JON LUKOLUPYONIIÑ
LUKOLUPYONIIÑ
Jon ka Ayapuyu si Jisu mi santḛrlamanii Pinii ka Aguñ hiila kakiñdo, huna “miyu pa lyila ngunu agiñho sambo tiinii.” Siika Ayapuyu siimika keniiñ si miyu atañmi henje kiine dupa, Jisu hemme biniiñ Lyangur bo hiila, Pinii ka Oho, ho mohluka mohmika henje niilo mohlumi sango mi kapa kiine dupa (20:31).
Lukolupyo niika hiiba ho Jisu Pinii ka santḛrlamanii Aguñ hiila kala tiiku, hata dalyi keniiñso abuje miimalyanii miiniiñ hii Jisu hemme biniiñ lyangur bo hiila kakiñdo. Ho niihtañ panañ miyu tange Jisu mi henje tiinii ho mohmika imbo moniipa lyitiinii, ho tange hii mohmi chekhotii ho henje tama lutii. Hakhu 13-17 ho Jisu ka mo henjeajiñ agiñ hoka dukuñsiinii hoka dubola laka duniiñ mi ketii, mohmika latulyi ayoh ho, ho mohmika leda lala mensa niimika luko lumyo niimi ho mohlumika haro lupaniimi ketii. Kamikalo ka hakhu ho Jisu mika latu niimi ho mohmika leda lala ka meniiñmi ho turiturku kuniiñmi, ho mohka henjeajiñ atañ agiñ hoka turiturku biiku laka ahniiñmi ketii.
Jon lutiluti santḛrlamanii sango ka ahmiñayiñ mi lukodo Kristo kokii ka paniiñmi, siika ahmiñayiñ si siisikii dori biido ho hiika atañpa miilañ huna henje talyinii Jisu lembo, jije, ho sango hiila.
Urahokagiinii
Lukolupyoniiñ (1:1-18)
Jon Baptisma binii bola Jisu ka kapyo henjeajiñ atañ (1:19-51)
Jisu ka butii miigo miiniiñ (2.1–12:50)
Jisu ka butiiapur hoka miigomiiniiñ
Kamikalo allo atañ la Jerusalem aruñare ho (13:1–19:42)
Turiturku la Attoh ka ahniiñ (20:1-31)
Kejakuniiñ: hiira rongeta Galili hoka ahniiñ (21:1-25)
Currently Selected:
JON LUKOLUPYONIIÑ: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.