ROMIYA 5
5
Chungthieng Akha Chu Adiek
1Khrista Jisu mayarra akha chu ani na ngoiring jarra atun anina Chungthieng hitta adai ah am ha pha ae hana anita amona athieng mee changpi so ae. 2Ngoiring jarra amona anita ruija wa so Chungthieng phomlu ah chuna atun anina ringa am hi hajong phomlu pha rang sarukka atun ariemma lungrang ae ngei ae. 3Anina aol ana pha juija lung lokkai oh, maram chu aol ana hina adong thei shukke ti hi an na dange. 4Dongthei hana Chungthieng na angei ha pha ae. mangei pi hana anina lung donna am nea ae. 5Najongpa lungrang hina ani lung lea pi no ae maram chu. Chungthieng na ani lungsunga malung shit ha bun pi ae amant shalla anita mapek athieng muihla jarra.
6Maram chu anita san nang mee atu am no lei apha makka Reng Khrista na hrano ngei tarang Chungthieng ahal apha ah thi pi ae. 7Dramochel mee akha taranga atu jong akha na thi pi ti hi alu akha ae hana ahra mee taranga thi pi ti hi kom leima ati ange. 8Chuti weta Chungthieng na malungshit anita ri pi ah ani na jaishi ah am lei apha ah Jisu Khrista na ani taranga thipi so ae. 9Khrista na thoi hekta mathit hana jarra atun ani na Chungthieng na lungshat hai thou wa anita amona san pi so; 10Ani hi Chungthieng ta jiekna mee ae Chuti weta amona anita matonpi changpi so masanao pa thit jarra. 11Chuna chak no ae Chungthieng na Khrista Jisu mayarra anita ariem rang ma ae hi ani ta woiha pa lea ah atonpi changpi sier ae.
Adam Lea Khrista
12Pak athou na chu mee akha kolla aleichung ah phao ae chuna mapak hana athi choija phao so. Hana sarukka malmashi lim kolla athi hi tunge maram chu meelim pak ae so weh. 13Rouphung hi simleichunga pek matienga pak amphur so ae; Chuna rouphun ha am no wa pak amel dang no ae. 14Chuna Adam apha hai thou wa Moses apha phao wa malmashi lim chunga athi na nea ja am meh, Adam na Chungthieng trongsan pek juino hekta pak ae no hal kom meelim na pak am so weh.
Hana Adam chu phao ang am akha hana mamel sa ae. 15Chuti weta ani ha chu akharuk no ae rou ram chu Chungthieng na amant salla pek ha chu Adam hekta pak chel no ae. Nahi routakkae malmashi lei na thi ae maram chu mee akha na pak ka, Chuti weta Chungthieng na lungshi thei hana hella loktekkae meelim ta amant shalla mapekha mee akha hana lungshit jarra ae ha chu Jisu Khrista ae. 16Arimsalla pek hi mee akha na pakka ae hita mana no ae, maram chu pak hana nutienga chu routreem am mange. “Pak sarukka” Chuna amant salla pek kuthul hana jarra pak chel eja na thieng pha nea ae. 17Nahi routakkae mee akha hana pak sha rukka athi hina mee ngei ta nea chunga palso ae. Chuti weta Jisu Khrista mathei chakna lu tullu hi eja hella loktek mo ae atujong akha Chungthieng hina lungshithei amant sum mapek dramochel hana awat am no wa ringchanga am mange Jisu Khrista hana jarra.
18Chuna mee akha na pakka malmashi limpa na aol pha chu hekta mee akha hana ahra dramo na malmashi limpa ta ringchang pe pi ah hla pi so ae amant salla. 19Malmashi akha na aril juino sarukka meelim pa na pakka am chu hekta mee akha na aril jui hana jarra manita Chungthieng am na tungpi ange. 20Rouphun hana tungsarukka pak lella ae na nei ae, Chuti weta pak na tam ma hang juija Chungthieng lungshithei kom hata hella tam tekka hange. 21Chuna pak na palla athi ha pha ae hahekta Chungthieng lungshi theina palla dramo chellea akha chu arengpu Jisu Khrista hana jarra anita samla ringchang pha rang pi ae.
Currently Selected:
ROMIYA 5: CHOTBSI
Highlight
Copy
Compare
Share
Want to have your highlights saved across all your devices? Sign up or sign in
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
