Galatiamiko 3
3
Kemesa Rüpü kha kesü kemelü lüzo, mu thezho kezülü mo
1O kemelü Galatiamiko, sopü neko kedo va side neko ketho jüzü thi mota, Jisu Khrista mhüjülü thaka kesü kha Cross yo gu sala tozüme? 2Mhahio I neko celü lebi sekeyizo, neko Kemesa Rüpü ngokeyi thezho kezülü me? Mori kemelü reni keyilü ta? 3Neko melo shu bateme? Kemesa Rüpülü shudüyi side neko uthi upholü thitsütso sü tüme? 4Neko mhakekrolü kemezhe kesü kemethu lü teme mhace süo tsühi kemethu thi teme? 5Pü Kemesa Rüpü mhatho thi kesüo, mha ungo thisü neko dolü; süo thezho kezülü thi sümo, mori kemelü reni kesülü thi süta?
Abraham jükho kemelü jükho
6Abraham Jihova melükeyi, mu pü phipü kemezimi thi keyi. 7Kemelü ketako sheri phripü Abraham nuneko thi keta neko se batho. 8Ketholesi hijü popü kemeta Jihova tho therünamiko kemelülü thi kemathoyi keto jüyikeve Abraham ce zhopo thi kesü mhüju n yono shuye metüpo thejo ngoyito siti popü meta. 9Süla uko kemelü lü ketako Abraham kemelü kevelü thejo ngoyi te.
Thüma thezho khrolü ketako thezholü reshu ve
10Kekrelamori thejoo lü mhathi ketakhü thezholü reshuve, thopü kemeta, kehopüri thezho metü thitsomo ketami thezholü thopü kemeta reshu sümi yo ku tato. 11Vele mipü sheri Niepoo mhüngoce thi kematho sümo, süo sizi tüzo, sejomo, kekrelamori “kemathomi kemelü la hüyi to.” 12Thezho sü kemelü me, vele thümao süo zü mu thiketako hüyi to.
Khrista uko la reshu thezho püyi side ukopo kemelü thejo ngoyi ketola
13Khrista thezholü reshu pü ketako uko phorha thisü, pü thipü uko la reshü kepü thisü, süo thopü kemeta, “kehopüri süyo kegumi po reshu kepüo thite,” 14Sizi keyilü Abraham thejo po Gentilemi yo vori ketola Khrista Jisu yolü no: sizi keyilü ukopo reshujü thipü kemeta Kemesa Rüpü ngoyi ketola. 15Asazüjürako, I thüma zhorelelü jüpo ba; süo sizi sheri I thüma jü kholü siri mhace süo kethota lize, thümapüri süo kedeva, mori thi medi keva thita ho; mori sa mekro ri süho. 16Tsühi Abraham mu pütsa la thejo reshujü khameta, pütsa kekrola mo vele püsi pülazo, mu usi süo Khrista zo. 17Akepo, jükho hijü kethozo ti mesekesü, Jihova Khrista lü ta, thezho tetse krada sümeri keta sari süo thi rede (medi) vamo, side jükha kesü süo mhapüri mo keta thimo. 18Kekrelamori mhace kalü süo thezholü ta lize, süo jü reshu khakesü lü mote; vele Jihova jü reshu kesü thipü Abraham tsüsü
Thezholü kemejo sü pükelü uzho urele thi meve sükelo kelü zo
19Size dipü la thezho choyi thiba? Süo sakesü kekrelamori vajoketako thipü popü kemeta lü voriyi ketola, mu süo tü mu cejü ni dolü choyi kethiko belü süculü thopü kemetala; tüyochoyimiko belü. 20Tümu cejüni dolü choyi kethi süo mipü zomo, vele Jihova sü pü lebizo. 21Thezho Jihova jü khakesü reshu süo metsu teme? Keni (motozo-Jihova po süo khavate). Kekrelamori thezho khakesü hüyi ketola lize, kemezi sü thezho kha kesü lazo. 22Vele ketholesi metüko phoma keta posü ve, Jisu Khrista melü keyi lü reshujü khasüko tsü ketola. 23Vele kemelü kevori mhüjü uko thezho khro tata, hisa laco kehala sü keto kha me tata. 24Süla thezho sü lesicelü uketha mi akhi püvo Khrista celü sü ketoo, side kemelü lü uthi kemathoyi ketola
Kemelümi thezho sü kekhrü, thezho la zomo
25Vele kemelü vori ketasa uko lesicelü kemetha khro bamote. 26Kekrelamori neko metü Jihova nune thite, Jisu Khrista melü keyi lü. 27Kekrelamori neko thüma kekro Khrista yolü jülopüyi mu Khrista thi beyite. 28Sülü Jew mori Greek kekremote, mori thejümi mori ukekha kedimi kekremo, mori thenomi mori thepumi kekre mote, kekrelamori neko metü Khrista Jisu lü püthi ketala. 29Mu mhace neko Khrista zhüta lize neko Abraham tsa (si) kote, mu pü kelü ri tazo püpo keta jülü.
Currently Selected:
Galatiamiko 3: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
