GALATIA 1
1
1Paul ning Pathian tirlon a chang hi mi tenna nimak, mi ring ngai thei na jarra om nimak, tak-ha Jisu Khrista le pa Pathian a thi kei thui tor pa ama jarra ani. 2keini le a om u le naingai, Galatia hin a om biakrupngai jiang, 3Pathian le kan puma Jisu Khrista jiang a om lunghip le lungsiat theina ha nan chunga om rase. 4Kan siatna jarra hiva siatna ramuol tenna na tan ring na ranga puma a ringkho hi alui kan pek, pa Pathian lungdo nuk juia ani. 5A ma lurna le lianna ha phat rakip a om rase. Amen. 6Kein ka ngak e, kan jet tor making Khrista ana lungsiat thei le kan ruaia ana kui ha nan mak a chongsat a dang khat lam nan jui ret jui. 7A thinga Pathian chongsat adang khat lui om mak, mi aviar ning nangni jiang a om Jisu Khrista chongsat ha manmang na rang an tho ani. 8Tak-ha keini kan ni nom, vanram ma thaneithiang aninom, kan lui ri Pathian chongsat ha ni luia, Pathian chong adang khat an lui ri a chang inko ama chunga kho khong tungrase. 9Keinin arapa han nom kan lui ri hale atun nom veikhat ka ri ret ani, kein in kan lui ri le a kan khel la Pathian chong a dang khat mi khat ning alui ri aninko, ama chunga kho khong tungrase. 10Atun keinin mi ring ngai jotna mo ka tho? Animakle Pathian ranga mo ka tho ani? Animakle kein atun ten nom mingai lung khop na mo ka la tho ani? Kein mingai lung khop na rang ka tho aninko Khrista asuak lui chang noning.
Pual ning Pathian ten na ranak a mu na
11Ajarko kein ulenaingai jiang na manjet kati, kein ka ri Pathian Chongsat ha mi tenna ka jet nimak. 12Tu jiang om lui jet making, hale tu khat ning om na lui manchu ma u, tak-ha Jisu Khrista a tak tak ning ana manjet ani.
13Ajarko nang nin nan jet, keihi a tuan lai judaism ma ka lui om lai han iduk mo puma biakrup chunga khodengthei na ka lui pek, hale manmang na rang ka lui tho ani. 14Keihi Jiw a dangngai nek a Jiwngai chena dan Pathian jui na ha a khella ka lui jet hale atuan lai kan pa kan pu chena dan ham ka lui jui tit.
15Tak-ha Pathian ama ami lungsiat theina jarra, nai ka chang madonna keihi ana lui thang suak ani, hale ama chuan tho ranga ana lui kui. 16Pathian ning keihi Khrista le ana man kan mu na ajarko, keihi jatdangngai jiang Khrista chongsat ri ranga ani. Kein tukhatle om lui kan siam making. 17Hale ka madonna Pathian tirlon alui chang Jerusalem ma a om mingai jiang om lui che making kein Arabia hin ka luiche hale Damaskas hin kanuk ka hong kan le. 18Kumthum suale kein Jerusalem ma ka luiche, pitar le kan siam ranga hale keihi ni som le ni ranga ka lui om. 19Tak-ha kan puma a naipangpa Jems ni luia a dang tirlon tu khat le lui kan mu making.
20Kein ka hong jiak chithi hi chong dik ani, pathian ning a jet kei leisei ri making.
21Hava suale kei saria le silisia ram sunga ka lui che. 22Judia ram sunga a om Khrista a nuk jui biakrup mingain kei hi na lui jet ma u. 23Mingai chong tenna kei ka rui hi an lui jet da, anmanin an lui ti. “Khodengthei na an na luipek, tak ka ngai na manmang rang ati ama han a tun ko Pathian chongsat a ri jui!” 24Kei ka ruija anmanin Pathian lurna ha an lui manpak.
Currently Selected:
GALATIA 1: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
