ROMEMIKO 11

Israel mela keva thela kemo

1I ketso kesüpü, Jihova püthümako khavame? Simozo, Kekrelamori I sheri Israelmipüzo, Abraham yemi, Benjamin shuye. 2Jihova mejü se keta bi pü thümako khava mozo, Jihova Israelmi metsu ketala pü uko sülü pü mezhe melo keti neko semome? 3Niepoo püneko nsaju kepoko dokhri tele, nreshüba kori jümüve; n alebi meha keyi zote: uko akerhüro phu tate. 4Vele Jihova kedithi püjü kelasüta? I minye thüna meshopü aza thimba, thüma süko nekütsü Baal marhe reshü kemoko. 5Sübide tsühi sheri ngokemezhelü thüma kropü mehakhi tazo. 6M mhace süosü ngo kemezhe lize mhathokola mozo, sizikemosa ngokemezhe süpü ngokemezhe thimo tate. 7Süsa dipüta? Israelmi phu ketao ngoyi mote, Kedakeyi sü ngoyi, vele kekreko uko mhücete. 8Hizide thopü meta, Jihova uko khapü kezürüpü lü süve, umhüpü ngo kemo, uko nipü seyi keho; tha ketso sitate. 9David sheri poti, uko ketiba (miz) po uketüba umakeyi shepü thi tate, uphe kemeshü tsü m umethi meni keti thi tate. 10Uko mhü thi mezü vate, side ukopo mhango hitate; uko chepokechothe neküsü tate. 11Süsa akepo, ukophe mesü vame de retu tateme? Mole, vele uko phe kemesü yola Judah kemokopo kelakeyi ngoyi ketola zo, de ukopo uroku ketola. 12Tsühi mhace, uko retu ketala cejüo cene thita lize, uko mekre ketala cejüo mhane ta zize: ukomedochusü ketasa dithedüri uko ve tata? 13Tsühi Judah kemokola I jüpoba, I Judah kemola apostlemi ketibi, I amhathopü po kemele süto. 14Mhace I athümako lü thipü uro kene thisü lize uko humi kelayi ri sehomo tila. 15Kekrelamori mhace uko kha kegü kesülü cejüo züde kezüveyi, kedipü ngoyita size, kelakeyi ngoyi toshe. 16Kekrelamori püsi keraü mesa lize püchu metü mesa zoto, püme mesa ketisa pücori mesa zoto. 17Mhace pücohu jüchu kesülü neko olivebo kethomozori püsü kokema keyizo, sizi keyi züde neko pümeyo m püboyo keta ujü keveko tüpü keza tiyo. 18Neko pücoko metsu kemeha morive. Vele ne kemehayo tisa no pümelü bamo vele püboyo ba tizo. 19Püco jüchu süde apüsü süyo kemayite side no poba yive. 20Izo ketho, uko melü kemola jüchu ve; kemelüla no tha kebazo: süla no nlünveta mori ve vele meprüsa yite. 21Kekrelamori Jihova püco kethoo zori jüchuva khrü moze menuyi kemosa nkelakre mode sübi tari seho. 22Seyite, Jihova keveko m pükerüko; retu ketakoyo pü kerü: pü keveko kha neyo sü, mhace nekevelü tayi süze; molize pü neko zathü vato. 23Vele melü kemo Israelmiko tsüzori melürü tazo sheri uko khipü kemala süto, Jihova kema ketisü thiyi vezo eru. 24Kekrelamori mhace neko Olive bo kethomo zori neko dathüpüvo Olive bo keveyo kemayi ta süze, süculü keta olive bo ketho püvo olive boyo kema süketo süo thiku motame?

Israelmi metü kelayi keto

25Kekrelamori azüneko I nekopo kemere kethiko semo ba nyümo, kekrelamori neko netho nekelülü batari semo; Israelmi hupo thelü kerülü baketa Israel kemokopo vori tsoyi kemothe. 26Süla Israelmi metüko kelayi zoto, Hibiketi thopü meta; Zionlü Süphra keyipü vorito: side Jacob yo mhatho keshüko khi vato. 27Hihi ajütsüjükhozo ukoyo kephomako khiva keto. 28Jüyikeveco tisa, nekola ukopo ngomu thite; vele kedakeyico tisa ukopoko la nukhrünuko zo. 29Khapü tsükesü m Jihova uko cükeyico lizo kede keva thitaho. 30Kekrelamori hijütho neko Jihova kemelü mimo sir itsühi neko ngokemezhe ngoyi uko melü kemola. 31Süla tsüri uko jüzülü vori kemola neko ngokemezhe ngoyi tibi uko sheri ngokemezhe pü tsü süto. 32Kekrelamori Jihova jüzükemo khi metüko ketsübi phikemezhe sheri pü metüko tsü zoto.

Niepoo kechu

33He-i, Jihova thelü mhase m kengo mhase kemesü kerelü didüpüri neshi pü shecoko phutso keyidi, püchoko phu keyimozo. 34Kekrelamori sopüno Niepoo lüdoko seyi veta? Mori sopüno pü tarhoyi veta? 35Mori sopüno mhakha pütsü merasüde süsa pücelü mhango sala keyiba? 36Kekrelamori mhametüko pücelü, püyo m pula zo, püpo zapozale kethio thiyite. Amen.

Currently Selected:

ROMEMIKO 11: NAG5BSI

Highlight

Copy