LOBMUNG 39
39
1Ang hai hwnwi sa kha, “Ani bwslai bai sumsok khlai ya tẃi
khe ang hus khe ani lama-o himnai;
ani bwskango borok hamyarok tong sak ang ani búkhúk muthubwi tonnai.”
2Ang kók sa yaui siring siring khe tong kha;
kók kahamno suda sa li ya;
hakhe ani bwkha subuksama bángwi phai kha,
3ani bwkha bisingo tungphla kha.
uansuk te uansuk te khá-o hór khamcha kha;
hakhe ang bwslai bai kók sa kha.
4“Subraiyung, ano ani páithakno si rw di,
tei ani sal bwswk lok saui man rw di;
ani salrok bwswk khe doui thángwi tong ano si rw di.
5“Nwng ani salrokno muk sa bara rw kha,
ani thangsungni umor le nini thani mungsa buya.
Bororok kwthang tongma le rangma na saui tongma simi se. Sela
6Kubui’-no bororok le sampili hai se kutulwi thángo.
Kwrwi kwrwini se bo chiri-mokorok wngo;
bórok rochong rwui rúng lai-o,
tamo khe sabo ma cháno si ya.
7“Subraiyung, tabuk ang tamono naisingwi tongnai?
Nwng’-no ani khatungma.
8Ani bebak samung hamyani ano phiyók ja di.
Ano butuarokni mwnwimung ta khlai ja di.
9Ang siringcha wng kha;
ang ani búkhúk phiyok li ya tamni hwn ba nwng se abo khlai-o.
10Ano swprakma thak si di;
nwng bai yamusung súkjagwi ang chemai kha.
11Nwng bororokno bórokni sumsokni bagwi khorai kha tei nwng
bini hamjakmano yóngsa hai khe butharwi pái kha;
Kubui’-no bebak bororok’-no hama na sa kaisa hai se.” Sela
12“O Subraiyung, ani surima khna ja di,
ani kapma khunju kai ja di;
ani muktwirok klaimano nuk ya hai khe ta tong ja di.
Tamoni hwn ba ang nini thani thángwi páinai
nograi hai angbo ani chuchusong hai phatarsa se.
13Ang yakarwi thángwi pái súk ya sak nwng ano ta naisik si di
hakhe ang haino hai mwnwi sru-sru wngwi man anw.”
Lobwi rwchapmani
Rwchapmung tẃithernaini bagwi: Daudni rwchapmung
Currently Selected:
LOBMUNG 39: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
