METIYU BETAMCONAM
BETAMCONAM
Metiyug Tugu pui si Jisu birwl apnam ywwnbo hvl tugu puiyv bekindo, mwwg lvgab Pwnbov otuq potangv nyi tulungam birnam mam niqtuq nyilin dvn. Soq tugu pui si Juhudi nyi tulu gab la hiyvg pengko lo Jisun ko bwwlayil swwk hog nyi tulu gab twqma, hvbmabde gvda mwlw gab.
Metiyu hengab jaqb xeqpa. Jisun ko bwwnam hoqgv, mwwg baptijum naanam gob, pooka-yirkanam ho hoq mwwg tomswrl bon nyinam godab xeqpa, tomswrnam, ho Galili nyi vcboam mwpnam. Kokw so tugu pui si Jisug Galili hoqgv Jerusalem gob wnam ho mwwg nyitwr-nyinyab bon nyinam, hentwr jaqb daapo aoho mengnam mam la ho lokta turkurnam gob xeqpa.
Tugu pui si bepa, Jisu koijaqb tomswr bov, mwwg lvgab Pwnbog Pvvbam tomswr dvb ator doopa ho mwv Pwnbog Lvpw hatig pagoqkam tomswrnum.
Tomswrnam koiyagwn pagoq goqg gob (5) nookum dvb nyipa: (1) Yorn puutu aoho tomswrnam, so nyiig nyij-mwj nyidynam, hempam, ho kokwngam Ao Lvpwho doody boam (cens 5-7); (2) Buu wyw leq vnyiam, bulug nyidynam tomswrnamv (cens 10); (3) Ao Lvpwngam Doocnamv (cens 13); (4) Buu hvgdvn si hoggv hvl tomswrnamv (cens 18); (5) Sija moodv hoggub nyinya taikun ho Ao lvpwg haadynamv (cens 24-25).
Ura bol doonbo gvmp
Jisu Kristog nwdv la hoo mwam ko bwwnam 1:1-2:23
Jon Baptistg bon nyinam 3:1-12
Jisun Baptijum naanam mvla hoo pooka-yirkanamv 3:13-4:11
Jisu Galili maqparho bon nyinam 4:12-18:35
Galili hoqgv Jerusalem 19:1-20:34
Jerusalem bviywrho nyitwr-nyinyab bon nyinam 21:1-27:66
Turkur kunam hoo Atwg kaakin kunam 28:1-20
Currently Selected:
METIYU BETAMCONAM: NISS
Highlight
Share
Copy
Want to have your highlights saved across all your devices? Sign up or sign in
Nyishi, DVRWQ PVVB @ Bible society of India 2016