimaq Asa se ka Jehoshaphat; kiimaq Jehoshaphat se ka Joram; kiimaq Joram se ka Ujjia; 9Kiimaq Ujjia se ka Jotham; Kiimaq Jotham se ka Ahaj; Kiimaq Ahaj se ka Hejekia; 10Kiimaq Hejekia se ka Manase; kiimaq Manase se ka Amon; Kiimaq Amon se ka Josia; 11Kiimaq Josia se ka Jehoiachin nai anotiim; tsangshiq ka Bebilon mung na munglu shumwi tsuq wantaq pat wa.
12Kiimaq Bebilon mung na munglu shumwi wawantaq kra pat wa jai miishe atitiim thun mang ka arthun arshe: Jehoiachin se ka Shealtiel; kiimaq Shealtiel se ka Jerubabel; 13Kiimaq Jerubabel se ka Abiud; kiimaq Abiud se ka Eliakim; kiimaq Eliakim se ka Ajor; 14Kiimaq Ajor se ka Jadok; kiimaq Jadok se ka Achim; kiimaq Achim se ka Eliud; 15Kiimaq Eliud se ka Eleajar; kiimaq Eleajar se ka Matthan; kiimaq Matthan se ka Jakob; 16Kiimaq Jakob se ka Joseph, Meriq lamti we kriishe. Meriq ka Khristo ngutlaq Jesuq ma anyung.
17Krai mren, Abraham pat maq pha raüta Dawit pat na saüli maiqpat ka pat roqshi ri patblai. Kiimaq Dawit pat maq pha raüta Bebilon mung na munglu shumwi sitaq pat na saüli maiqpat ka patroqshi ri patblai. Kiimaq Bebilon na munglu shumwi siwataq pat maq pha raüta Messia rawüchhi akhing na saüli maiqpat ka pat roqshi ri patblai riito.
Jesuq Khristo Rawüchhi
(Luk 2.1-7)
18Jesuq Khristo rawüchhi ka akha. Jesuq ma anyung Meriq ka junriise. Kiimaq apaiq ka Joseph raq awai wishe. Shatmaq tsangnai ka mirlam shaq liipan niili, Meriq raq akhum na Asii Wenyi lümaq wiihan she nguta sapto. 19Joseph ka phanrap na mitting maiqse. Kiimaq apaiq raq Meriq ma nokwe man na jea tiingaü ka romak. Kriikha maq apaiq raq Meriq ka ahukse miili miimbaiq la nguta tiimato. 20Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se. 21Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”
22Riita arthun hongtha wantaq arka Tati Shiikeawe raq apaiq sham- mibi lümaq tiichong kuq wantaq bomtsi thun kra tiikupi wan miitu she hongtha wanto. 23Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”
24Riita, rase raq apaiq ma chongkuqtaq krai mren she, Joseph ka akon maq tiido raüta Meriq ka lamto. 25Shatmaq, no ka mido shaq wiiwii, Joseph ka tsang-nyung rai adam na hainga mak. Kiimaq Joseph ka raq no ka Jesuq nguta mangto.
Currently Selected:
MOTHIQ 1: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.