MATI KANGKÉNNANE
KANGKÉNNANE
Matike Atnam Tatpona Dooying si Aku Yéyon Baibéllo Jisu bí Shédíke amikídíem pébisunam agomem aromope emla agér ina Mopítkuna Ruutume emla pobidung. Si Tatpona dooyisi Jisuke siisangko Judai ami kídí petom lomang idola tani among tabusok legape kadung.
Matike kitab sim kamporupe remmotung. Si Jisuke onamem lulangala, bíkke baptis laanam delokke bím darkang namem lulangala, delok rongem bíkke pokan goola, luyil goola delokke Galillo ipígoola inamem poyin bidung. Delok rongem dooyisi Jisuke Galil lokke Jirusalemlo gínamem delokke Jisuke yéyin longe sopta em lulangala, bím pansaala, delokrongem gerepkunam lope atla metung.
Si dooyi si Jisume bottepe luyil bonakope, Shédíke Ayon ngiitomem pobeng bila nakope, delokke Shédíke yétem luyil nakope lutung. Bíkke luyil agomem laadum supala orek pilngokope ito; (1) Dííte teyolo ngiitom biname, de teyong yétalo duuna kídíke yékor dagor, agér anam paape ipenam, delokke teyong amolo gípeko legangem lubitung, (Gomle 5-7); (2) Íying kolang annyi luyilsuna kídíem buluke agér legape luyilnam (Gomle 10); (3) Teyong yétalo luyii sunam legang (13); (4) luyilsuna legangem pobinam (Gomle 18); delokke (5) tani yéyin penam legang emlang angkupena teyong among legangem poyilnam (Gomle 24-25).
Kitab Sokke Orege:
Odong sikname delokke Jisume ogange 1:1–2:23
Baptist Joanke agére 3:1-12
Jisuke baptis langgang elang bím darkaaname 3:13–4:11
Jisuke Galil amolo doolung keralo agér iname 4:12–18:35
Galil lokke Jirusalemlo 19:1–20:34
Jirusalem anínlo Jisuke yéyin longe pííname 21:1–27:66
Gerep langkula Ruutumke lengkan sukuname 28:1-20
Currently Selected:
MATI KANGKÉNNANE: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.