MATTHEW 1
1
Jesu Khrista Gu Chavang-chavi
(Lk 3.23-38)
1Haise Abraham kiriang, David kaikik thiubo Jesu Khrista gu chavang-chavi lam si-e. Abraham gasu chawang David tangbo kaikik siniu: 2-6aAbraham, Isaac, Jacob, Judah khatdi pasingnadung; Sigasu Perez nai Zerah (papui siniu Tamar si-e) Hezron, Ram, Aminadab, Nahshon, Salmon, Boaz (papui siniu Rahab si-e) Obed (papui siniu Ruth si-e) Jesse khatdi Chawang David hai-e.
6b-11 #
2 Chaw 24.14,15; 2 Char 36.10; Jer 27.20. David gasu Israel maidungtu Babylon lam kavangleng puitadbo katang, sibo kaikik siniu: David, Solomon (papuise Uriah nao si-e)., Rehoboam, Abijah, Asa, Jehoshaphat, Jehoram, Uzziah, Jotham, Ahaz, Hezekiah, Manasseh, Amon, Josiah khatdi Jehoiachin nai pasingnadung haisi-e.
12-16Babylon lam kavang thiulubo sai gasu Jesu tu manabo katang bambo kaikik siniu: Jehoiachin, Shealtiel, Zerubbabel, Abiud, Eliakim, Azor, Zadok, Achim, Eliud, Eleazar, Mathan, Jacob, sichiujiu Jacob niu Mary kina Joseph tu mana-e, sichiujiu Mary niu Messiah chiujiu kubo Jesu tu mana-e.
17Sichiujiu Abraham gasu David tangbo chaken kariu-je-madaikiu-e, khatdi David gasu Babylon lam kavang thiubo katang hai chaken kariu-je-madaikiu-e, sigasu Messiah tu lungbo katang siniu chaken kariu-je- madaikiu-e.
Jesu Khrista tu manabo
(Lk 2.1-7)
18 #
Lk 1.27. Haichiujiu Jesu Khrista manawang-e. Papui Mary haitu Joseph leng chagiang magiangra npao lubo-e, chiudi panaise magiang makbo suangga, pase Masanbo Hiupuina khugasu ngena phungmide chiubo simide. 19Joseph hai ka-nchang mai-e, chiudi Mary tu mathiu suangga kam mangam khaini makge; sijengniu mahin paniu chagiang thiura npao lubose phut mira maning mide. 20Paniu haichiujiu maning bamboga, pamang lamsu Rapiu gu maza siniu patu madu khaijiu din-e, “David kai-kik thiujiu bambo, Joseph yo, Mary tu nanao leng luping mane. Palamra paniu papum ripjiu bambose Masanbo Hiupuina khugasu-e. 21#Lk 1.31.Paniu panah piumai khat mana sune, khatdi nangniu pazanse Jesu chiujiu mathak rabo-e, palamra paniu pamaidungtu paliu nuan gasu kalan khaibi rabo-e.
22Haidungse Rapiu niu phaimiukakung khuga dinkhai mibose wangtang raleng-e, 23#Isa 7.14.“Phuilo, liuchangpui khatniu papum ripjiu panah piumai khat lungsune, sichiujiu pazanse Immanuel chiujiu kune” (parambase Tingwang aliutu maluong bamme).
24Sijengniu Joseph niu sulujiu, Rapiu gu maza niu dinkhaibo saisuijiu Mary tu maluong lung mide. 25#Lk 2.21.Sichiudi paniu ngenase lunglu makthen patu nphiuji makge. Sichiujiu Joseph niu pazanse Jesu chiujiu mathak khaide.
Currently Selected:
MATTHEW 1: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.