MATI 1
1
Jisu Kristoke Abu Odonge
(Lk 3:23-38)
1Si Abraham kelok lenna, Dabid ke otíng, Jisu Kristoke abu odonge. 2Abraham bí Isaakke abue, Isaak bí Jakobke abue, Jakob bí Judah kelang bíkke bíro kídí lok Abue, 3Judah bí Perej kelang Jerahke abue, (Bínyike anede Tamar), Perej bí Hejronke abue, Hejron bí Ramke Abue, 4Ram bí Amminadabke abue, Amminadab bí Nahshonke abue, Nahshon bí Salmonke abue, 5Salmon bí Boajke abue, (bíkke anede Rahab), Boaj bí Obedke abue, bíkke anede Ruth, Obed bí Jesseke abue.
6Delokke Jesse bí Dabid rojake abue. Dabid bí Solomonke abue, bíkke anede Uriahke méngíai, 7Solomon bí Rehoboamke abue, Rehoboam bí Abijahke abue, Abijah bí Asake abue, 8Asa bí Jehoshaphatke abue, Jehoshaphat bí Joramke abue, Joram bí Ujjiahke abue, 9Ujjiah bí Jothamke abue, Jotham bí Ahajke abue, Ahaj bí Hejekiahke abue, 10Hejekiah bí Manassehke abue, Manasseh bí Ammonke abue, Ammon bí Josiahke abue, 11Delokke Josiah bí Jekonia#1:11: De Jehoakim gommík 12 lokom kadung. kelang bíkke bíro kídíke abue, de Babilon lo bomnyok dokue.
12Babilon lo bomnyok rongkuem Jekoniah bí Shieltielke abue, Shieltiel bí Jerubabelke abue, 13Jerubabel bí Abiudke abue, Abiud bí Eliakimke abue, Eliakim bí Ajorke abue, 14Ajor bí Jadokke abue, Jadok bí Akimke abue, Akim bí Eliudke Abue, 15Eliud bí Eliajarke abue, Eliajar bí Mathanke abue, Mathan bí Jakobke abue, 16delokke Jakob bí Jisume ona, Marike milo, Josephke abue.
17Depe iname Abraham kelokke ila Dabid kelope, milo siirum íying kolang appiko. Dabid kelokke ila Babilon lo bomnyok dokulope milo siirum íying kolang appiko, delokke bomnyok doku lokke ila Kristo kelope milo siirum íying kolang appiko kato.
Jisu Kristome Ogange
(Lk 2:1-7)
18Sike pemin Jisu Kristome ogange ikane: Bíkke ane Marime mimepe Joseph kíng tatbitungai, idola bínyi milo méng ibo sumang adape, bím Deena aid lok koo gedope ito. 19Bíkke milo Joseph bí deena amipe ila repesinying keralo ngilkang mopemang emla, ami kénmang adape mekupe emla mííto. 20Bíkke dekepe mííla duudungem, Ruutumke teyong kotoki kone immanglo ríksula bím sikepe poto, “Dabidke oo Joseph, Marime nokke méépe bompenamem peso mapeka, kapeila bíkke oo genamde Deena Aid lokke min. 21Bí koo dem milokope oyé delo bíkke amínem Jisu#1:21: Jisu emnamde Griklokke Joshua emname, de Ruutum bí mopítdo emname. emlangka, kapeila bí agí amiem buluke paab kídí lokke mopítyé”.
22Si tabusi Ruutum ke kaaluna mirí lok ponam takam em iyin nape emla ikai. 23“De mimum de oo gela oodem milo kope oyé delo amie bíkke amínem Immanuel emyé”, (Depe emnamde “Ngolukíng Shédí bí duusudung”). 24Joseph bí darngo suyékudem, bím teyong kotoki delokke pokampe bí ito, delokke ekumlo méépe Marime langaato. 25Depe idokom oodem olendo delokai bím ketbo sumape ito. Oo delokke amínem bí Jisu emto.
Currently Selected:
MATI 1: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.