KOLOSIA 4
4
1Mi neipu changngai, vanram ma nangni om nan neipu khat a om tihi ngaidon unang, na suakngai ha adik le asat a tho peru.
Manchuna
2Nan lam na rakip a manpak le kan ching thei tak a lam na neiru. 3Hiva phalai tak hin keini rang om na lam deru, ajarko Khrista chongsat ha kan ri torna rang, Pathian chong ruk hi om ri thei na rang lam ha ana long pe na rang, kei ning ren inna ka om ani. 4Kei ning ka ri rang ha kari torna rang na lam deru.
5Pha nan nei na rakip a asat a nei manru, takngai luingai jiang kan ching thei a om ru. 6Nan chong ri la pha rakip a mi lung tai nale ningsat na riru, hale mirakip jiang nan shang rang ha asat a ngaidon ru.
A torna Chubei
7Kan manrit u le nai Taichika puma chuan na takngai jot, kan chuan sin pui suom, a man kei ruia chong rakip ha nang ni jiang na ripe nati. 8Nang nin keini ruia nan jet na rang hale a man nang ni lunga ningsat na rang, kei ning ama hi nangni jiang ki va tir ani. 9Nang ni nan mi, ka manrit takngai jot u le nai, Onesimas om ama le kan ruaia ka hong tir de, anmani ning hiva mun na isuok rakip chuan ruija na ripe nanti.
10Kei le ren inna om Aristarkas ning chubei ana hong pek, hale Barnabas tupa Mark innom chubei ana va pek a man nan lam tiang a hong inko na lui don peru, tihi chong nan mu sa ani. 11Justus om anti Joshua ning chubei ana hong pek anmani anthum hi Jiwngai karra takngai mi ha anni, anmaningai ning Pathian rengram rang kei le chuan kan tho suom, asat nianga ana san mi ha anni.
12Nang ni nan mi Khrista Jisu a suak Epapharas innom chubei ana hong pek, nang nin Pathian lungdo tak a le nan lung ngir det tak a om na rang lungdo tung khristian nan chang na rang, a pha rakip a nang ni ranga lam na anei. 13A man nang ni rang le Laodesia, hale Hirapolis a om miranga chuan a sin tihi kei tak in shakhi ka pek tor. 14Kan manrit thiampu Luk le Dema ning om nang jiang chubei an na hong pek. 15Laodisia a om Ulenaingai le Nympha jiang tiko ama inna biakrup kan chun,
Mingai jiang kei ning chubei ka na hong pek. 16Hiva chong shan hi nang nin na pa suole Laodesia biakrup a nan pa rang hi ka dei, hale Laodesia tenna nang ni innom nan tel rang hi na tho peru, 17Puma chuan sin na rang an na pek ha na tor suo maje sinro, tia Archippus jiang riro,
18Paul ka kut tak in ka hong jiak chithi chubei ke ani, an na khit na hi na thei ni pe maru, Pathian manrit han na ruoi rase.
Currently Selected:
KOLOSIA 4: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
