MATTHEW 1
1
Jesu Puhrui Pahrui
(Lk 3.23–38)
1Abraham sōn David, David sōn Jesu Christa, khang hrui rahminghei kha hi kae.
2-6aAbraham a inphut reng David, katlunga sōn leh pârhei kha hihei hi kae: Abraham, Isaac, Jacob, Judah leh asōpuihei kae; abâna Parez leh Zerah (annu Tamar), Hezron Ram, Amminadab, Nahshon, Salmon, Boaz (anu chu Rahab), Obed (anu Ruth), Jesse, khanna David kae.
6b-11David a inphut Israel he’n Babylona rehringa anṭhōina hei katlung pu leh pahei kha hihei hi kae: David, Solomon, (anu kha Uriah nuhmei leikae.) Rehoboam, Abijah, Asa, Jehoshaphat, Jehoram, Uzziah, Jotham, Ahaz, Hezekiah, Manasseh, Amon, Josiah, Jehoiachin leh asōpuihei kae.#2 Rn 24.14-15; 2 Th 36.10; Jer 27.20
12-16Babylon ram a rehringa anṭhōisōt sōna heia inphut Jesu intet katlunga sōn leh pârhei kha hihei hi kae: Jehoiachin, Shealtiel, Zerubbabel, Abiud, Eliakim, Azor, Zadok, Achim, Eliud, Eleazar, Matthan, Jacob, leh Messiah intipa Jesu anu Mary ka-ompuipa Joshep kha kae.
17Khang’khan Abraham a inphut David katlung khang 14, David a inphut Babylon ram a rehringa anṭhōisōtna hei katlung khang 14, Babylon ram a rehringa anṭhōisōtna heia inphut Messiah inte katlung khang 14 ka-om hei.
Jesu Christa Intet
(Lk 2.1–7)
18Jesu Christa intet kha hing’hin leikachang. Anu Mary kha Joseph leh sanghram kachang sik a inhnōmtōna leika-om; tâk an-om inchun mak hma Rathla Inthenga inphut nai anei sik jo ti inhmu jo.#Lk 1.27 19Apuise Joseph kha malung innem mikaṭha inkhat achang jâra, inzakna pek sik madu mak a marûk a kadai hngera masō sik a amandon jo. 20Khanga amandonlai Rōngpu ngeva kha arahmanga ahnenga hong inlâra, “David sōn Joseph, nalômnu Mary na-inna na’nṭhōi sik ṭimak roh. Ajârchu amanu naivon hi Rathla Inthenga inphut kae. 21Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.#Lk 1.31
22Rōngpu’n sânkathemhei aleimanhri hei kha hui atlungna sik hihei rakip hi tûn ahong kasōk jo kae, 23“Nuhngâk Intheng inkhat in nai avona sapa inkhat anei sik, khana anmani’n arahming Emmanuel antati sik kae!” (“Pathen in a-ompui me” tina kae.)#Is 7.14
24Khava jâra Joseph kha ahongthōisōt pha, Rōngpu ngeva mantheina kapōa ama’n Mary kha a-ompui jo; 25Tâk amanu’n asapa kha aneimak hma seng ama’n rakhum le’nchun puimak. Khana Joseph in arahming Jesu tia aphō jo.#Lk 2.21
Currently Selected:
MATTHEW 1: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.