MATHAIA THUMAVÂN
THUMAVÂN
Thurchi Ṭha Mathaia riziak hin Jisua hih Saninringtu inkung, Pathianin Thuthlung luia a mihei zianga Mesia ipe a înkung â thlunna a nit itin a îsîr a nit. Hi Thurchi Ṭha hih Jisua a suakna neh a seilianna ram Judahei ta rang bang ni mak a, rammual pumpui ta rang a nit.
Mathaia hin isîr ai tum infelna rangin ridîn takkan Jisua thurchi hih arthlang suak a. Jisua chibulhei isuiin a suak thurchin arphut a, baptisma a chang thu neh thlêmna a tong thu â sîr zoiin Galili rama a thu sîr, mi ân riseina neh mi ân damna thuhei a îsîr a nit. Kha rizoiin chu hi Thurchi Ṭhaah hin Galili rama rithokin Jerusalemah ân zin thuhei neh a hapta nungkhôn mang tliahei, ihêmdea a omna neh a thoinôkna thu hei idênin ai sui a nit.
Hi Thurchi Ṭha hin Jisua hih Minriseitu inthang, Mosia nêka roinpui, Pathian Dân khom rilfian thar theina richam ineitu a nitzia ifel takkan ân lang a, Pathian ram thu ai chuang intam tak tak a nit. Jisua inriseina thu chu thupui lom ringakan itêl thei a nit. (1) Itlâng chunga thusîr, Rivân ram khua neh tuihei omdân rang, sintumhei, hamṭhatna neh thluantlungna thuhei a nit (Bung 5-7); (2) Kôilôm Sômleiinikahei sintum inriseina (Bung 10); (3) Rivân ram chungchânga ṭongrikhekhei (Bung 13); (4) Kôilôm nitna omzia inriseina (Bung 18); (5) Hi rammual boi rang thu neh Rivân ram zuang tlung rang thua inriseina (Bung 24-25) hei hih a nit.
A sunga thu tlângpui
Richi suina neh Jisua Krista suak thu 1:1—2:23
Baptistu Johana sinthona 3:1-12
Jisua baptis changna neh thlêmna tongna 3:13—4:11
Galili rama Jisua sintho 4:12—18:35
Galili ram ata Jerusalemah a fe thu 19:1—20:34
Jerusalem neh a kôlvêla Jisua zoro nungkhôn 21:1—27:66
Pumapa thoinôkna neh inlârna 28:1-20
Currently Selected:
MATHAIA THUMAVÂN: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More