TIMOTHY KÜRAO 6

1Mi pon u Kümünupüh za mu pu kümütha dzüko thaküta kümüprüla mice tathide mi voce püta kütako ponutho u nyepomi rho kütsükütsoyi küzü lüyite. 2Sülizo Khristami miceta thi kütami pori u nyepomi yi züde sazüdzüratazo, side uko rhomoküta thita hide uko yitho la küpra kümüve ngoküyilüde mu pu kümülümi kütala puno pu khriethomi tazo küti lüde punüde pü chovi thiyite.

Küthokümo kümütha mu kütho cene

3Dzü hiko popüh müka mu mi tahitarho bazoyite. Thüma kühopüri kütho dzüpüh mi mütha kukri de Jisu Khrista dzüko yi mu kümülü dzürünyi mu talize puno küthüva mu mhapüri sebamote, süla puno mhapuriseyilho. 4Thüma süko mhapüri semo zori ko müthu tayo side künyomi bide kütsozü kümoko ri kütso mu mizü kümülitayo. Mha süko lano mingo uroküti, panyoparo, küzhe kümüli, küthaküti, huhu lü müsu kütiko muküthoo thüratayo. 5Sizomoli ukülü kükreta de huhu lü müsu küta, küthoo seyi mota de süceraka kümüho side mizü kümürhata tayo. 6Siri thüma ulülü unüsayi de kütholüyo küzhomi u kümüve ba zo. 7Kükrelamoli u mhapüri süde cejü lü vomo mu u mhapüri süde talayi lhozo kütila. 8Siri u kütico mu u khwüne süküyi ba kütasa umhapüri künyo mori ve. 9Siri mhaküne lüyo küzhomi tü dophi mu miratholü, kümüthu kümüri: uthi müsuyo kütilü lütayo: mha süko pon mizupüh de kükalü mu kümüsü lü tayo. 10Sücerüka kümüho no mhaküsu mütü bodüo zo, humi süsü phu tade ukümülü vajopüh tate, mu ulü supüh mhapuh thide kümüzhe phitate.

Tarhoküsü

11Siri u Kümünupüh thümao non mha hiko thürayi de kümatho, küthokülü, kümülü, kükhrü ulü sügüsühie küti mu thülü kümünü phu yoyite. 12Thüma kümürhayo küzho bide kümülü dzü co n rhathi zoyite, side küchothe kürhü yisü nzüthi zoyite, thazüri süsü la n ciyi mu thümakükro mhuzülü dzü küve süsü po vota zo, 13Mhamütüko mülhüküsü boo u Kümünupüh mu Pontius Pilate mhuzülüdzü küve popüh kütho zhopo thi küsüo Khrista Jisu mhungolüno; 14In npo u Nyepo Jisu Khrista la prüta kümotha ncepo küsü dzüko thi muzü zode mipon dzü süko thata mode süko thiba zoyi no küti a dzü khasüho. 15Pu küvo sü putho utütü ceno mipon ngoyito; püsü küdeko mhu Küdeozo, nyepoko mhu Nyepoo, küdeko mhu Küdeo sü pulibizo. 16Satayi külhoo sü Pu lübi zo; Puno ungo votso külho küvelü bayo, thümapuri Pun gomo mu ngoriyi lhote, Pu pon thürho pükeyiyo mu küchothe kükuo thite. 17Künemiko cedzü hihi posüte; uko pon ncene phude kümoko hi mori ukümüri mütüpüh u cenelü sü hite, kükrelamoh süsü küchothe ba küto cene moeli uko pon ukümüri püh Kümünupüh yolü süyite. Kükrelamoli putho cene sü molize kesu mütü püh u kütsüla. 18Künemiko pon ucene süde mhaküve küthilü mhane sayi node posüte, side u ceneko süde miprümiza de thüma pon unüyite. 19Uko mhatho hikohi thiyilize uko no küchothe cene künguküba zo side cene bo küveo swüdüyite. 20Timothy, non mha kam kha n mülü küvayo sü münude sü zoyite, side mithon dzüthuko, mori kücejü dzüko yisü mha küse dzü liyo küzhoko mu küngokümu, müsakümo dzüko thüra zoyite, thüma humi süko zü vo ukümülü khave. 21Ngokümüzhe pon nzü ba küyiyo thiyite.

Currently Selected:

TIMOTHY KÜRAO 6: NAG5BSI

Highlight

Copy